春水堂 (美麗華廣場1期) (已結業)

今日，一家四口到美麗華廣場嘅春水堂人文茶館用膳。 由於早上比平時遲食早餐，所以接近一點仍不算很餓，兩個囡囡 分別點了碗細滷肉飯，我和先生點了麻香烏骨雞麵線和紅燒牛肉麵。兩個囡囡對魯肉飯讚口不停！佢哋話魯肉肥瘦合宜，再加上豬肉鬆同肉汁去食，啲飯仍很鬆軟，所以即使唔係太肚餓，兩人吃完了一整碗魯肉飯。而紅燒牛肉麵，老公就話半筋半肉好好味，牛筋亦很軟滑，有點像花膠 一樣，湯底味道濃郁！ 我點嘅麻香烏骨雞麵線未送到上枱已經很香的麻油味。我先試飲咗一啖湯，味道清香。烏雞肉亦很嫩，麵線煮得爽，質感不錯。天氣咁熱我哋當然唔少得就係飲下台式飲品，我點咗珍珠奶茶、翡翠檸檬茶和愛玉檸檬綠茶，佢嘅茶味 很出眾濃厚，我飲嘅珍珠奶茶中嘅珍珠亦細粒彈牙， 易入口同咀嚼，值得推介！

以前每一次去台灣旅行，都會去春水堂飲佢嗰中杯嘢飲，佢嗰種杯係成個啤酒杯咁大，每一次飲都要飲好耐先飲得晒！今日晚餐又唔想喺屋企食，咁就出咗去搵食啦，咁去深水埗行吓行吓又唔係好啱食（我有睇蘇媽蘇媽，蕃茄師兄，第一君，丸京同白布烏冬㗎！），咁個心突然好想去食台式牛肉麵，原本諗住去旺角鐵牛嘅，但又驚旺角好多人，於是上咗巴士就去咗尖沙咀，之後俾我見到春水堂喎！就憶起我係台灣嘅回憶，就入咗去食！因為佢唔係好full，舖都叫大，唔使等就即刻安排到個位我！咁當然我唔會勿忘初衷啦，叫咗個紅燒牛肉麵，同埋一杯翡翠檸檬。個麵一嚟到就聞到一陣好勁嘅牛油蘇味，上面有一層好勁嘅油！咁開始食啦，佢個湯底唔係好重平時紅燒牛肉麵果d味，感覺比較淡，好在佢食完唔口渴，我就覺得一般！麵就幾好食，可惜就細碗咗d，3啖搞掂！牛肉同牛筋出奇地入味，好食！到個翡翠檸檬啦，我叫咗少甜（即係50%糖）感覺會比較酸啲，但好啱呢個天氣飲，好fresh！但呢個價錢咁嘅質素，台灣真係抵好多！

在公司附近新開了這間有名氣的餐廳，我同事已經嚷著一定要食，那麼擇日不如撞日，就今日一於試下。可能還是新開關係，暫時不用等位。但沒有午市套餐，及要加一收費。我們分別點了:滷汁排骨便當$82 - 賣相吸引欣賞有菜同菇，感覺食得健康但豬扒口感略薄，味道一般般。鹽酥雞翼便當$92 - 賣相同樣吸引雞翼好酥脆，味道不錯紅燒牛肉麵$82 - 湯頭香濃牛肉半筋半腩，口感軟淋入味，整體不錯黃金香酥雞$48 - 雞肉嫰口好酥香，粉不會多，口感香脆，好好味魯肉飯(小)$28 - 份量小小的，魯肉肥瘦均勻，肉汁香濃，伴飯一流臨走外賣了杯珍珠鐵觀音奶茶$31 - 茶味突出，但略嫌珍珠硬了點，及欠奶香味，整體上中規中矩!