Y Show Tasty (已結業)

Lunch set menu 有多過10款選擇，呢個價錢有埋沙律/餐湯+餐飲，好抵食！今日嘅餐湯喺紫薯忌廉湯，本身都驚紫薯+忌廉會好膩好滯，但飲落又唔怕好濃忌廉味，反而有淡淡的紫薯香味，間中仲食到紫薯粒。餐湯 - 紫薯忌廉湯主菜我哋叫咗蒜香蝦肉意大利麵同埋紅酒燴羊膝。先講蒜香蝦肉意大利麵，蝦大大隻，蝦肉彈牙調味適中，另有幾粒香甜車厘子做配菜，意粉al dente！煮得啱啱好，欖油同蒜味好香，夠味得嚟又唔怕太油！蒜香蝦肉意大利麵羊膝用紅酒汁慢煮，原隻上，非常大隻！$128真心抵食！食落唔覺得羶，肉質亦唔怕韌，不過因為太大隻要切開有啲難度。配菜嘅瓜類又甜又多汁，薯蓉都好滑，味道啱啱好。紅酒燴羊膝侍應服務都唔錯，細心同有禮貌。眼見lunch time繁忙時間都只得幾枱客，希望大家可以多啲支持高質小店！

Lunch嚟到呢間餐廳，原來主菜配自助沙律吧！餐湯，甜品，沙律都喺自助形式㗎～燈光充足，環境又幾靚同舒服，晏就同同事嚟食吓好西都唔錯🤓紅酒燴羊膝 $98羊羶味少少，可接受到嘅味道！醬汁超多😂差唔多蓋過哂啲羊羶味，肉質超軟腍，勁易就切開😍配菜喺薯蓉，車厘茄同翠肉瓜😌香煎大雞扒 $88 香煎美國豬鞍 $98呢塊煎扒都好大塊，仲大過塊面🤣雞扒同豬扒又好厚身，切開見到肉汁好Juicy☺️鐘意每一碟嘅配菜都有車厘茄，薯仔同椰菜花😛香煎立魚柳 $98以為會好脆卜卜，雖然魚柳有啲乾身，味道少少咸，內裡肉質幾鮮甜👍🏻自助沙律吧幾好！有沙律菜，粟米，車厘茄，菠蘿，桃，鷹嘴豆紅腰豆，蝦，慕絲啫喱🥰一定夠飽啦～