洪師父牛肉麵

營業中

休息中

上次約咗朋友去沙田買野，咁啱見到呢間食台灣牛肉麵嘅，好似都坐得幾舒服，就決定入去試一試今次就叫咗個set(一個麵配一杯飲品)紅燒牛肉麵$75d牛肉煮得幾淋，雖然肉質偏瘦但係一d都唔韌，呢次就揀咗幼麵，口感都算滑同有少少咬口，湯底有牛肉味，清得嚟唔會太淡檸檬紅茶 少冰少甜(跟餐)佢係用檸檬汁整個種，味道就正常無咩特別，少甜都唔會太酸感覺呢間台灣牛肉麵質素中規中矩，如果想食清d同平少少嘅話都可以考慮呢間

重回舊地，連城廣場好多食肆唔同咗，揀左呢間食台灣牛肉麵。4個人坐6人沙發位，好舒服，傾計又方便😄。叫左招牌紅燒牛肉麵，湯底好濃又香。有牛肉味，牛肉夠淋入味。我叫粗麵，麵底幾彈牙，好吃。另外，朋友叫了花枝丸小吃，味道正常。喜歡食牛肉麵，呢間會係不錯選擇👍🏼

星期六嘅中午去咗沙田連城勁多人等位食飯因為冇食早餐嘅關係 超級肚餓🙈所以見到邊間唔洗等位就入去最後揀咗呢間 洪師父牛肉麵🙆🏻‍♀️.餐廳係用qr code落單我哋叫咗🍜紅燒牛肉麵 $68🐷滷肉鹽酥雞飯 $58🧋QQ鮮奶茶 $26.🍜紅燒牛肉麵 $68落單嘅時候可以揀粗麵幼麵我哋揀咗粗麵仲有一條菜伴碟牛肉好嫩唔老連麻麻地牛肉嘅我都覺得幾好食👍🏻👍🏻👍🏻🐷滷肉鹽酥雞飯 $58滷肉飯同鹽酥雞係分開上滷肉飯有半隻滷蛋係入面滷肉好味 送飯一流👍🏻鹽酥雞份量好多以女仔食量未必食得曬🙈側邊仲有沙律菜伴碟🧋QQ鮮奶茶 $26呢個有啲失望🥺Size係正常但杯奶茶無奶味又無茶味似係溝左水唔知飲緊咩🤔除左飲品有啲失望之外性價比都幾高👍🏻應該都有機會回訪嘅希望飲品嘅質素會改善😳😳

第一次去沙田試食這間洪師父牛肉，感覺唔錯。等咗大約3分鐘就有位，我帶著小朋友，坐低，個待應就拿了三杯茶來，其中一杯自動轉為暖水。我叫咗一個店長推介 紅燒牛肉麵好食，的麵底幾彈呀，湯底鹹度剛好，牛肉好夠淋，自我感覺比鐵X好味。另外叫咗個雞排拌飯給女兒食雞排正，粉唔會過厚，沙律菜正，好新鮮。飯就一般般，好能自己麻麻地拌飯，建議可以改拌麵。叫咗個冷盤，豬耳朵好味辣適中，合適好辣，但唔係食得好辣的人最後叫咗個甜品：涼粉包心芋圓好味平時食啲涼粉都係一大陣苦味，呢個就唔會，好啱我一家食

堂食3次、外賣1次，全部都係2020年發生，都係旺角店食。除左第一次係路過坐低試新嘢，其他都係專誠去食的。沙田開新鋪，第一時間就知道，「以後唔洗再特登搭車去食了」。同第一次食相比，味道依然。紅燒牛肉，霖，入味，冇半嚿要忍受半點「瘦肉」的感覺。湯，味濃又香，卻又清晰見底，似飲湯多過係湯麵的湯底。粗麵，有口感，個人愛吃偏霖的，但霖得來有咬口只有滯師傅給我印象最深。配菜，三小堆的，獨有的味度，一定要試。店員一臉殷勤的樣子，喺門口笑腳迎人，遞上menu一句唔該你，值得欣賞。上菜放低麵會講食物名，放低熱飲會confirm你係熱的。都不是班沒被train就開工的嬸嬸打天才波能做到的。美中不足，QQ奶茶不再是用大紅袍所沖，沒有了昔日第一口未飲已經有的驚艷感。珍珠仲要唔夠熱，可惜。100蚊一個台灣麵加飲品再加一，呢啲位唔能夠接受呢。但帶著四次的90分體驗，還是願意再俾機會的。（究竟，我幾時先會忍唔住食一枝獨秀呢⋯⋯）