金記小食酸辣粉

營業中

休息中

作為一個酸辣粉愛好者，喺太子附近行街見到難得有專門賣酸辣粉嘅小店，即使大熱天時，都無阻要食酸辣粉嘅心情！呢間金記小食酸辣粉可以選擇外賣自取或者係即場立食，另外仲有其他唔同小食售賣添～碗仔翅(小)💰HK$22碗仔翅用料十足，有素翅、木耳絲、香菇、肉絲等等，簡單用埋香醋同埋胡椒粉去調味，完美地重現咗港式嘅經典美味！落埋自家製香辣菜脯，又係另有另一番風味～最佳搭配(小)💰HK$20有蘿蔔、豬紅、韭菜同埋大腸！蘿蔔煮到好腍，豬紅口感柔嫩，配合埋口感爽脆嘅韭菜同埋大腸，口感方面形成咗強烈嘅對比，終於明白點解呢個小食個名會叫做最佳拍檔😋～招牌酸辣粉💰HK$27揀咗小辣，辣度剛剛好！酸辣粉口感煙韌，肉碎份量多，配埋榨菜同埋芫荽，增添咗不少口感，味道相當之正宗～

餐廳：金記小食酸辣粉地點：太子汝州街19-25號英來大廈地舖（太子站D出口約100米）菜式：川式外賣店餐牌：酸辣粉，多款小食招牌酸辣粉 $27招牌酸辣粉價錢$27，可以逐樣餸逐樣餸加，豐儉由人。個粉係薯粉，極度煙韌滑溜，可轉米綫可加菜。配有香脆花生，榨菜，芫荽同肉碎。可選辣度，我叫左小辣，食到我出左身汗，兩行鼻涕都出晒黎。麻辣燙 麻辣燙可以加$10加薯粉，米綫或者麵。配有芫荽。味道都頗麻同辣。其他料我加左：木耳 $8 爽脆海帶 $8 爽脆娃娃菜 $9 一大條，都好嫩口魚蛋 $11 有三粒，較爲實墨魚丸 $11 有三粒，都係較實碗仔翅 $22呢個係小碗，係一隻正常外賣飯碗。個翅夠杰身，味道唔錯。中間仲飲到醋味。好足料，食到唔少冬菇同雞絲。最佳搭配 $30呢個都係小碗。最佳搭配其實包括白蘿蔔，豬紅，韭菜同大腸。豬紅有5件左右，好爽脆。韭菜非常香嫩，好味道。大腸有8件左右，好淋。白蘿蔔墊底有三大件。呢個小食就唔算太辣啦。食物即叫即整，唔洗等好耐就有。平日午餐時份都有唔少客仔叫酸辣粉。

今日天陰陰，想食酸辣🤔 分享一間比想像中好食嘅金記。豐信餃子店行過幾步有間金記新開，就買埋嚟食。好幸運前面無人排隊，師傅用心製作比我咁🤣 紅薯粉都幾煙韌彈牙之餘，又屬於咬得開的質感。這種平衡幾好食🤤 我本身譚仔都好少食辣，但風聞👃 麻辣、就叫咗少少辣。我講句出聲，話自己平時唔食得辣。結果恰到好處😛 有麻辣感但不致於辣到要飲甜野～ 🥳🥳配料上都正常發揮🙂 蘿蔔有surprise ~ 浸住湯底都唔會辣，保持清甜地址：太子汝州街19-25號英來大廈地舖地鐵：太子站D