點心到 MIX·大排檔

營業中

休息中

好耐冇食中菜了，今日好有興致想食，搜尋一下，見到碟「冰鎮咕嚕肉」吸引咗我🤩所以就嚟咗「點心到 Mix.大排檔」，餐廳午市主打點心，而晚市以小菜為主。餐廳環境寬敞，有原枱及卡座，仲設有魚缸，提供新鮮海鮮。🥢紅燒乳鴿 $55 見到好多人都叫紅燒乳鴿，望到幾靚，都好想試吓。乳鴿外皮燒到色澤均勻，有光澤。外皮入口脆卜卜，入邊肉質鮮嫩香滑，保留到肉汁。配上淮鹽同醋調味，但隻乳鴿本身已經好鮮味，原汁原味更好，都唔需要用調味料😋🥢冰鎮咕嚕肉 $88賣相顏色色彩鮮艷，炸到香脆熱辣辣咕嚕肉，即以冰鎮降溫，令外皮香脆可口。咕嚕肉肉質半肥瘦，醬汁酸甜度適中，用上菠蘿，紅椒及青椒作配料，健康又好食😋🥢花膠海鮮小米粥（細鍋） $99呢窩小米粥，以南瓜蓉融入小米粥，所以粥底呈橙黃色。材料非常豐富，有大大粒鮮甜帶子，好爽嘅大蝦，仲有花膠，同埋魷魚。粥底濃稠度剛好，啖啖都有南瓜同海鮮味。雖然係細鍋，但絕對唔少，有3至4人份量，非常大滿足！🥢榴槤雪媚娘 $16名稱有趣，引起我留意，原來係榴槤糯米糍💚糯米皮好薄同煙靭，入邊包裹住新鮮榴槤肉同埋忌廉，啖啖肉，陣陣榴槤香滲出嚟，大顛🤩🤩🤩🥢茶芥每位$10

紅燒乳鴿呢款紅燒乳鴿都幾出色，燒到外層脆卜卜，熱辣辣咬開仲保持到佢本來的肉汁，配埋淮鹽、醋食，更加yummy wo！大肚婆炒飯呢款炒飯個名幾得意，主要由薑、蛋、海鮮炒埋一齊，原來因為薑對大肚婆有益，所以叫呢個名，炒飯粒粒分明，雖然有放薑粒，但整體都唔會好辣～黑金流沙包一met 開，入面既料即刻爆哂出嚟，仲要熱辣辣，出哂煙！卡通芋蓉包估唔到呢款芋蓉包都帶少少流心，芋蓉甜度剛剛好，同樣地皮簿，料多，好滿足！

「點心到」喺油尖旺區算係相當有名氣！不能午市晚市，經常都大排長龍～而旺角「點心到 MIX·大排檔」晚市主打小菜，供應各式各樣大排檔小食、煲仔菜、炒粉麵、海鮮等。🔸紅燒乳鴿（$55/隻）‼️推薦‼見到唔少食客都叫紅燒乳鴿，梗係要叫返隻試吓啦～乳鴿都幾大件，外脆內嫩，肥美多汁～☺️🔹啫啫豬潤雞煲（$96）原個煲仔上陣，炸炸聲，襯熱食最正！😏雞件夠滑，豬潤爽脆，下飯一流！🔸蒜香骨（$82）‼️推薦‼炸得金黃香脆，皮脆肉嫩，仲好入味。👍🏻🔹乾炒牛河（$78）‼️推薦‼炒得好有鑊氣！牛肉嫩滑，河粉層次分明，不帶多餘的油份，一定要配辣椒醬食，夠晒惹味！😋食大排檔點少得啤酒🍻，竟然仲有Guinness 黑啤酒！😎

食小菜及點心的話 呢度一定會係不俗既選擇坐得舒服之餘 小菜相當唔錯 重有生啤飲一定要的 冰鎭咕嚕肉 可以稱外脆內嫩入口好脆身👍🏼酸酸甜甜 加上鮮菠蘿 又用冰鎮方式令到口感更加豐富英式芥末牛柳粒 另一要推介🤣單看賣相相當一流 啖啖芥末醬味 少少攻鼻亦唔辣搭上牛肉絕配 牛肉亦好淋身 整體好惹味紅燒乳鴿 價錢相當抵食炸得剛剛好 朱古力色相當吸引 𥚃面保留肉汁之餘 肉質鮮嫩加上少許椒鹽點晴 相當有質素除咗小菜 見到點心香港制造 下次會有黎食點心

喺附近踢完波行到過嚟食飯已經差唔多9點，諗住有啲餐廳都差唔多關門都係食返啲類似大排檔嘅應該營業時間會長啲，結果就行到嚟見到呢間呀餐廳式嘅大排檔乳鴿咬落好多肉汁好香口絕對係比係出邊好多餐廳好食好多估唔到火腩唔係配豆腐，而係配鱔，出奇地夾！而且一個煲有五舊都算幾多，幾抵食。呢個又係意想不到嘅配搭麻辣鴨血食得多，配合埋鵝腸，真係一次過滿足晒兩個願望。麻辣嘅程度我覺得係唔錯，整體會令你想不停咁食配合埋白飯迅速食唒。四季豆都OK，即係比起其他嘢冇乜特別。整體呢間嘢都幾抵食，味道又唔錯，想嘆住冷氣食大排檔嘅呢間都係唔錯嘅選擇。四個人，飲埋啤酒，每人都係$178。

小子今日又出動去食嘢😂今次嚟到呢一間小菜店我抱住試吓嘅心情估唔到有意外驚喜我哋叫咗5樣野+ 1甜品 豐富的一餐小子下次黎再試其他菜同埋去性價比都幾高紅燒乳鴿 $55味道正常，冇乜特別，因為小子鍾意食乳鴿，所以想試下秋葵野菌扒豆腐 $82見佢餐牌寫住「自家製」，咁要試一試有幾特別，豆腐分開兩層，下邊係白豆腐上邊係秋葵豆腐，外層有啲脆口 唔會太淋 黃金桂花蝦球 $108冇諗過，一碟有咁多粒有10隻，仲要係每一隻都沾滿鹹蛋黃，而且唔油，隻隻都夠乾身 冰鎮咕嚕肉 $88呢個都有小驚喜，咕嚕肉上枱唔可以即時食，要放一陣等啲冰可以冰住啲咕嚕肉，外層脆口聞落果汁有啲酸，但食落又正常啖啖肉小子最欣賞咕嚕肉中的菠蘿，係新鮮菠蘿深海墨汁海鮮麵 $98上菜時外觀都幾靚，見到都好想食裏面有帶子、蝦、魷魚各三粒 係偏麵、正常都幾好、份量都夠多 鹹檸七 $18正正常常冇乜特別 除咗有鹹檸檬仲有鮮檸檬🍋榴槤雪媚娘 $16榴槤蓉係幾香 ，但裏面啲忌廉有啲甜

之前曾經喺度食過點心午餐疫情期間也試過外賣回家點心真是做得不錯今次星期五的Happy Friday試吓這裡晚上大排檔的風味6:30左右去到不用排隊，但是等齊人才一起入座，要限時用餐個半鐘差不多食完開始見到有幾個人在門口等位椒鹽鮮魷：炸粉漿薄身，新鮮熱辣出來好味麻辣雞煲：相對其他食訐啲麻辣雞煲，感覺太普通蒸魚：蒸的時間剛剛好，肉身很嫩滑，還叫咗碗飯伴來吃豉椒炒蜆：殼多個肉通菜：不夠嘢味乳鴿：bb鴿好嫩，很夠味XO醬炒腸粉：吃到日間撚手點心的味總括來說日間點心出色很多

同FD喺金雞廣場睇電腦，行咗好耐，睇到哩間鋪頭都算就腳，咁試試啦。哩間晚市都差唔多full哂，座位都算闊落，坐得好舒服。晚市提供啲點心唔算多，大部分喺炒菜，今日叫咗紅燒乳鴿，手拍青瓜，麻辣雞煲，沙參玉竹燉土雞湯同卡通芋蓉包。哩間嘢食可以根據人數叫點心，唔哂驚唔夠件數，都幾貼心喎。沙參玉竹燉土雞湯好足料，雞大大件仲有3件，成碗都喺枸杞沙參玉竹，感覺好健康。湯好鮮甜，飲落真喺飲得出喺足料老火湯，正！紅燒乳鴿好快來咗，乳鴿已經切咗4件，細細件食落好方便，仲搭配咗鹽同豉油汁。皮真喺燒得好香脆，肉又好juice好幼滑，食落好滿足。乳鴿預先處理過，唔哂點醬汁已經好夠味，好食！手拍青瓜同出面差唔多，不過哩間加咗好多蒜蓉，食落好重蒜味同埋酸酸甜甜好清爽，食到停唔落口。麻辣雞煲好大一份，雞肉預先炸過，皮喺有少少焦香，唔會好肥膩。雞肉索哂麻辣醬汁，好惹味。啲洋蔥和青椒都好香口，仲有蔬菜啲甜味，配飯吃一流。最後啲甜品喺卡通芋蓉包，哩個卡通芋蓉包好得意啊，上面表情都唔同，好cute。芋蓉好足料，又未算好甜，OK。行出去埋單，台台都叫咗咕咾肉，好似好好味咁，下次一定要黎試試佢啦。