三姐松記糖水 (已結業)

紫薯西米拼芋圓 $32材料: 新鮮紫薯+蕃薯圓+芋圓+紫薯圓+紫薯西米露。紫薯煮得剛好，夠腍又唔會散。蕃薯圓+芋圓+紫薯圓全部大大粒，全部都好夠味、好Q彈。成碗糖水甜度剛剛好。芋圓丸 $38材料: 芋泥+蕃薯圓+芋圓+紫薯圓+凍芝麻湯圓+明珠+薏米薏米有咬口，配埋濃郁芋泥、蕃薯圓、芋圓、紫薯圓、芝麻湯圓、明珠一齊食，味道好夾。甜度剛剛好。糖不甩 $14即叫即煮，熱辣辣。椰絲、花生碎，份量好多。好好食。今次係咁啱路過嚟食。但其實值得專程嚟食。

下午同妻子經過三姐松記，入去搵d嘢食，一於飽食之後又行街。叫咗杏汁燉蛋及合桃糊，加多一個糖不甩，共約40元。熱杏汁燉蛋上嚟時是用一個膠碗，先輸賣相。(最近去澳牛食同樣甜品係用傳統碗上)一試之下，感覺差不多所有嘢都差小小。蛋味淡咗小小，蛋香薄咗一d，杏香極薄，不過夠滑，孚回一些分數。合桃糊入口粉粉的，合桃味淡，不與置評。糖不甩有5粒，有麻芯，外加芝麻花生碎，不太甜，糯米粉夠滑，整體不俗。綜合來算，有得有失，ok喇，可能下次試d非傳統糖水會好d啩。