鮨一 (厚福街)

營業中

休息中

週末來到尖沙咀行街，不經不覺又係食飯時間啦！今次同朋友食這間在厚福街的鮨一日本料理， 友人之前品嚐過 ，說這除了魚生刺身好食外， 而燒物也非常美味， 真係十分期待。這間鮨一在藍馬商業大廈18樓 ，一出電梯，已見店內高朋滿座， 相信這麼多人都是為了品嚐這裏的新鮮刺身而來， 我們兩個人等了一陣,便被店員安排坐於Bar 枱， 除了看到各式各樣美味的魚生放在眼前的玻璃雪櫃外，也可以近距離觀賞大厨的刀工，實在感覺良好。我們兩個人實在太肚餓了，幾乎樣樣都想食。最後點了好多樣豐富的美食，包括特上錦繡刺身、日本厚岸蠔 、磯煮鮑魚、 什錦天婦羅 和什錦燒串， 咁多嘢食 ，簡直未食已經流曬口水。第一樣來的食物的，當然是特上錦繡刺身， 賣相非常之精美，有花有草伴碟， 砌得好靚， 人未食手機先食是必然嘅定律。 錦繡刺身共有八款每款各兩片, 而當中日本活帶子、韓國海膽、 大赤蝦 、鯛魚 、針魚和拖羅。 食完這盤錦繡刺身,感覺真是興奮到不得了，除了味道非常鮮甜之外， 口感非常之香滑, 加上大部分刺身都是厚切， 每一啖都非常滿足,必须慢慢咀嚼，真是鮮味在心頭， 齒頰留香就是這樣感覺。之後是日本厚岸蠔， 平時食開啲

之前老公帶過我到鮨一食午餐試過海膽同鰻魚飯都好好味，今日老公完成咗一份大project，當然要慰勞下佢食餐好嘅。我地未試過鮨一食晚餐，一於book黎試下😍我早放工六點半就已經到達鮨一，店鋪面積不大，想食最好book位或者早d到，遲左就要等位了。午市店面的大玻璃窗有日照，顯得明亮，而晚市就依靠室內柔和的燈光，更添溫暖。記得之前食晏老公目不轉睛咁望實巴枱壽司師父的出品，今次就選坐巴枱滿足佢嘅嗜好。今次我地試其他料理，職員好有耐性咁介紹咗好多時令刺身同特色食物。鮨一沙律想唔到沙律份量咁大碟，魚生種類有:劍魚腩~ 油甘魚 ~三文魚 ~八爪魚。特別調配嘅沙律汁酸甜中帶點鹹味，好醒胃。白子我首次試魚的睪丸，老公話白子係女士補品，叫我食多d。白子質感柔滑豐腴，緊緻爽滑，伴上日式汁吃，口感綿密嫩滑入口即溶，無腥味，一試難忘。真名鏗刺身師父細緻的功工把真名鏗薄切，晶瑩剔透的真名鰹薄切上配上金箔~花瓣~蔥花，未食已經大飽眼福。配上調制的醬汁，味道甘甜鮮美，肉質嫩滑細緻👍龍蝦刺身龍蝦肉晶瑩剔透，師父切成厚塊，龍蝦肉質結實彈牙，清甜爽脆，加了檸檬汁的龍蝦肉一點腥味也沒，沾上少許新鮮磨製的山葵和醬油，更添鮮美👏

鮨一尖沙咀店開業而來, 長期都人氣爆燈, 我地上年都因為千層海膽丼慕名而來, 一試上癮, 欲罷不能。😳 基本上同同事每次到尖沙咀開會, lunch都一定係去鮨一開餐, 而且除左一人一客lunch set外, 會再點一至兩客千層海膽丼share。😋今晚係老婆同我一個小紀念日, 好多刺身都唔食嘅老婆為左俾驚喜我, 居然係鮨一呢到訂左枱同我撐枱腳。😘 夜晚食鮨一我都係第一次, 之前兩次夜晚黎walk in都因為滿座冇食到, 今晚老婆訂左7點枱, 我地收工上到去未到7點, 所以難得見到唔係坐滿人, 不過7點半左右已經全店滿座, 餐廳唔算好大間, 裝修以木色為主, 簡約而富日式風格, 老婆訂枱時已訂左坐bar枱, 可以一邊食一邊欣賞師傅嘅手勢同埋新鮮嘅食材。👍由於今晚係老婆發辦, 所以我唔知道將會食咩, 令我對呢餐更加期待。白子刺身($148)我一坐埋位見到食物櫃入面有白子刺身我已經流哂口水, 一客嘅份量都唔少, 口感綿滑, 入口即溶, 老婆唔食, 我一個人食哂超滿足。😋鮨一沙律($128)第一樣上枱嘅係呢個超豐富嘅鮨一沙律, 刺身份量超多, 有劍魚腩, 油甘魚, 三文魚同八爪魚, 仲多過沙律菜

豬小姐今晚尼「鮨一」嘅目的只有一個！就係要食千層海膽丼！ 被瘋狂洗版嘅佢 又是咪咁值得被推介呢？好快有結果公佈磯煮鮑魚切片上 炆得又軟又腍 口感極佳唔會有絲毫因過熟而導致「韌」嘅情況出現配上甘香邪惡嘅蟹膏 兩種鮮味配撘起上尼 令味蕾上得到滿足日本厚岸蠔巨型到不得了！屬於king size 並唔係得個殼大 蠔肉都一樣大而厚身！生蠔新鮮富咸海水味 丁點兒腥味都無 加檸檬汁提鮮係各位嘅必做動作吧質感滑溜水潤 係高汁嘅靚蠔白子刺身係魚類嘅精巢 有豐富蛋白質 有滋陰養顏及補身嘅功效白子肥美緊緻 綿密口感令人難忘 伴以日式酸汁及蔥花 忘記佢本體 其實佢係補品 味道都唔錯日本海葡萄蕃沙律係用料上乘嘅健康之選！沖繩特產海葡萄配撘靜岡蕃茄 有營！鈣質比牛奶更高嘅綠色嘅小顆粒清新怡人 鮮嫩紅彤彤嘅蕃茄相當香甜 再加上沙律醋吊味 有益又開胃特盛鰻魚用木板盛載住嘅鰻魚份量相當驚人！鰻魚鋪滿燒汁 汁多到快要滿瀉了肉質柔軟易嚼又入味 重點係碎骨非常少 無阻礙啖啖肉之口感亦因為份量太多 食完哂好飽肚呀 不過並非膩 鰻魚愛好者千其唔好錯過燒牛舌大家食得多啦 炸牛舌大家又有無食過？豬小姐現在初嚐一番炸粉薄脆有調味 牛舌

夏天唔一定食雪糕雪條先可以消暑，日日食怕且未降到溫已經體重超標。呢日嚟到尖沙咀厚福街的藍馬商業大廈，幫襯近來因千層海膽飯而爆紅的鮨一日本料理。 午市剛開鋪已差不多全院滿座，我倆二人被安排到吧檯高座，坐高櫈當然不會十分舒適，但可以看到師傅握壽司的手藝也算有另一番享受。 日本海葡萄蓄茄沙律 $128 先來充滿海洋味道的海葡萄沙律，據聞當中含鈣量更勝牛奶。 每串海葡萄都有過百粒粒，晶瑩剔透一咬就爆開，海水味一湧而出，是有少少鹹，但知道是天然食品就一於放心食。 上錦繡刺身 $298 這盤刺身認真不貴，一共有8款刺身，每款兩片。  望落色澤新鮮，帶子夠厚肉，連平日經常充當配角的八爪魚都有超大吸盤，口感十足。 另加了磯煮鮑魚 $118，上面鋪了一大團蟹膏，但由於磯煮已令到鮑魚很夠味，所以蟹膏我們是分開食的。 八爪魚燒餅 $28 其中一個超平推介，其實就似是從前放學很愛吃的章魚小丸子，不過用了另一個面貌呈現。燒餅的外圍脆脆地，中間有菜及八爪魚等等增加口感。 日式味噌煮牛舌 $62 睇價錢時沒有預想到份量會這麼大！而且味道一絕，假如配上一碗米粉真的要我食足一星期都甘願~ 近睇就知道牛舌粒粒都異常厚身，

今日小妹嘅好朋友萬歲話帶小妹食好西🤤小妹梗係乖乖地準時出現🙇🏼‍♀️點知原來朋友係帶小妹食一間「小妹想食好耐嘅餐廳」---- 鮨一😱😱😱果然！識得耐嘅朋友係特別心有靈犀♥️哩間餐廳其實係小妹個list好一段時間但因為小妹慳家所以一直未去試🙈今日果然一飽口福🤤------------------------------由於小妹從來未食過海葡萄於是朋友就叫左個海葡萄蕃茄沙律等小妹一試味道🙈原來海葡萄本身屬於淡味食物口感似蟹籽食落會啪啪聲😧配沙律食感覺好清新🍇朋友話海葡萄十分有益因為海葡萄屬嘅鈣含量係牛奶的5倍係超級健康嘅食材👍🏻食完沙律就叫左個刺身Set-上錦繡刺身有8款刺身用料十分新鮮要一讚👍🏻小妹特別愛當中嘅金目鯛🤤🤤🤤魚肉較彈牙而且魚油亦好豐富♥️♥️♥️之後仲叫左磯煮鮑魚！！！唔係小妹誇張！哩個鮑魚暫時係小妹食過最彈牙最入味同最好味嘅😱😱😱😱食完冷盤朋友就叫左燒鰻魚超大條😨超肥美😋而且燒到鰻魚皮脆卜卜勁香👍🏻朋友話哩度嘅天婦羅目光魚好好味但唔係成日有！要睇運氣😱好明顯！！！！小妹超幸運🍀🍀🍀小妹都係第一次食目光魚🤤目光魚魚肉似銀雪魚但魚味就香好多！而且好滑！！屬於令人一試難忘嘅魚👍🏻

最近的潮流應該吹到海膽杯上。在社交媒體上，經常會見到大大小小，形形色色的海膽杯打咭。今晚我也是其中一份子。晚上來到最近熱點之一(鮨一)餐廳，已見到排隊的人龍。這裡位置不多，坐的時候可能要親密一點。被安排都壽司吧的坐位，可以近距離欣賞一下師傅的手藝。雖然這裡給我 Omakase 的感覺，但是有單點食物的餐牌。鮨一沙律 $128沙律份量多，而且用上不同的刺身，加上沙律菜和沙律醬，口感清新。驚喜在於蕃茄，選用日本蕃茄，鮮甜清爽又多汁。磯煮鮑魚 $118磯煮鮑魚還會配上鮑魚肝醬，可以先試試鮑魚的原味，新鮮爽口，再蘸一蘸肝醬可以更突出鮑魚的味道。千層海膽飯 (大) $298還未吃的時候已經望住師傅製作其他海膽飯，當望住師傅將海膽堆積如山，我終於明白什麼叫"未出發先興奮"。這個千層海膽飯非常吸引，滿滿的海膽用"澎湃"來形容絕不過份。自己吃海膽的時候喜歡有少少飯襯托一下，但一般吃到的海膽飯，飯都比較少，而眼前的海膽和飯都一樣澎湃，吃得非常滿足。上錦繡刺身 $298三文魚，帶子，北寄貝，八爪魚，鱆紅等刺身用料豐富，加上用精心的擺位，單單賣相已經好吸引。秋刀魚刺身 $188秋刀魚刺身頗有口感，而屬於魚味