亞玉冰室 (已結業)

亞玉冰室相信住係元朗區既朋友無幾多個唔識，之前都食過好幾次，返食得就當然好食先會返轉頭，今日中午就再黎同朋友們食個午餐。餐廳門面同格局都同傳統既冰室有幾分似，同而家新派既冰室不同，但食物款式邊方面都比較有特色，例如焗野炒野之類都同一般茶餐廳款式不同，而味道都好夾。芝士豬頸肉煎蛋焗飯呢個我之前食過焗通粉，今日肚餓d食焗飯，先講個炒飯底夠乾身得黎唔會好硬，份量都好足，夾埋芝士汁絕配，豬頸肉大約有4-5塊，肉質爽口奕有調過味唔會淡茂茂，煎蛋就正常一隻熟蛋，成個餐好豐富。窩蛋芝士吞拿魚焗意粉朋友A揀既，意粉口感唔會過腍，吞拿魚同芝士汁都好足，窩蛋經過咁熱既焗汁轉頭都熟左7成了。亞玉鴛鴦焗飯朋友B揀既，鴛鴦即係雞排同豬排，茄汁同白汁，食到兩款排同兩隻汁，排炸過唔會好乾。凍檸茶少甜自己揀左少甜，茶味偏淡d，篤完檸檬酸味比較重。另外都介紹下亞玉既特色紅豆冰系列，跟餐加10蚊就有1杯大大杯，啤酒杯咁大，有溝埋咖啡或奶茶，之前就試過紅豆冰咖啡，個人認為就比較甜，同埋真係太大杯飲唔晒，有興趣既朋友不妨試試。整體黎講亞玉既食物幾有質素，款式都有特色，價錢黎講算中規中矩啦，無話太平又未到好貴，值得推薦。

元朗一直出名多野食 如果問最高質嘅冰室相信非亞玉莫屬დ我都試過幾次今次就食咗午餐先🐸—·—·—·—·—·—·—·—·—·亞玉鴛鴦焗飯($60)一半白汁一半茄汁 飯有加雞蛋去炒白汁係🐔 而茄汁就係🐷餸嘅量都多 啖啖都食到肉醬汁佈滿成個飯 啱晒我呢啲醬汁星人🤪整體唔錯 好食過出面啲快餐店⁂窩蛋芝士吞拿魚焗意粉($58)一嚟到就見到滿滿嘅芝士 仲可以拉絲！醬汁同焗飯一樣非常多不過意粉煮得較軟身 所以唔係好掛汁吞拿魚都多 但亦可能因為咁食到後尾覺得有少少苦~雖然整體味道唔錯不過呢個價錢 下次會擇其他款試下🤣-我去個日見到門口有個手寫版只要出示國泰工作證費用全免咁良心嘅店點可以唔大大懲罰下佢！💛下次再講埋佢地嘅早餐⏄————————————💰: ★★★☆☆👅: ★★★☆☆🏖: ★★★★☆#foodisgod_hk掃黃行動💛=================📍 亞玉冰室 (元朗)元朗西裕街17號民康大廈地下4-5號舖