影片
更多
2020-10-22
1099 瀏覽
放假無得去旅行，唯有留港消費啦；去唔到台灣食原味道，食住喺香港開嘅「度小月」先！其實唔係一心諗住食佢，只係喺V Walk行嚟行去唔知食乜，又見佢個下午茶好抵，先決定一試😛。下午茶$18起，雖然$18只係得小食，但仲包罐裝飲品，又唔駛收加一，口痕歇腳抖下一流👍，好過去快餐店。食物唔貴，但飲品轉特飲要加$18就唔多抵...。由於我哋預計食物係好細份，所以叫咗好多樣、成枱都係😂，不過食下食下都飽，因為有飯又有麵。擔仔麵($22)，呢個係台南傳統食物，當地平均台幣50蚊(即港紙$13左右)一碗。我去台北同台南都幫襯過度小月，味道其實又唔係話好食得咁驚艷，但今次喺香港食反而喜出望外，可能本身無乜期望🙈。擔仔麵賣相吸引，對比台灣店還原度甚高，面頭有隻蝦🦐，中層有啲蒜泥同肉燥，而最底就係油麵同芽菜。份量少(三啖左右)，但成碗麵嘅組合好豐富😋，而且湯頭帶有蝦頭香，惹味，但有少少油。祖傳肉燥飯($22)，呢度嘅肉燥幾好食，肉粒唔太多肥膏；而飯粒係用上珍珠米🍚，煮得軟熟。我唔敢話佢勁好食，但我會形容佢嘅味道恰到好處，唔錯。沙茶魷魚米粉羹($38)，湯頭有沙嗲香，唔會過份濃烈。米粉用上銀絲米粉，所以比較幼身
放假無得去旅行，唯有留港消費啦；去唔到台灣食原味道，食住喺香港開嘅「度小月」先！其實唔係一心諗住食佢，只係喺V Walk行嚟行去唔知食乜，又見佢個下午茶好抵，先決定一試😛。
下午茶$18起，雖然$18只係得小食，但仲包罐裝飲品，又唔駛收加一，口痕歇腳抖下一流👍，好過去快餐店。食物唔貴，但飲品轉特飲要加$18就唔多抵...。
由於我哋預計食物係好細份，所以叫咗好多樣、成枱都係😂，不過食下食下都飽，因為有飯又有麵。
擔仔麵
$22
16 瀏覽
0 讚好
0 留言
擔仔麵賣相吸引，對比台灣店還原度甚高，面頭有隻蝦🦐，中層有啲蒜泥同肉燥，而最底就係油麵同芽菜。份量少(三啖左右)，但成碗麵嘅組合好豐富😋，而且湯頭帶有蝦頭香，惹味，但有少少油。
祖傳肉燥飯
$22
24 瀏覽
0 讚好
0 留言
沙茶魷魚米粉羹
$38
17 瀏覽
0 讚好
0 留言
宜蘭蔥餡餅
$18
25 瀏覽
0 讚好
0 留言
甜不辣
$22
26 瀏覽
0 讚好
0 留言
鹵豆腐
$5
18 瀏覽
0 讚好
0 留言
我覺得樣樣食物味道都幾好🤤，係咪台灣古早味我就唔知，但總之無乜太多地方可挑剔。之前聽過尖沙咀店勁多人負評，我今日可以為南昌店平反一下，評級為值得一食！
題外話，食哂成碗麵、飲哂成碗湯就會見到個碗嘅完整印花㗎喇😍，佢係台南卡通版地圖，仲印有東南西北。印花同台灣店係一樣㗎！
主餐牌食物選擇多好多，價錢當然同下午茶無得比，不過亦唔算貴，小菜類都係合理水平👌。
餐廳門口同台灣店一樣，就係Set Up咗個位畀人睇點整擔仔麵，麵、餡料同大煲湯放哂喺度，一目了然。透明玻璃望入去，都算幾乾淨企理✅。不過無人點餐嘅時候就無人坐喺嗰個位做佈景板😅，呢日我平日下午茶時段去，真係無乜客。
環境方面，座位唔太多，如果坐滿人應該會逼。不過裝修都幾靚，光光猛猛，有少許復古風📺，整體唔錯！
上文講嘅肉燥係有製成罐頭🥫賣㗎，擺哂喺門口做招牌。我仲見到餐廳話為咗保持質素，部份食物不設外賣選項。
總括嚟講，呢餐我好滿意，食咗六小份食物$130都唔駛，台灣食物有特色，唔係間間都有得食；個人認為好食過阿X來了。不過如果好肚餓去食，就未必適合🈴️，始終份量比較迷你呢。
張貼
