珺

營業中

休息中

跟幾位朋友在這間素食餐廳共進晚餐，點了四道素食菜式，其中最印象深刻的是「玫瑰叉燒」$118，味道與真叉燒幾近無異，非常香口😋濃味的菜式還有咖喱素雞球煲 $108和茄子炒野菌$108。咖喱煲醬汁香濃，材料十分入味；相比下茄子那道菜式則較油膩。還好點了「雙色蘆筍鮮百合炒素魚翅」$148，正好清新一下味蕾，蘆筍與鮮百合相互輝映，讓人一口咬下去便感受到爽甜清新的口感。最後還品嚐了兩款純素甜品：焦糖芝士餅 $78 和朱古力蛋糕 $68。焦糖芝士餅的質感細膩，焦糖甜味不會太搶；朱古力蛋糕味道如能更香濃一點就更佳。餐廳環境十分舒適，但侍應態度有少少cool，如能積極主動點會更好。對素食者而言，如想與素友們chill一晚，這確是值得一試的好選擇。

近年唔少人注重健康, 間中我亦會食下素菜, 今日相約素食朋友出黎gathering, 佢book左間中環樓上素菜餐廳帶我試試。餐廳環境整潔, Menu上多款菜式對於肉食者黎講, 感覺陌生, 還是等素食朋友發板!日本南瓜盅 細細個原個南瓜上檯, 稍為刮空加入Creamy南瓜湯, 味道極為清甜, 南瓜盅內嘅南瓜肉亦容易被刮出, 南瓜肉林得有如南瓜蓉, 整個湯真係好似食左成個南瓜一樣, 很足料! 推介!玫瑰叉燒 一上枱即聞到香甜蜜汁, 表面燒有光澤, 表面好似有少少焦糖咁, 完全睇唔出係用麵筋整, 咬落表面香甜夠林有層次, 唔會過甜玫瑰芥末鳳尾蝦 好少見素蝦有咁大隻👍🏻一咬落去, 就即刻食到陣wasabi味, 又唔會太刺鼻, 連平時少食wasabi嘅朋友都ok 接受到, 素蝦包上脆漿被炸過, 易吸汁之餘, 又香脆, 又彈牙, 可以encore呀! 大烤菇意大利飯 Risotto煮得啱啱好, 微微煙靭又creamy, 大啡菇好juicy,  仲加d 青豆同粟米粒好fresh, 不過份量就少左d純素朱古力蛋糕 蛋糕係冇落奶整嘅, 所以質地唔係鬆軟果種, 朱古力香濃好rich, 唔會好甜, 伴碟有

今日返完part time，夜晚同男朋友去食素食。呢間素食同我想像中既好唔同，行精緻路線，係高級既新派素食。蘑菇湯好濃郁，作為第一道菜十分適合。素芝士番茄配黑醋珍珠一層番茄一層素芝士，番茄新鮮，素芝士食落唔似係素，同真芝士無分別。黃金素鵝肝球佐松露白汁好脆口，外面包住麵包糠，入面包住用菇類同豆類製成既蓉，配以松露白汁，十分美味。黑金獅子球薯蓉時令蔬菜有驚喜，獅子球既味道真係好似食緊肉甘，好香口，薯蓉又綿滑，好食。君子炒飯材料豐富，除咗飯，仲有藜麥、素叉燒、粟米、蔬菜、夏威夷果仁。素叉燒好出色，用豆類同麵粉製成，同真叉燒十分相似。炒飯粒粒分別又乾身，唔太油膩，好味。生磨蓮子露味道清甜，蓮子唔會苦澀，正。純素朱古力蛋糕無蛋無奶，但同平時食既唔太大分別，朱古力味仲好濃郁添。

星期日我同朋友去咗中環威靈頓廣場M88食素食午餐，餐廳係位於六樓嘅「珺」。朋友最近食過話唔錯，我上網睇食評評價亦然，令我有啲期待😁。餐廳環境好舒服，裝修簡約但不失氣派，其中有一排座位靠窗🪟，可以望到藝穗會。呢度嘅氛圍能夠提升整個用餐體驗。坐低冇耐，店員就為我哋送上餐牌，簡單介紹菜式，而且佢仲提及餐單係會每星期更新😮。呢度有提供套餐，同時亦可以單點。我哋揀咗價值$428嘅二人套餐👫，套餐內容好豐富。素芝士蕃茄配黑醋珍珠，呢個係西式頭盤。頭盤賣相吸引，蕃茄同芝士梅花間竹咁疊住，但如果想切開食就有啲難度，因為芝士易碎。素芝士質感似水牛芝士，估唔到都幾香。蕃茄好新鮮，但配埋黑醋食真係有點兒太酸，但開胃嘅。麻辣繡球菌萵筍絲，呢個係中式頭盤。本身以為萵筍絲係主角，但原來繡球菌更令人難忘。繡球菌個樣有啲似雪耳，但食落發現口感超爽，配以萵筍絲，可算係脆上加脆。我自己幾鍾意麻辣浸味，辣度幾勁，但麻味更出，同時亦有芝麻香。特濃蘑菇湯，呢個係西湯。餐牌冇寫錯，蘑菇湯確係比平日飲開嘅濃郁。每啖都充滿蘑菇蓉，所以好香，口感亦比較稠糊。另外，蘑菇湯會配一片法包。雞油菌竹笙素翅，呢個係中湯。佢比我嘅感覺有啲似碗仔翅