上海廳1930 (已結業)

今日過開黎黃大仙做野，本身想食南館另一間餐廳但滿座，走去北館睇睇有咩選擇，就見到呢間上海菜餐廳。望望menu分咗午餐同下午茶，價錢$40-60左右，都過得去，可能黃大仙屋邨區所以普遍價位低d。入到去裝修感覺高級，座位都舒適。再睇返menu原來晏晝時間叫午餐同下午茶免收茶錢又免收加一，咁可以叫多d野食，叫咗一個炸醬麵，搭3件紅油抄手，再追加$12要細份雞絲粉皮。叫完無耐就上咗杯豆漿，冇留意下午茶會連豆漿雞絲粉皮唔似坊間用胡麻醬，呢度係用花生醬，不過不失；紅油抄手雲吞包薄餡多，夠辣但唔算最惹味；炸醬麵用肉醬意粉既肉醬，味道我覺得都唔差，中式拉麵口感唔錯。總括黎講，都係食得滿意，味道唔會太濃烈，埋單亦約莫$60，算係咁

今日天氣太熱, 熱到完全打消出街買送煮飯既念頭, 所以夜晚就係屋企附近搵食醫肚。經過上海廳, 諗起好耐之前幫襯過, 印象中食物質素唔差, 所以我地就決定入去食Dinner~平日晚人流很旺, 似乎吸引唔少街坊客幫襯。我地Order左幾款小食share一齊食~【話梅花雕醉雞】HK$72其實唔太食得出話梅味, 反而陣陣既香醇酒味更為突出, 雞肉嫩滑入味, 凍食岩哂解悶熱。  【紅油抄手】HK$43抄手皮薄滑身, 內裡有鮮甜肉汁, 加上炸蒜, 個汁帶少少辣, 幾惹味 【紅袍辣子雞】HK$73每件炸雞件表面都包上一層薄薄既辣汁, 亦冇影響到炸皮既脆感, 入口辣味慢慢滲出, 刺激一下味蕾, 正!【生煎鍋貼】HK$35鍋貼中有豐富湯汁, 一咬之下, 湯汁四濺, 肉汁豐富, 如果鍋貼底部再煎香一點會更好~【高力豆沙香蕉】HK$46表面鬆軟, 灑上糖粉增加少少甜味, 內裡有豆沙同埋一小片香蕉, 整體唔會太甜。晚上茶位每位$4, 待應們都很主動加茶, 收碟, 服務質素唔錯, 而且上菜速度幾快, bookmark成為我家飯堂之一!

住響附近，留意左呢間上海嘢已經好耐，一直都好想搵機會一試。點知次次都有朋友唔鍾意食，經過佢門口已經好多次流晒口水，都仲未有機會食到佢。今日終於有個好朋友，願意同我試吓啦！呢間上海廳好特別，門面係半開放式嘅，可以直接見到商場嘅環境。正門嗰度會有一架好懷舊嘅黃包車，影相一流。睇吓餐牌，基本上都係傳統嘅上海野，都有唔少選擇嘅，我哋叫咗五樣嘢食。《麻將雞絲粉皮》食親上海野我都好鍾意食架，呢度嘅雞絲粉皮都整得唔錯。麻醬好香，粉皮切得好薄好滑好有口感。唯一不足呢，就係雪得唔夠凍，令到粉皮一層同一層中間有少少黐埋一齊嘅感覺，而唔係爽口嘅。《紅油抄手》朋友最鍾意嘅就係紅油抄手，同佢食親上海野佢都一定會叫。呢度嘅紅油抄手唔係好辣，少少辣又有小小甜味好醒胃。而且個抄手皮都好薄，餡料亦都好豐富，朋友就非常滿意啦！《菠蘿黑醋排骨》主菜我哋一人揀咗一樣。我見到餐牌入邊有一味叫做菠蘿黑醋排骨，個名好特別啊！即刻叫黎試吓先！上碟之後，果然冇令我失望。菠蘿同黑操係一個好特別嘅配搭，雖然兩樣嘢都酸酸地，但係加埋既酸味唔係好重。菠蘿有少少甜味，感覺好清新。呢碟既味覺複雜，有酸、有甜、亦都有果味。排骨煮得好淋，而且每一舊排

就到時間同太座食晏，自從個仔出左世後，二人世界機會少之又少，決定食好D。同區之中此食店尚算不俗，一於試試。門口有人力車做生招牌，看得出裝潢有花過心思，加分。老婆叫了羊肉湯麵🍲，冇試，睇落個湯唔算濃，麵屬幼身們個種，冇乜驚喜。本人叫了個繕糊伴麵，但黎錯了繕糊炒年糕😤，見個樣唔錯，照吃。年糕軟硬適中，黃繕份量也沒有欺場，伴著濃濃的汁，好吃但實在吃不完，始終並非一人份量。再叫了碟紅油抄手，雲吞相當扎實，唯肉餡過多，且個辣汁唔夠香，但抄手乃我個人的情意結，所以仍然相當滿足。是日每人約HK$100.