紅伶飯店

營業中

休息中

之前試過紅伶飯店潮州打冷，味道唔錯價錢都好抵食。今次係附近開會，見到推出咗秘製羊腩煲，睇落唔錯，同埋宜家天氣又凍返，咁試試啦。鋪頭都好大，分上下兩層，傳統打冷蠔粥，鹵水鵝片同韭菜豬紅上次已經食過，今次揀咗秘製羊腩煲同避風塘炒蝦。秘製羊腩煲好快黎咗，搭配買2碟腐乳醬。羊腩煲配料好豐富，有羊腩煲，支竹同馬蹄。羊腩份量都好大，大部分都連住皮，湯醬香味好濃郁，唔洗點醬已經好夠味，加埋腐乳醬，味覺層次更加豐富。支竹同羊腩湯好夾，嗦曬羊腩煲湯底味道，好食到停唔落口。避風塘炒蝦，炒得好有鑊氣，大大只蝦有差唔多10只，蝦炸得脆啵啵，蝦殼都可以食埋，蝦肉好新鮮，食落好鮮甜彈牙。兩個女仔食兩個餸份量好足夠，特別係羊腩煲，最後食到好飽TIM！

依間位於油麻地既潮州打冷店，係重開既老字號，有上下層，地方都大，唔係朋友話食羊腩煲都唔知咁多人食😳，都有唔少年輕人黎聚會。-💕 秘製羊腩煲(小) $398👅好味指數：8/10份量多好足料❗️細煲都夠2-3人食了，湯汁鹹香味濃好夠味🤤。羊腩羶味唔重同肥瘦適中，都幾大一件，唔多骨啖啖肉，皮又爽彈👍🏻除左羊腩，仲有馬蹄、枝竹，全都炆到入哂味🤤我覺得唔洗沾腐乳都好夠味了❗️-環境：6.9/10服務：7/10整體味道：8/10回頭率：7/10

冬天來臨羊腩煲可以說是明星菜，朋友介紹咗我去一間本身開咗幾十年早兩年曾經關閉過一段時間，近期重開既飯店，話呢間飯店嘅羊腩煲超好味，時間咁啱梗係即刻去試吓啦！.🥘秘製羊腩煲這家經典飯店使用砂煲連同瓦斯爐上枱，十分之有風味！使用坊間極罕的傳統古法，黑草羊、臘鴨燜煮多個小時，湯汁濃郁厚身，極為掛汁。呢個羊腩煲真係超足料！份量以我同食伴2個人黎講已經一份羊腩煲打爆左我們😂羊腩份量足，枝竹又夠腍、馬蹄仲勁爽！.🐟椒鹽九肚魚充滿大排檔小抄既風味，不僅表皮酥脆好吃，魚肉還嫩如豆腐，好有鑊氣！超正👍🏻.其實本身呢間老店本身主打潮州打冷，馳名滷水鵝、蠔仔肉碎粥、椒鹽脆皮豆腐等，今次試完發覺大廚手勢幾好，下次有機會會再過嚟試埋佢！有機會再俾埋個食評大家喇😝

話說上次食見到隔離幾枱都叫羊腩煲好似好正，咁梗係快手約fd子再戰啦，今次一行六人叫左十三個菜，真係夠晒爽～！ 秘製羊腩煲，先講下個佢個煲，好巨型 賣相就贏晒喇，味道都吾錯，唯一係以一個$498嘅 羊腩煲 嚟講佢肉個份量唔算係多。今餐驚喜之一，一定係「黃金茄子」，紅伶嘅「黃金」一向都係幾好食，係無諗過黃金同茄子呢兩樣係咁夾。酥炸脆皮大腸，同平時食開嘅好唔同，係咪好啲就真係見仁見智，我自己就鍾意食平時果款多啲，但同行友人們就對呢個紅伶版本讚口不絕。已經好飽但最後都忍唔住叫埋個反沙芋，上次食左焦糖今次食返「傳統推沙」，係真係幾正，呢類傳統手工菜可以有多啲餐廳做係好事。其他叫左嘅都係一啲比較大路嘅野，紅伶嘅質素好穩定，地點又就腳，唔怪得真係日日都咁爆場~ 另外鍾意嚟紅伶嘅另一個位，就係佢開瓶收費都好合理。

油麻地地鐵站旁的紅伶飯店，由佐敦吳松街小小店鋪現轉手交由二仔主理，搬至油麻地砵蘭街14號地舖。這天只有單位數溫度的寒冷晚上，扭開那枱面上Gas爐，擺上一鍋熱辣辣的羊腩煲配枝竹、馬蹄，蘸腐乳，然後整碗白飯，可以嗎？富香港地道特色，有齊大排檔應有的啡色摺枱、摺凳、花磚，牆壁上貼滿餐牌、推薦菜色的相片。光是一份細的羊腩煲就足夠2人享用，但人總是貪心的，叫多碟餸都不失為過。加埋呢碟黃金苦瓜，本身有黃金（鹹蛋黃）係冇得輸，加上不會苦只有甘香味的苦瓜，不知不覺食咗半碟。🥘🥘🥘秘製羊腩煲($398) 細

一直bookmark咗好耐嘅潮州打冷小店, 今次一行六人食咗13道菜都係300蚊, 其中仲有要有大份羊腩煲, 真係幾抵食滷水什錦 / 滷水鵝片 - 滷水就係去打冷必食, 鵝片少韌味道中規中矩, 反而什錦有齊雞腎、生腸、紅腸、墨魚、豬耳、大腸、腩肉、芽菜、豆腐等等感覺豐富D秘製羊腩煲 - 用原個瓦煲上好有睇頭, 羊肉唔算膻, 骨都比較多, 但配自帶嘅意大利barbarseco紅酒又幾夾, 開瓶費50/支黄金茄子 / 黃金雞軟骨 - 加咸蛋黃再炸到酥脆, 鹹香炸物幾時都係下酒佳餚辣酒煮花螺 / 豉椒炒蜆 / 酥炸脆皮大腸 - 大排檔鑊氣小菜冇失手白飯魚煎蛋 / 椒鹽九肚魚 - 白飯魚煎蛋D魚冇散哂, 椒鹽九肚魚外脆內軟仲好juicy, 做得相當好冰震芥辣墨魚片 / 鹹菜門鱔 - 正字"鎮", 雖說係名菜之一, 但感覺普通唔夠爽彈; 鹹菜門鱔都係平平潮州反沙芋 - 應該成晚最失望嘅菜式, 芋頭未蘸滿砂糖而且偏硬, 嗜甜嘅朋友可以考慮其他

適逢免費乘車日 同前世情人出去逛吓話說好耐無食過潮州嘢 搵吓搵吓見附近有呢間黃店(老實講 潮州黃店真心少見🥲)仲要好多人食 所以就入咗去😆佢係典型大排檔咁 有兩層呢款懷舊嘅環境喺香港真係買少見少值得一提係侍應們都好好禮貌 兼好有耐性💛除咗唔該前唔該後 仲唔會嫌要幫你行幾轉最後老豆話想試吓佢個羊腩煲 (話晒季節限定)再叫埋蠔仔粥就好足夠喇😆秘製羊腩煲 (細) $398 🙆🏿‍♀️當然入邊唔少得有枝竹同馬蹄啦一開始以為真係細細煲 一開蓋有啲驚喜好足料 隨心撈一撈就見好多羊腩枝竹都有超多 呢吓小妹超開心💓而羊腩就好入味 肉質都好夠淋而每次最最最令人擔心嘅皮都幾彈牙 但又好易咬得開最後就係對小妹嚟講 羊腩煲最重要又不可或缺嘅嘢腐乳！！！ 真心 佢個腐乳幾好味 又唔鹹😋食完暖笠笠🫂蠔仔肉碎粥 (中) $78 💁🏿‍♀️上枱時因為我哋仲品嘗緊 擺擺吓啲湯索晒😅有個職員見到主動話幫我哋加湯💯望個樣就知佢個湯夠濃 望唔到嘅就係佢都夠熱入面好特別地加咁魷魚🦑 口感🆙最後發現中太大碗 其實叫細都夠飽🤭 但我哋都清碗🤫汽水 $15 💁🏿‍♀️❎ 加一服務費

💛紅伶飯店·呢間我哋之前已經食過一次架啦 見前幾日天氣咁凍 就決定嚟試吓佢地個羊腩煲❄️·秘製羊腩煲(細)$398 l 生菜$48佢個羊腩煲真係超大個 係真係塞滿曬羊肉 我哋最後都食唔晒啲羊🤣🤣之後佢啲羊幾好食 唔會話好騷 而且係各個部份都有有啲筋膜位 有啲腩位 有啲骨位 整體都幾入位幾好食☺️不過佢入邊就剩係得支竹 無冬菇嗰啲 生菜都要另外加錢 好彩佢兜生菜都大兜🤭😈·冰鎮芥辣墨魚片$108之後呢個我自己超鍾意 佢個墨魚勁新鮮 而且一啲都唔韌 配埋少少麻油同wasabi豉油超好食😍😍之後佢啲墨魚鬚都超脆 口感好正 樓下鋪底嗰啲酸菜都好好味 超解膩☺️·#rbyeat#rby港式#rby💛#rby油麻地·📍油麻地砵蘭街14號地舖

之前買左紅伶飯店嘅羊腩煲即食包同屋企人開心share🤩由於實在太好味🤤忍唔住又同朋友去實體店食多次原汁原味嘅羊腩煲原來呢間馳名潮州菜餐廳原來已經開業超過50年不過飯店上年宣佈結業，好彩今年重出江湖👍🏻仲比舊店大間，但仍然座無虛席，大家繼續有口福🌟秘製羊腩煲（細）$398想暖笠笠過冬天❄️咁緊係要食羊腩煲，滋味補身羊腩份量好多，唔係靠配料墊高啲羊腩羊腩亦啖啖肉，仲炆得夠惹味、腍身🐑輕咬已經離骨個煲放左南乳、紹興酒，所以羊肉毫無羶臭再配上枝竹、香蔥等材料，愈滾愈滋味🍲全部吸滿曬羊腩汁嘅精華，完全忍唔到口不愧係打冷老字號😛🌟馳名煎蠔餅（$80）蠔餅超！級！大！份！而且有3塊咁多🤩蠔餅唔會有太多粉漿，啖啖都有飽滿嘅蠔肉蘸埋魚露就更加鮮味☺️食物有質素，位置又好近油麻地地鐵站仲要係良心食堂💛值得大大力懲罰