點心到 MIX·大排檔

營業中

休息中

喺附近踢完波行到過嚟食飯已經差唔多9點，諗住有啲餐廳都差唔多關門都係食返啲類似大排檔嘅應該營業時間會長啲，結果就行到嚟見到呢間呀餐廳式嘅大排檔乳鴿咬落好多肉汁好香口絕對係比係出邊好多餐廳好食好多估唔到火腩唔係配豆腐，而係配鱔，出奇地夾！而且一個煲有五舊都算幾多，幾抵食。呢個又係意想不到嘅配搭麻辣鴨血食得多，配合埋鵝腸，真係一次過滿足晒兩個願望。麻辣嘅程度我覺得係唔錯，整體會令你想不停咁食配合埋白飯迅速食唒。四季豆都OK，即係比起其他嘢冇乜特別。整體呢間嘢都幾抵食，味道又唔錯，想嘆住冷氣食大排檔嘅呢間都係唔錯嘅選擇。四個人，飲埋啤酒，每人都係$178。