三姐松記糖水 (已結業)

下午同妻子經過三姐松記，入去搵d嘢食，一於飽食之後又行街。叫咗杏汁燉蛋及合桃糊，加多一個糖不甩，共約40元。熱杏汁燉蛋上嚟時是用一個膠碗，先輸賣相。(最近去澳牛食同樣甜品係用傳統碗上)一試之下，感覺差不多所有嘢都差小小。蛋味淡咗小小，蛋香薄咗一d，杏香極薄，不過夠滑，孚回一些分數。合桃糊入口粉粉的，合桃味淡，不與置評。糖不甩有5粒，有麻芯，外加芝麻花生碎，不太甜，糯米粉夠滑，整體不俗。綜合來算，有得有失，ok喇，可能下次試d非傳統糖水會好d啩。