鴻星中菜 (已結業)

每年十月，便是大閘蟹應市時節，香港各大食肆紛紛推出大閘蟹宴，以過往經驗我個人認為鴻星海鮮酒家比較有信譽和取價合理的一家，於是放下什麼膽固醇的憂慮，決定來個大閘蟹宴每位蟹宴包江蘇大閘蟹3隻 (兩皇一后)，但服務員會按人數每人每次上一隻蟹，讓食客先吃完一隻再上第二隻，以免涼了不好吃，的確是非常貼心的安排可能將貨就價的關係，跟餐的蟹比較細隻，但蟹膏味道非常香濃 蟹粉小籠湯包每位1個：非常甘味, 不會太肥, 內含多湯 蟹腿玉帶羹 ~~~ 味道和獻都做得不錯XO醬蝦仁雪花蚌 ~~~ 味道一般 竹籠飄香飯： 細細籠荷葉包住臘味飯, 非常多料 ~ 超多臘腸碎及潤腸碎 讚

繼上年o係同一間鴻星食完大閘蟹之後, 今年返兜~! 訂左位準時8點到, 竟然被安排坐o係全場最近門口仲要擺o係走廊既加檯. 今年叫左$485套餐. 包括以下幾味:1) 2皇1后大閘蟹: 呢個係主題. 超多膏, 好好味. 食既時候已經唔想講野, 只想食多d~!!2) 金肘燉白花膠: 個湯好清甜~! 不過吃得出花膠係另外煲過, 所以扣分~3) 宜蘭肉末姻脂貝: 超級敗北既一道菜. 姻脂貝即係北寄貝, 加埋翠玉瓜一齊炒過, 令到北寄貝奇韌無比. 簡直就將d北寄貝浪費哂~! 另外要一提既係份量亦都係奇少! 每一份只有4年翠玉瓜+4件北寄貝. 大家睇相就知.4) 原隻鮑魚脆金衣: 脆金衣即係炸腐竹. 之但係同時間又用大量既汁去煨鮑魚, 令到d原本好脆既腐竹淋哂. 而且上菜既時候又未食完d蟹. 叫人點食....5) 蟹粉小籠包: 呢味o係大閘蟹黎之前已經黎左~都ok, 不過就唔係點食到d蟹黃既味道6) 竹籠飄香飯: 呢味係鴻星必食之一. 自家製既臘味跟荷葉飯一起蒸, 所有精華都集中哂落d飯度. 今年呢樣無走樣. good!7) 甜品: 紫米露. 侍應o係上最後一道菜時問黎齊未. 我一答係, 佢就拎

又到左一年一度大閘蟹季節, 呢日就去左鴻星, 食左$438 套餐.1) 大閘蟹 (2皇一后): 大閘蟹一絕, 公既就勁多膏, 蒸完之後成隻蟹都係黃油, 連食蟹腳時都有油滴出來, YUMMY~!!!!! 而蟹后就好多蟹籽, 真係食到停唔到口. 食完蟹waiter會為你送上薑茶驅寒, 杯茶真係好夠薑~!!!!!2) 蟹粉小籠包: 蟹都未食完就拎左來, waiter又話要趁熱食, 咁就食左先. 冇乜特別, 雖然睇得出黃黃地既油, 但係味道同普通小籠包差唔多.3) 紅燒雞絲翅: 都ok, 不過同小籠包一樣, waiter一早就拎左出來, 都未吃完蟹, 結果食完翅. 蟹凍左要叫佢換過, 好在佢都俾我地換. 講返個翅, 味道ok, 不過睇落料好少.4) 外婆菜手抓蝦仁: 分量唔多, 下面既照片就係一份, 唔講以為自己夾送去自己隻碟. 其實呢樣即係翠肉瓜炒蝦仁. 因為本人唔食蝦, 所以只評翠瓜. 都炒得ok, 唔會太"淋".5) 原隻鮑魚燴翡翠: 普通, 一隻鮑魚 4-5cm + 一隻冬菇 + 一條菜膽. 個汁太濃.6) 竹籠飄香飯: 呢個係除左蟹之外最好味既一道菜. 其實賣相唔係好靚, 但係味