陳儀興尚潮樓 (太子道西)

營業中

休息中

今次係同事做搞手，帶左我哋去太子「陳儀興尚潮樓」～因為地方夠舒適，啱晒聚餐！而且陳儀興嘅潮州菜又係新蒲崗老字號，夠晒正宗。先來一杯功夫茶先～🫖食潮州嘢點少得滷水拼盤！😏📌全晚覺得最出色嘅就係滷水鵝肉鵝肝，同埋蠔仔粥！😏⭐️推薦❗鵝三寶（$298起）原來裏面嘅拼配可以更換！😳補返差價就可以啦！😎我地叫左鵝片、鵝肝、元蹄，全部都滷得好入味！🤤最欣賞鵝肝，質地細嫩，入口即化～💕鵝片肉質結實，肥瘦適中且味道新鮮。潮州方味拼盤（$168）可以一次試晒傳統炸蝦棗和古法炸粿肉兩款招牌菜！（菜單冇寫有雙拼，所以要同店員溝通溝通😂）蝦棗炸至金黃酥脆，蝦膠內餡加左馬蹄，更添口感。炸粿肉用腐皮包着混合了馬蹄的豬肉，口感鮮美，配上甜酸汁，不錯吃！☺️⭐️推薦❗蠔仔方魚肉碎粥（$75）雖然Menu寫住每位$75，不過其實叫一碗足夠二人share食。採用大粒珍珠蠔，份量都算多！啖啖蠔肉，蠔味香濃～😎加上方魚嘅點綴，味道更有層次。👍🏻碧綠川椒雞（$128）唔好比個菜名嚇親，其實川椒雞係唔辣嘅😂，而係有一種獨特的香味。雞球加了川椒粉和醬油一起炒，炒得幾有鑊氣！雞球肉質保持嫩滑多汁，配上爽脆如海苔的川椒葉，口感幾有趣！欖菜崧

潮州菜黎講，陳儀興尚潮樓一直都無令我失望。地點方便，環境舒適，食物唔錯。裝修傳統而又優雅。 叫多幾個朋友一齊食，仲可以食多幾樣野。由於大家太肚餓，有啲食左兩舊先影，有啲無影相。本身想叫炸普寧豆腐，可惜無貨。 魚露浸花甲：簡簡單單已經有唔錯嘅賣相，新鮮好味 鵝六寶：鵝肉、鵝肝、鵝腸、鵝掌、鵝翼、鵝蛋，滷水好入味，唔會死咸，鵝腸亦都好肥美 碧綠川椒雞：香滑嘅雞件帶有麻香，少少辣（真係少少），炸過嘅珍珠葉亦好香脆 蠔餅：都算多蠔普寧豆醬焗牛田洋膏蟹：多膏肥美肚肉苦瓜煲：炆得好稔好入味沙茶牛肉炒芥蘭：第一次食呢個配搭，幾特別反沙芋頭：傳統甜品無理由唔食丫 總括而言，陳儀興嘅路線係平實而高雅，擺盤整齊簡潔，唔需要亦唔會好誇張，味道取勝。

在太子最繁忙的地區，估唔到有一家非凡脫俗的優雅潮菜館，呢到有兩層，一上2樓雅座，真係令人忘卻了是身前處繁忙的都市。有另一包箱在陽台的位置，日光光線配上古色古香的中式裝潢，感範高貴雅緻。令人賞心悅目的擺設朋友介紹呢到既鵝三寶係必食的項目，所以一定要叫......先來兩杯飲品，是潮州特飲老藥桔，淡淡的中藥味配上酸甜的飲料，生津止渴好味。鵝三寶$198---傳說中的名物來LA~~~~~哇好大碟超爽既鵝腸，好~~~好~~~食呀~!!!!!!!!OMG~真係名物黎架~!!!!!鵝肝好大件，咬入口好滑而且好入味，呢個中式做法好好食~同西式係完全不同的風味。我覺得更O岩我地華人的口味呢~肚肉苦瓜煲 $128 --豬腩肉非常肥美，好正的動物脂肪~苦瓜好大條而且好有味，配上大大件的冬姑，係好正的中式小菜~!碧綠川椒雞$98--潮州名菜，我自小就最LIKE呢個因為佢既脆卜卜香葉~~雞肉好入味有微微的麻香味，同平時食既雞好唔同。汕頭煎蚝烙$98 呢個配白粥一流汕頭煎蚝烙$98---整得好靚而且好新鮮，脆脆的好好食~!呢到真係一流既中菜館，環境超正，如果有外國朋友，真係一個好地方去招待佢地呢~!

有一段時間冇食潮州菜，身為潮州妹的我，某天行經花墟，見到對面開了一間新的潮州菜館，所以今天相約友人來到這裡試試有沒有家鄉的味道!餐廳感覺高貴古典，共有3層，我們安排坐於1樓的位置，餐廳有電梯，可乘電梯上樓。座低後，店員為我們送上功夫茶和小食。功夫茶茶味夠醇夠甘香，小食比平時一向街外俾開的不同，不是咸菜蕎頭，而是苦瓜，但味道跟醃製蕎頭差不多，食落爽口，沒有苦味，很特別!生醃螄蚶，係香港真係好少會見到有螄蚶食，螄蚶的味道有點像生蠔，帶有少少腥味，但由於用上生醃的方法，螄蚶帶有酒香，加上有生蒜，令味道帶有辣味，令人有吃完一粒再一粒的感覺，十分刺激味蕾。鵝三寶，鵝三寶包括了鵝肉、鵝肝和鵝腸，滷水鵝肉味道濃郁，是半肥瘦的，令肉質不會好鞋口。滷水鵝肝好似是第一次食，是入口即溶，好香濃的鵝肝味，令人回味!而鵝腸入味又爽口，底下還有嫩滑的滷水豆腐，十分惹味!金不換燉海螺，這個湯非常清甜，有淡淡的金不換的味道，而海螺螺肉爽口，十分有口感。鹹檸檬燉鴨，這款湯味道很特別，聞上去有陣陣的咸檸檬味，飲落帶有少少酸味，好開胃。湯也是很清甜，鴨肉亦很入味!蝦棗拼粿肉，由細到大都很喜歡食蝦棗，而且還有種情意結，每不停