喜惶點心專門店

營業中

休息中

網上睇到呢間好多人讚，食落覺得同豪惶有得揮。今日仲系新春期間黎食，唔知系咪因為咁，無下午茶餐😭要講講服務，就算無乜人，都好似好吾耐煩，仲聽到佢地嫌人食少少但坐得耐，搞到我一食完都拿拿林走人。皮薄，包夠鬆軟，入面奶黃超流心，要就住咁食！佢出名牛肉，一入去都見大大個招牌寫住「牛肉世家」，果然牛肉好彈牙，好大粒，但就無乜陳皮味。腸粉又係皮夠薄，入面好多叉燒！好足料！春卷未食已經聞落好香三文魚味，小心太熱會辣口，都好食，但個人認為熱既沙律、三文魚同春卷唔太夾。

今日睇完醫生之後同婆婆食飯，佢話喜煌啲嘢好好食，其實我都唔係第一次食喇！（真係好耐無食）🍲 竹炭熔岩奶皇包 $28新鮮熱辣辣嘅包真係超好食！係細個啲，但係咬落去會流好多奶皇出嚟，又有啲鹹蛋黃味又滑，我下次嚟會再嗌奶皇包嚟食！🍲 太陽蛋牛肉飯 $35我見呀婆食牛肉飯，我就循例寫番個評語🤣 之前我都食過牛肉飯，但係而家醫生話要戒口，我呢半年都無食過牛肉。呢個對我印象真係好深刻！因為啲牛肉係好滑，加埋流心嘅太陽蛋就好完美，而家仲可以直接打生蛋食。🍲 臘腸滑雞飯 $43啲飯好溼潤，因爲有啲雞油墊喺上面，食落去都係有雞味。我咬臘腸嗰陣係唔會咬到一粒粒肥膏，因爲佢哋都融晒做臘腸油！不過又唔會好鹹嘅，仲有啲雞真係好滑，有幾舊有多啲脂肪。其實個飯都會送豉油，但係個飯送到嚟應該係唔記得落埋豉油，不過我可以食得清淡啲，淨係靠啲雞油都覺得夠味🤣

2022-8-29 美好的星期一，因為有得放假😙 於是就一行二人去咗旺角食早餐，諗來諗去都未諗到食咩好，行到附近見到呢間點心店，咁就不如飲茶啦😋 點心紙上有整整一頁係牛肉點心，原來呢間店有「牛肉世家」嘅稱號😆 可惜我唔食牛，所以睇返其他點心，好彩點心種類同選擇都好多，唔使怕無嘢啱食😊 瑤柱杞子燒賣皇 $33燒賣味道一般，不過有杞子有瑤柱，亦夠大粒，一穩4粒都只係$33，都算係咁😀 竹炭熔岩奶皇包 $26望落同平時酒樓嗌貨嗰啲好似差唔多樣，但食落有分別，奶皇餡好明顯比平時食開嗰啲色水淡d，好似稀d咁，味道一般，奶皇味唔太夠。 脆炸韭菜餃 $29超好味😍😍😍 好味到唔捨得一啖食晒佢😚 炸得好脆好香口，但唔會乾，仲有肉汁爆出黎😆 好滿足啊💓😋 海苔香煎蘿蔔糕 $23唔錯唔錯！ 煎得脆皮可口，有少少焦嘅脆脆，但唔會煎到燶咗，加埋甜醬就perfect啦😋 蜜汁叉燒腸粉 $28普通水平，無咩特別，不過都足料😊 皮蛋瘦肉粥 $21不錯喔！ 味道挺好，尚算足料，略嫌蛋皮唔夠多🥲 環境都乾淨，唔會太迫，性價比高💓茶位$6一位，total $172，平均每人$100都唔使，好抵食喔😋😋😋

🫖女人街飲啖茶食個包🫖推介指數❤️❤️❤️❤️🤍忙裏偷閒，得閒當然要同朋友見下面吹下水啦，食完仲可以行街四圍hea下，經過幾番熱烈討論約會地區旺角係我哋最終嘅選擇。之後响民主機制票選中日台菜式… 經過一輪黑箱作業下，點心大獲全勝😂😂 #未試過想試下都好正常啫女人街真係愈開愈多食肆，食點心都係第一次。小店位於地舖，由兆萬中心行過去都係3分鐘左右。吹一餐水，食咗兩轉，食咗午市同下午茶😂😂以受歡迎程度排列：🥢竹炭熔岩奶皇包HKD24✨包包新鮮軟熟，奶皇流沙且甜度剛好🥢荷葉黑椒牛仔骨飯HKD48✨蒸飯熟成度剛好帶清香荷葉味，黑椒牛仔骨味道濃食落唔韌，但就肥咗啲😂🥢粟米煎牛餅HKD25✨牛肉餅外層脆卜卜又卜卜脆🥢蟹肉菜苗燒賣HKD29✨餡料爆滿，口感爽口彈牙，菜苗新鮮🥢晶瑩鮮蝦餃HKd32✨一籠有四粒，食落皮薄，餡料蝦同豬肉都夠份量🥢金翅瑤柱灌湯餃HKD38✨一向比較貴嘅功夫點心，湯底鮮甜，灌湯餃皮薄，餡料豬肉味冬菇味突出🥢鮮肉灌湯小籠包HKD29✨外觀同口感都似蒸急凍小籠包🥲傾傾下，食到下午茶時段，好抵食喎！有下午茶點心拼盤、蒸飯套餐同點心套餐。不過已經飽飽地，食多少少🤏先～🫖下午茶點心套餐HKD37

早已聽聞這家平價點心店剛巧這天早上路經此地🧍🏻‍♀️當然要一嚐滋味😚位芥 $4 / 1位它只有普洱茶和鐵觀音作選擇茶是用茶包沖的🤭所以味道肯定不會太濃不過$4的價錢算是親民價也就是說不能要求太多就是了一個人的食量有限🤭所以這次也就只點了3款點心🥢竹炭熔岩奶皇包 $24竹炭包子是流心餡的！！配上甜甜的奶皇醬味道絕對不錯🤤👍🏻🥢原隻鮮蝦滑腸粉 $28鮮蝦與腸粉的配搭絕對也是經典組合😚🥢蔥花炸倆腸粉 $24「油炸鬼」與腸粉的配搭吃起來外脆內軟👍🏻口感不錯😚👌🏻

以前細個唔太熱衷飲茶, 而家大左, 唔係成日得得閒同屋企人去飲茶,所以特別掛住一盅兩件既感覺.見到呢間都幾抵食既點心專門店~今晚同朋友就黎試下啦!老火湯(大): 粉葛赤小豆呢度既老火湯標榜無味精, 日日不同~真係好有家既感覺, 好埋係勁足料! 見呢度出名牛肉, 亦係牛肉世家, 當然要試下D牛肉食品!燒汁牛肉蝴蝶餅呢個既食法有D似片皮鴨, 個燒汁好夾牛肉, 而且夾埋片青瓜, 好清新~一啖有齊3種唔同既材料, 口感豐富! 十分推介!乾蒸牛肉燒賣比一般既燒賣大粒D, 帶有少少莞茜香味.而且粒粒都好飽滿!粟米煎牛餅煎得好香脆, 即叫即煎, 真係新鮮熱辣!牛肉都keep住juicy, 加埋D甜甜地既粟米, 又係一個新配撘!竹炭熔岩奶皇包黑金色, 相當型格霸氣!一met開流心奶黃大爆發, 食落唔會太甜, 仲有好香濃既蛋黃奶味~ 籠仔荷葉北菇蒸雞飯材料滿滿, D飯帶有陣陣荷葉既香氣!鮮肉灌湯小籠包湯汁鮮甜, 肉餡飽滿~紫薯南瓜小丸子最後黎個小甜品作結~外脆內軟好好食!仲有支裝汽水, 好難得~Overall, 呢度環境舒服新淨, 而且食品既價錢都十分親民~ 牛肉既點心非常出色特別, 不愧為牛肉世家!

🎐熊妹攞左幾日假黎温書，所謂吊頸都要抖下氣，食飯時候都係要食飯，拉埋放工的阿豬媽同卡肥哥哥黎到旺角通菜街新開無耐的 《喜惶點心專門店》食點心喇。📌熊妹其實都幾鐘意食點心，細細一件可以食好多款嘛。燒汁牛肉蝴蝶餅，$29有三件，將燒汁牛肉夾入蒸熟的白包入面，好似台灣的肉夾膜🌮。燒汁甜甜地幾惹味，配合本身無味的白包，中和左一點汁的濃味，就係簡簡單單的一塊牛肉餅包。翡翠海鮮菜苗餃，$24水晶餃皮幾薄，唔會好厚食到成口麵皮咁。菜苗餡都多🥟，仲有啲蝦肉，不過整體味道淡左少少同埋餃皮一點蒸得過龍，淋左啲。蜜汁叉燒腸粉，$25原條大大碌腸粉，包裹著很多唔肥的叉燒粒，再沾點豉油汁，好味又抵食！粟米煎牛餅，$25📌阿豬媽見呢款牛餅的圖幾吸引，話想試下。無唸過煎牛餅真係有脆底，外層食落卜卜脆，內裡軟淋的牛肉餅夾雜著爽口的粟脒，配撘唔錯。不過有點熱氣。🔥芥末沙汁三文魚春卷，$29典型的春卷包起少少的煙三文魚同青瓜絲，餡料真係少得可憐，兩件一開二，三個一人試半件，最後食剩半件無人想食。酥皮焗叉燒包，$21酥皮都幾鬆化，類似墨西哥包的酥皮，脆脆地，應該岩岩焗起，叉燒餡都豐富，甜甜地，多汁，叉燒粒唔肥，熊妹幾鐘意。

旺角曾經是我上班的地方，無論講玩講食，行街shopping都不會缺少的。今天抽空重臨舊地，順便去女人街尋寶，兼食好野。近年多了些點心專門店，可以在不同時間吃點心，喜惶點心專門店，在女人街內，紅色喜字招牌，好搶眼，唔難找。店鋪燈火通明，有個好精美 – 牛肉專家 - 牌匾，牛肉一定最好美味了。首先吃陳皮山竹牛肉球，果真專家，肉質嫩滑多汁，好香牛肉味，沒有那種用鹼水和梳打粉的怪異口味。再來點了太陽蛋牛肉飯，栗米煎牛餅，也是一樣甘好食，真的只吃牛肉已經很滿足了。翡翠海鮮菜苗餃，餃包得好紮實，不會水汪汪，是上品，鮮菜配鮮蝦，口感好夾。蜜汁叉燒腸粉，重點系腸粉好滑流，質感不似食粉團咁，其次系極多叉燒，老闆真好闊綽。竹炭熔岩奶皇包，超驚喜，同平時食那些不同，奶皇醬系好似熔岩甘，流出來，配竹炭包吃，勁滋味。芥末沙汁三文魚春卷，第一次甘食春卷，配料出奇地夾，質數有酒店級數。還有其他點心蒜香蒸排骨，名醬蒸鳳爪，水準一樣甘正。價錢好街坊價，點食都不過份，吃滿40元憑收據30天內來吃還有9折。

在網上看到這個主打牛肉點心的點心專門店 就心思思想試 今天既然來到旺角 就去拜訪一下竹炭熔岩奶皇包 $23黑色的奶黃包 上面印有金色的掃印 賣相有高級點心的風格 包皮鬆軟 有點點的竹炭味 奶黃餡流沙程度挺不錯 奶黃味道突出 有粒粒鹹蛋黃每個包不是太大 一個人吃一籠也不會覺得太膩鬼馬免治牛肉腸粉 $26腸粉粉皮很滑 能嚐到米漿味餡料方面 牛肉醃得入味 調味到位 牛肉味也很濃 是挺不錯可惜腸粉整體的餡料不多 粉皮就感覺厚了點總結：能吃到小店做點心的心思 牛肉是出色的 我看到旁邊的那個太陽蛋牛肉飯好大一份 也只是$28 下次來會試試