新斗記 (已結業)

在時代廣場見完客後，跟同事去了霎東街智選假日酒店的新斗記食晚飯，七點多到達已經幾乎滿座。全部碗碟都印有新斗記的LOGO。先點了個小食沙薑雞腳，雞腳用鹽水煮過，而且煎去指甲迫出雞油脂，所以完全唔肥，外皮軟腍，幾乎入口即溶，醮上沙薑更能提升咸味感。再點了最出名的乳豬，乳豬皮脆肉嫩，乳豬皮下脂妨全部剔掉，只剩下燒得香脆的豬皮，乳豬肉嫩有肉汁，沒有豬腥味，啖啖肉。籠仔荷葉麵醬蒸魚雲，麵醬的咸味癖除了魚雲的魚腥味，加上清新的荷香，令魚雲除了有麵醬咸香，亦都有荷葉的清香，兩者互補長短。臘味崧扒枸杞，臘腸及冬菇切粒很打個芡汁淋在枸杞面，枸杞本身帶點苦澀味道，而臘味的咸香味道較重，兩者濃味的配在一起，雖然味道不錯，但感覺不太和諧，如果配上豆苗，味道必定更佳，這味菜完全是設計用來送飯。碧綠蝦籽柚皮，柚皮共有三片，表面灑上了蝦籽，柚皮炆得非常入味，應該是用雞湯及蠔油燴過，又軟又腍而且完全去除了柚皮的苦澀味，每啖都鮮味無比，連醬汁都要用來撈飯，這些功夫菜真係買少見少，真係要慢慢品嚐。瑤柱蛋白炒飯，炒飯粒粒分明，瑤柱味濃，油份不多，炒得非常爽口。最後送埋紅豆沙做甜品，紅豆煲得很腍，有少許蓮子，不會太甜。總結食

由星期一做到星期五，已經得返半條人命，終於捱到放假，緊係要出去食餐好既慶祝一下。位於時代廣場後面的新斗記，佢地既乳豬遠近馳名，所以絕對要一試。一坐低就開了壺鐵觀音，連帶著奉上一碟花生，成為茶芥$20/位。有廚師推介的菜餚，價錢都是由$90起。先來一碟乳豬例牌，乳豬皮肉分開，皮下油脂盡去，只剩下燒下鬆脆的豬皮，咬落去似兩層豬肉紙一齊咬的感覺，非常香脆而且薄身，乳豬肉嫩滑有肉味，但不會太咸。之後再點了一個椒鹽白飯魚用來送酒，炸得非常香脆，即使放到最後都不會腍，粉醬很薄而且咸味適中，送酒一流，真係食到停唔到口。金瑤琵琶豆腐，琵琶豆腐其實是用鯪魚肉溝豆腐，再炸成圖形狀，之後再淋上瑤柱芡汁，豆腐軟腍帶點魚肉味，完全唔腥，瑤柱味很香，整個芡汁不會太杰及起粒粒，味道不咸，菜心很青綠及鮮甜爽脆。胡椒豬肚大蜆湯，整窩約有六至八碗，胡椒味道香濃但不會太辣，豬肚煲到很淋，湯底呈奶白色，加上蜆肉一起，蜆肉的海鮮鮮味增添在湯內，令湯更鮮甜。生炒上肉排完全無骨，外層炸得香脆，即使沾上了醬汁，依然不會腍，酸酸甜甜的味道令人食慾大增，每粒肉排體積都比平時吃的細粒，應改名叫一口肉排。最後送上紅豆沙，有我最喜歡的蓮子，紅

銅鑼灣開左分店，名物係乳豬同栗米斑塊，兩樣我都岩，又黎試下先。一黎係友人點既子薑皮蛋，皮蛋半溏心，幾唔錯，子薑微微酸微微辣，都係一個幾唔錯既餐前小食。接力係呢到既名物乳豬。要個例牌，話係即時烤的，上枱果陣確係熱辣辣，個皮好脆，肉嫩香口，不過總係覺得少左d野，友人話係肥，果然塊乳豬係走左肥，要唔要肥個選擇權唔係客人到，同時亦真係唔明點解乳豬要走肥。燒鵝係另一款點了既燒味。食落啖啖肉汁，肉質鬆軟，不過鵝味就未算濃，皮就微脆，水準都唔錯的燒鵝。另一名物係栗米斑塊，汁分開上，栗米汁唔係稀稀地已經收貨。斑塊係幾新鮮的，大大舊拎黎炸，炸粉夠薄，食落亦唔太油膩，都幾好食既栗米斑塊。想食酸酸地既野，咕嚕肉來得正好。呢到既咕嚕肉幾大舊下，用上新鮮豬肉，都幾好，不過跟之前係私房蔡食過的，我喜歡那邊多一點，應該係汁既問題，呢到偏向甜。傳說碟底無咩汁係其中一個考慮咕嚕肉好唔好既因素，友人CHEF先生跟我說要做到冇汁其實可以很取巧，還是食落口好唔好先下定論。哈哈，我明白的。要點澱粉質，要個炒牛河，河粉上色均勻，唔油膩，有點鑊氣，牛肉就好似少左d，都叫做幾唔錯，至少比我之後係正斗食到的好。三個人，食左呢幾款都飽到