正宗水上人氣鍋專門店 (已結業)

同屋企人一齊去食蒸氣火鍋，好少機會一家人去食飯～見今日齊人就一於去慶祝下～第一次去食蒸氣火鍋，我地都未食過所以都係膽粗粗去試下～難得一家人食飯就食多啲唔同既野，而且又可以大班人一齊柴娃娃。岩岩好坐低已經見到依個竹蓋，一陣食野就係用依個爐依個蓋做蒸氣海鮮另外，個場都幾大，有分上下兩層，坐到好多圍枱，大家庭都no problem紐西蘭鑽石蜆，份量四人食岩岩好，蒸完味道好鮮香，蜆肉鮮甜入味，原來清蒸咁煮個味會更鮮香，保留原汁原味咁食～蟲草花蒸雞，超級推薦！啲雞滑到呀媽都唔認得，好香既蟲草中藥味，但一啲都唔苦，雞肉已經吸收左蟲草既精華，所以食落都會有陣蟲草味，但絕對好食！雪花和牛粒，食落好煙韌，香濃既和牛味，而且幾多肉汁，份量適中，蒸完個味道特別出，鎖住原本既和牛肉汁，唔錯！

今年爸爸生日，我地決定食一直想食咗好耐嘅蒸火鍋(基本上我地係無問過生日嗰個想食咩，媽媽話想食呢個我就決定訂枱 )其實之前都有睇過，見佢唔係平，但係海鮮好新鮮，所以貴得有少少道理嘅個鍋蓋好得意，好似越南女性啲帽，而個開關制係有埋時間，所以每款食材都可以好準確咁蒸熟，唔會過龍或者唔熟南瓜排骨珍珠米粥 - 我地最鍾意打邊爐之後食個粥底，所以今次我地揀要南瓜掛骨粥，不過唔知係唔係我地海鮮其實唔多，所以無我預期咁鮮味，同埋唔係好夠粥，亦都唔太綿，店員幫你整會加蔥、菜甫、薑，但係因為我覺得唔係好夠味，所以我加多少少榨菜黃金汁蟶子皇 - 其實食完我都唔知個黃金醬係咩黎，同埋……無味，好在蟶子皇勝在夠新鮮，所以都唔錯的說XDXD紐西蘭鑽石蜆 - 呢個真係無得輸，蒸完香都唔止，食落口重要極鮮甜，蜆味濃，真係好後悔無影低佢熟咗個樣~~黑松露醬蒸大元貝 - 入門口就已經見到好多人都有叫呢個食，當然我地都叫，其實未蒸之前，覺得佢似豆豉蒜頭，蒸完食落口，真係唔錯，味道香濃，亦都無平時我覺得黑松露醬有嗰陣臭味，元貝爽口彈牙，好味手打四寶丸 - 蒸邊爐好難想像有肉丸食，重要係蒸，本身以為會無咁好味，點知……原來蒸