顏府御膳 (已結業)

對自己好啲，不如食精緻中菜啦！不過晚市食精緻中菜通常都比較貴，所以我哋選擇午市嚟到銅鑼灣嘅顏府御膳。呢度嘅午市套餐有齊前菜、湯、主菜同糖水，價錢唔貴又見得人，真係嚟個lunch business meeting都得。老火湯今日嘅湯係雪梨紅蘿蔔煲豬骨湯，勁足料好鮮甜，完全無味精，係屋企嘅原味道。口水雞呢度嘅口水雞係預先起骨，製成雞絲，食得夠晒方便之餘，仲好入味；記住加埋青瓜一齊食，咁就更加有口感。味道方面唔算太辣，少少麻，味道好有層次。紅椒汁蘆筍蝦餃另一個前菜選擇咗紅椒汁露筍蝦餃，由於外皮用紅椒汁製作，賣相呈橙紅色，非常吸引，而食落仲有少少嘅紅椒鮮甜味道。蝦仁同蘆筍帶嚟double爽脆感，非常彈牙。野菌燒汁和牛主菜方面就揀咗和牛，估唔到和牛份量都唔少，牛肉味超香濃，加上燒汁就更加惹味。涼瓜豉蒜炆頭腩頭腩啖啖肉，魚肉嫩滑，蒜頭豆豉勁入味，用嚟送飯真係一流！南北杏雪耳燉萬壽果糖水方面，萬壽果非常清甜，加入冰糖、南北杏同雪耳，夠晒潤肺潤喉，啱晒轉天氣嘅時間享用。（記住Like同Share畀朋友）By A姐M佬 玩樂日記

之前上網見到有間位於銅鑼灣嘅中菜餐廳，室內設計別緻，今日lunch time見有充裕時間，所以一於去試下。黎到見到餐廳嘅設計果然冇令我失望，用上多盞紅色水晶吊燈，餐廳光猛之餘又夠晒高貴優雅。顏府嚐味午餐菜譜 （每位 $180 ）+ 香片茶 （每位 $20）🥣顏府精選老火湯：應該係西洋菜紅蘿蔔湯，清清地夠晒下火。🧆頭盤：脆皮麻辣燒賣 & 紅椒汁蘆筍蝦餃 燒賣外皮香脆，辣辣地幾惹味。外皮橙黃色蝦餃幾特別，一啲都唔辣，加埋爽脆蘆筍和蝦一齊食份外有口感。🍲主菜： 野菌燒汁和牛 & XO醬蝦乾肉碎炒芥蘭牛肉片肉質鮮美，一啲渣都無，炒野菌醃得好入味。蝦乾都幾大隻，肉碎炒芥蘭切得大小適中，非常易入口。🧁甜品：南北杏雪耳燉萬壽菓呢個好飲，好滋潤，甜甜地好暖胃。🫖佢地嘅香片茶幾好飲，真係不停咁樣斟不停咁樣飲😜。另外，餐前小食係四貴豆都幾開胃，唔錯。

之前來過顏府吃晚飯已經很喜歡，知道 Cubus 食廈與開飯喇合作推出半價優惠，自然把握機會，來吃點心，水準沒有令我失望，而且高高瘦瘦戴眼鏡的男服務員態度殷勤，努力介紹菜式，請到這個員工，老闆有福！脆皮麻辣燒賣好吃，恰到好處的麻辣刺激；藥膳小籠包勝在特別，內藏當歸的味道；酸菜魚鮮竹卷新組合沒有失敗；XO醬炒腸粉有水準，亦吃過遠年陳皮上湯牛肉球、紅椒汁蘆筍蝦餃，一試無妨。釀蟹蓋我覺得中規中矩，花雕雞油蒸六頭蝦幾好，再回味的黑胡椒膏蟹不失水準，$788/只物有所值，濃郁的黑胡椒香是我在香港吃過中最強，驚喜在焗雞飯，油香惹味。綜合兩次午餐的體驗如下：脆皮麻辣燒賣 $66輕輕的麻辣刺激，恰到好處，為燒賣成功提味，值得重溫。藥膳小籠包 $48勝在特別，內藏當歸的味道，本身小籠包做得亦好，皮薄不穿，食落有汁。酸菜魚鮮竹卷 $58都幾有創意，效果都唔錯，成功的新口味。鮮竹卷餡料充實入味。遠年陳皮上湯牛肉球 $58講真，陳皮味又唔算極出衆，但依然是好吃的牛肉球，軟滑味道豐富。紅椒汁蘆筍蝦餃 $68以為會辣辣地，其實未夠火喉，不過加了蘆筍增爽幾好食。XO醬炒腸粉 $52足夠的XO醬，有鑊氣，炒得香。黃金焗