MARKA HOUSE

營業中

休息中

裝修最優雅清靜的西餐廳。裝修還是很新淨，乾淨而且不會太過單調給人一種很舒適的感覺，而且我們這次晚餐時間太過早只是六點，所以人流並不多，非常適合我們兩小口子拍拖談心😻。前菜叫了意大利聖地牙哥風乾火腿，單看賣相便令人流口水🤤。表層放了一些香草除了是為賣相加分之外，放進口更減退火腿的油膩感👍🏻，而且乾火腿上倒了不多不少的意大利酸醋，前菜來說令人份外開胃，而且火腿本身口感也非常乾爽，放進口火腿肉的微微咸香也10分惹味。主菜方面分別點了紅酒牛頰肉意大利飯和煙腩肉芝士蛋香意大利麵。首先這個意大利飯真的超級超級好吃，先說紅酒牛頰肉燉得剛剛好，入口即溶，既淋身又不會太過鬆散，口感一流。再吃一口意大利飯既帶點紅酒🍷味，又帶點酸味，因此整個飯不像一般意大利飯般膩，卻是非常惹味。至於煙腩肉芝士蛋香意大利麵，優質的意大利粉的確是al dente,但個人略嫌忌廉比較多過膩一點，但煙腩肉卻點綴了整個意大利麵，細細粒煙煙銀銀，非常過癮，因此overall 來說也是不錯的。雖然最後結帳都要$300，但個人覺得絕對值這個價錢，絕不是一般ca

餐牌選擇唔多，一眼睇曬，有前菜、扒類、飯、意粉。餐廳裝修以黑白為主，走簡約路線，石紋餐枱同圖案餐碟增添幾分高雅，加上爵士音樂的確幾寫意。鮮番茄蓉意式烤法包 HK$58番茄涼涼地非常新鮮，天然酸味好醒神，加上香草、芝士、橄欖油，我仲自己落左少少黑椒，每一啖都好豐富，當然唔少得烘到金黃色嘅法包，放上濕潤嘅番茄蓉都保持到香脆。紅酒牛頰肉意大利飯 HK$128牛頰肉好入味，腍身得黎唔會散開，紅酒汁煮得幾好，夠濃稠，保留到香氣之餘亦冇酸味，同牛肉相當夾，飯粒幾煙韌，我最鍾意用汁送飯，岩晒我。煙腩肉芝士蛋香意大利麵 HK$118煙腩肉即係Pancetta，有别於煙肉Bacon，其實Pancetta冇煙燻過，只係用鹽同香料醃製，切粒咬落較腍，充滿鹹鮮，唔似Bacon好易煮到好硬。醬汁未食已經聞到勁香，芝士同蛋味濃厚，扁意粉煮到al dente，彈牙掛汁，醬汁真係好濃，一個人食可能會滯，同朋友分享就一流。日本紅豆奶凍 HK$38奶凍夠滑夠挺身，雖然奶味唔重，但配埋 甜蜜蜜嘅紅豆就剛好。

如果路經荃灣西站A出口，都會見到有間高格調既西餐廳，今晚第一次上去餐廳。嘟嘟qr code... 就可以點餐，睇相睇價錢點食物，餐廳內播放住relax既歌曲，一路等食物時間可以同朋友友吹下水，要讚下waiter service very good.. 點餐前會同客人有適量既交流。前菜：香煎鵝肝烤法包 73厚切鵝肝入口即溶，法包大片爽脆，比例配搭得宜，加配沙律好食，咩口味都有。perfect主菜：紅酒牛頰肉意大利飯 128酒味唔重，意大利飯夠黏，最欣賞係面頭果塊大芝士，切到薄身，遇熱即溶，真係用意大利米粒煮出黎，粒粒都係長長地，意大利飯分量以女仔黎講，食到七成飽。煙腩肉芝士蛋香意大利麵 118芝士味非常重，意大利面粗身，有口感，煙肉比例都okay多，分量以女仔黎講，食到七成飽。甜品：精美日本紅豆奶凍 38日式pudding 味道，滑滑地，紅豆夠黏，有口感，食到個底會見到好多黑芝麻味

荃灣商場近日革新得七七八八，無咗以往種頹氣某日閒逛，發現一家極具格調嘅西餐廳就擇日子相約朋友一試見到座位好坐，其實已經加爆分加上玻璃透明式裝修，令餐廳少了一股焗促感，用餐非常舒適一望menu，逼逼澀澀嘅樓上CAFE係呢個價呢到商場舖位又係呢個價但有咁嘅環境咁闊洛嘅坐位，會唔會太平??點完餐，店員首先送上餐酒經店員細心嘅介紹，推薦女士或可試試玫瑰酒(右)本人唔太識品酒，但都飲得出佢嘅香醇味甘，極易入口而左邊就係特選紅酒，朋友形容有好香濃嘅果味，甜而唔辛辣，配上扒類一流前菜係 野菌忌廉湯配煙火雞胸沙律非常喜歡西餐嘅忌廉湯，喜歡用湯匙將忌廉慢慢拌勻嘅過程湯有粒粒菇菌，濃郁非常沙律菜亦草青味十足，好鮮甜，有一片火雞胸提味我要宣佈呢個小食係一百分唔好意思我影得衰，但個餅入面啲蟹肉係滿 載出面你食可能要咬咬下用味覺去搵出幾絲蟹肉但呢到，全部味覺神經都話緊你聽好多蟹呀 係蟹呀咁真係下次唔食主餐都要黎食佢特選澳洲香烤羊T骨 配香脆薯條基本上身為羊控嘅我食到滿滿嘅羊羶味就收貨但呢到俾你更高嘅享受T骨有點點香草&黑椒簡單調味肉質香嫩，口感淋軟又富羊羶味加上薯條新鮮炸起，香口十足呢個價錢呢個品質，收曬貨有突

疫情期間，出少咗好多街，冇社交冇飯聚。係屋企太耐，見媽咪日日都煮得好辛苦，決定拉埋佢出嚟陪我食餐好嘅！試吓新餐廳我哋兩個人食咗一個小食，兩個主菜。香烤自家手製蟹餅排得整整齊齊靚靚仔仔咁呢啲平時係屋企唔食嘅嘢，當然要出街食下啦配上沙律醬，突出返食物嘅味道一流呀！比我想像中更好食，以為得啲好厚好重嘅炸粉包住少少人造蟹肉，原來唔係呀，真係有一絲絲蟹肉㗎！仲會食到食蟹時個啲連住嘅白色衣，真材實料！紅酒牛頰肉意大利飯我唔係好識飲酒，但呢個唔係好濃烈酒味，我都鍾意食！佢嘅牛肉好淋，好易入口，意大利飯唔會太硬或太濕睇落好多汁，食落又唔會太多汁太肥嘅感覺份量都適宜，唔會食到太濟特選澳洲香烤嫩羊T骨呢個好邪惡，啲薯條大大條好香好脆滿分💯羊T骨又係媽咪係屋企唔會整嘅嘢，我哋都好少食唔係全熟嘅羊肉，五成熟，又ok wor!!雖然切開見到好紅又有血水咁，有少少驚，但一入口，不得了又係好淋，啖啖肉！搞到我哋忍唔住不顧儀態咁用手拎住嚟啜埋痴住骨邊邊嘅肉唔想嘥呀咁好味！）呢度嘅嘢食好好，環境又乾淨，食完真係心情大好