永年士多港式車仔麵 (加拿分道)

營業中

休息中

之前試過港島分店。今次就黎左試下尖沙咀呢間分店。星期六中午時間唔算太多人。可能天雨關係。等左一陣就有位。店內裝修都乾淨。不過座位都比較窄。叫左大碗麵。$62有成10個餸。河粉+$2。魚旦係最鍾意嘅陳皮魚旦。夠煙韌。豬腸豬皮豬紅入味爽口冇雜味。蘿蔔甜冇渣。其他餸就正正常常。河粉厚身得黎滑口。幾特別。細辣對唔食得辣嘅人都係有啲辣。+$15加左杯紅豆奶茶冰。茶香奶濃。口感十分厚身。最後成餐差不多$80都係覺得有啲貴。不過食完10個餸個感覺非常滿足。

相信無人不知元朗名物「永年士多」，😏 最有名嘅車仔麵和鮮油多， 而家九龍人都有口福啦！ 自尖沙咀開左分店， 是小編不時獨食嘅好選擇， 一個人嘅浪漫💕，無得輸！☺️ 值得一讚的是元朗和尖沙咀分店小編都食過好幾次，  食物水準一直keep得好！ 唔洗再專登入元朗啦！😂 如果想一次過試晒所有精選餸， 一定要食聚10寶於其中嘅大碗麵（$65）， 一次過滿足晒所有願望。 不過小編就鐘意單點， 可以集中食自己鐘意嘅餸！😂 三餸一麵$41， 其後再加餸每份$8。 🌟必試❗️流心蛋 超好食，滷得入味， 又夠流心，蛋香十足！😋 牛筋晶瑩剔透， 腍、滑、爽、又有嚼勁！ 雞翼燜煮得入味，肉質滑溜惹味。 豬紅沒有一夾就散， 咬落口軟腍嫩滑，不錯👍🏾！ 「嗱喳麵」🌟必食❗️豬腸！ 豬腸用滷水長時間浸煮， 顏色夠深，又夠入味。 豬腸洗得乾淨，無多餘嘅內臟味， 有小腸大腸，腍滑軟身，又不失嚼勁，值得一試！😏 食「永年士多」嘅車仔麵必加自家秘製辣汁， 分勁辣、大、中、小和細辣， 辣度刺激，十分惹味！ 係整碗車仔麵嘅精髓！😎 店

之前聽朋友講，喺元朗有間叫〈永年士多〉嘅車仔麵非常出名，其實成日都好想試！但係奈何自己真係好小有機會入元朗，終於畀我等到佢哋喺尖沙咀開分店！！位於尖沙咀嘅加拿芬道，地點非常方便，不過同傳說中嘅元朗總店一樣，有一條人龍喺出面喔好在都尚算排得快，入到去比左錢再揀位坐，好快有得食牆上不乏店員同熟客仔嘅留影！店內地方雖小，而且廚房又採用半開放式，但勝在製作過程透明，我見廚房內部衞生情況非常好先來一個三送一面嘅車仔麵套餐，我選了牛丸，芝心丸，冬菇，幼麵配微辣汁。急不及待趁熱先呷一口湯底，咩睇佢淡啡色就以為冇乜味！獨特嘅秘製湯底帶點微微的辣，完全不是辣到跳舞，跳制的那種霸道的辣，反而是非常引人入勝，令人回味啲辣，絕對是店家的秘密武器！！除咗芝味濃郁嘅芝心丸和彈牙的牛丸外，我對冬菇亦非常欣賞！！厚肉之餘，炆得又夠入味，好好食〈腐乳生菜〉新鮮爽脆的生菜毫不吝嗇的一大球，滾滾的切開一半就奉客，中間冇墊野或空心的，加埋濃郁的腐乳槳，身為兔子族的我非常滿意〈班蘭咖央多士〉咖央味好香，但班蘭味可以再多少少，不過值得一讚是外層真係好香脆，絕對是外脆內棉的感覺，口感非常棒〈紅豆奶茶冰〉奶茶味非常香濃，飲落口好奶滑

約了尖沙咀上班的朋友午飯，她帶我去食車仔麵，是一間有人龍的車仔麵店！因為她家住元朗，知道這是元朗人龍店的新開分店，便嚷著要來吃。幸好人龍移動得很快，我們二人也很有策略：就是她揾位，我買嘢😊我們各自點了三餸麵，再交換食，就會變成每人有六種餸😋我點了魷魚、蘿蔔和豬腸米粉。豬腸勁好味！絕對不是「交貨」的食品，有咬口但又不韌，鹵水也很入味！蘿蔔也很好，份量也多。朋友點了陳皮魚蛋、雞翼和牛筋。加腐乳通菜。（本身想食腐乳生菜的，估不到1:20已售罄。）極力推薦陳皮魚蛋！估不到魚蛋真的有淡淡的陳皮味，細細粒，勁好味👍🏻👍🏻👍🏻👍🏻👍🏻👍🏻後悔冇叫到但有幸有朋友「交換」讓我食到！朋友的奶茶紅豆冰十分有心思，一次過滿足兩個願望😊我心大心細點了抹茶紅豆冰（因為他們另有菠蘿冰！）可能今次的冰重手了，抺茶味較淡，但絕對比罐裝、包裝飲品有心思！同時我們也點了咖央多士作甜品，多士是用厚身麵包，切好了，方便進食，也方便分享！因為我們懶得再排隊的關係，我們是一次過點的，強烈建議大家應該食完麵才再點，就不用凍了才食！三餸麵$37，跟餐的紅豆冰特色飲品加$15，新店乾淨企理，年青人又爽手，真的是食車仔麵的好地方！