Joyful Dessert House

營業中

休息中

朋友之前食過一次，覺得拿破崙還好，無特別大讚，但見Joyful Dessert拎過米芝蓮推介就決定再嚟試多次～menu選擇幾多，等位嘅時候可以睇定menu，差唔多有位可以落定單先，所以坐低之後好快有得食！果日去食見menu雪糕都幾多味道，不過我哋無專登揀，店員都無問要咩味，可能本身有跟甜品配搭嘅味道，但下次可以試下問可唔可以轉😛•🥢燒菠蘿雪葩 $65面有一片燒咗焦糖面嘅菠蘿😍 下面嘅雪葩都係濃濃嘅菠蘿味，而且好幼滑，唔會有大嘅冰粒！雖然睇落好簡單嘅配搭，但食落最有驚喜！不過一定要食得好快，因為溶得超級快，我哋嚟到影兩張相已經溶緊🙈•🥢 朱古力心太軟配雪糕 $78心太軟應該招牌之一，上枱熱辣辣，都唔係等咗好耐👍🏻 心太軟朱古力味唔會太甜，流心效果都幾好，但外層如果做到有少少脆面會更正，心太軟🔥都配一球雪糕🧊～•🥢 紫薯窩夫 $72紫薯窩夫有3件加一團紫薯泥同一球紫薯雪糕，窩夫本身都係紫薯味，所以紫薯元素好突出，窩夫算係幾鬆軟，唔會太甜，唔夠甜可以加糖漿或者配紫薯泥同雪糕一齊食！•🥢芒果七色椰果芭菲 $64芭菲有好多層，每層有唔同配料：芒果粒、蒟蒻、啫喱/布甸、爆爆珠同cream，最頂仲有

有種味道叫回憶~~.想不到六年後偶然再跟同一個朋友再訪，然後竟然安排到坐在同一個位置，看了一陣子ᴍᴇɴᴜ 結果還是選回跟六年前一樣的。六年前那天是哭著嚷著要吃甜品，今天回想，有點搞笑~ 說說笑笑，悲傷的時間就走過了。.久別重逢，味道依然不變.燒菠蘿雪葩外型還是有點吸睛，焦糖脆皮的燒菠蘿加上綿密的菠蘿雪葩，酸酸甜甜一解晚飯後的又油膩感；但我還是特別喜歡紫薯窩夫，喜歡即叫即做的熱辣辣，內裡滿滿的紫薯餡料，但整體又不會太甜，當然不少得我最愛的香芋雪糕呢~.。燒菠蘿雪葩 $65。紫薯窩夫 $72

前陣子和親愛的在旺角逛完街後，想食個甜品先番屋企🙈在網上搜尋一下，最後選擇了一間米芝蓮甜品店🤩-普遍的米芝蓮店都有長長的人龍，這間也不例外🙈店內供應不同款式的拿破崙、窩夫、綿綿冰、疏乎厘、心太軟、芭菲、奶凍、雪糕和特色飲品，每款的外觀都非常吸引，真係睇得又食得👍🏻😋-1️⃣紫薯窩夫 $64窩夫是即叫即做，內裏是滿滿的紫薯餡料，很真材實料👍🏻將紫薯蓉和糖漿配埋窩夫一齊食，紫薯的味道會變得更甜更美味😋隨餐還有一個香芋雪糕球，因本人覺得與糖漿的味道不夾，所以便分開食，味道同樣也是不錯的👍🏻😋

同朋友一齊食完飯路過，見到呢間門口貼住米芝蓮推介，就膽粗粗想試下。一坐低就一人一杯水，每人各叫一款，我直接揀左米芝蓮推介嘅芒果拿破崙（$64），拿破崙酥皮脆卜卜，食落好容易碎，中間每一層都有Cream，少少偏甜，芒果粒都唔酸，份量十足，都幾好食。對面嘅係朋友叫嘅伯爵奶茶奶凍（$52）。朋友叫嘅芒果窩夫（$64）同紫薯窩夫（$64），都大讚窩夫鬆軟好食，份量大到可以當正餐，而紫薯雪糕好特別。要等一陣先上嘅綠茶心太軟伴雪糕（$64），唔記得影切開流心果下，睇落都流晒口水。雖然價格偏貴左少少，不過感覺唔錯，下次都想試下窩夫。

心血來潮想食甜品 與友人就黎左呢間 見佢有米芝蓮推介 睇黎非同凡響 但環境比較一般 亮光亦比較昏暗《紫薯窩夫》樣貌普普通通既窩夫 原來內藏煙煙unun 既紫薯餡 味道好香 口感豐富 仲可以加埋糖漿同紫薯雪糕一齊食 雪糕放係窩夫面即刻融化 冷熱交融 值得一推見餐牌寫住拿破倫係米芝蓮之選 當然試試佢 揀左《朱古力香蕉拿破倫》滿滿的香蕉 再加上肥膩既cream 係每一層當中 好罪惡 但這店的拿破倫偏硬 少了一種酥脆 有點失望食甜品連餐飲 熱朱古力唔駛補差額 凍忌廉抹茶鮮奶就要+$8 飲埋更滿足 完滿的一餐

呢間甜品店經常大排長龍，可能今日落雨時間又尚早，一嚟到就有位可以入。以前都食過呢度嘅芭菲，覺得好味再嚟食。呢個沖繩黑糖Oreo芭菲有好多層，層層都有唔同質感，食起上嚟好豐富。發現有大熱嘅紫薯甜品，點了紫薯窩夫同紫薯心太軟配雪糕，好好食，都好有紫薯味，但又唔會太甜。紫薯控必吃！紫薯窩夫不單止有紫薯醬同埋有個應該係芋頭味嘅雪糕，連個窩夫本身都有用紫薯整出嚟嘅。至於紫薯心太軟，裏面啲醬流出嚟熱辣辣又有香甜嘅紫薯味，冬天食佢真係人生一大樂事。有機會我會再嚟食紫薯甜品！

旺角鬧市之中有有條人流比較小卻充滿食肆的街，名為黑布街這間西式甜品店獲米之連推薦在店外已經充斥著甜味燈光比較昏暗聽說這裡的拿破倫比較有名當然要點一個品嘗整個presentation 很好令人食指大動蛋糕非常鬆脆所以吃起來有點狼狽但味道的確不錯中間的cream跟雪糕中和了餅的乾口感吃起來清脆多層次另外點了紫薯窩夫這比起拿破倫相對失色窩夫紫薯味略微不夠主要靠紫薯粉跟旁邊的紫薯蓉搭救我比較怕甜然而這個的甜度我覺得不足要靠糖漿來補給餐廳環境精緻服務態度略需改善店員有點不親切的感覺多次叫加水也沒理會但整體而言尚可只為拿破倫也可一試

食飽飯，對女士黎講，梗要食個甜品，咁先叫滿足。本來唸住一行4人叫3個甜品夠啦 點知，一menu，過左8點，煩忙時間，要每一個人叫一樣嘢，咁無計 幾想走呀!4個甜品中，呢個真係唔錯，個紫薯窩夫加上紫薯，唔太甜，少許脆，個紫薯雪糕都幾好味，不過texture一般。呢個疏乎里因為酒，剚知有點苦，但佢係唔好味嘅苦囉。個雪糕係最cheap嘅一桶買返黎嘅雲尼拿雪糕。綠茶心太軟係有流心，不過我都做到。個味好普通，咁配紅豆當然絕配啦，係個綠茶雪有綠茶味。 芒果拿破崙，芒果有點酸，拿破崙係幾脆口，但又係雪糕出事。整體黎講，平均一個要五六十蚊嘅甜品，用上最cheap嘅雪糕，令到成個甜品失晒色。

旺角飯後甜點，隨機入左呢間甜品屋😊好食，香濃既抹茶味，個人最怕啲甜到死既甜品，呢個岩岩好，吾會太甜，外層蛋糕亦好soft😍紫薯窩夫配雪糕。窩夫同樣甜度適中，但外層硬左小小，入面又吾算好鬆軟。冇道錯呢個雪芭係拎左米豬蓮既，而我好鐘意菠蘿味既甜品，正正係雪糕或雪芭呢類。但講真係失望喎，個米豬蓮係點拎架⋯？上面舊燒菠蘿好酸，仲有啲咬吾開，雪芭係極淡菠蘿味，而且佢甘樣擺法係令人食到好麻煩的，總括而言，有得再簡我吾會嗌黎食，bye!*其實仲食左個芭菲，但吾好食囉，好酸，五個人食到一半已經放棄，而且個杯又好高，好難「不」出黎。*總括而言，我覺得呢間甜品屋不過不失，我覺得未去到拎米豬蓮既級數，但勝在佢既甜品吾會甜到過哂火，好適中，岩我口味。如果係要黎食既話，我suggest大家食綠茶心太軟，其他既你地再諗諗啦，但當然仲有好多甜品我冇試既，哈哈😂😜

到了午後甜品的時間，我和朋友路過這間甜品店，看見食物的賣相很吸引，價錢十分合理，店內環境清潔衛生又寬敞，富有空間感，看見這間店舖得到米之蓮街頭小食的奬，應該食物質素很有保證，便決定入去試一試紫薯窩夫 ($62)軟綿綿的雲呢拿雪糕，嫩滑細密的紫薯，格紋焦痕爽脆的窩夫，窩夫的數量很多北海道牛乳綿綿冰 ($54)一粒粒煙靭的棉花糖，一粒粒微甜朱古力，白茫茫很有層次感的綿綿冰，牛乳味非常濃郁益力多沙冰 ($4)青蘋果乳酸梳打 ($4)整體來說，食物的質素很高，價錢相對合理，店員有良好的服務態度，有禮貌，勤力，細心，所以我認為這間餐廳值得再去惠顧

早前的一個下午, 我和朋友在旺角找了這間甜品小店吃下午茶。我們二人點了兩個甜品, 等了約十分鐘, 便感到到心太軟的香味，第一個甜品送來了。心太軟的流心度頗高, 一切下去, 綠茶漿就不斷流出來。不過, 綠茶味偏弱, 不夠濃郁突出。窩夫內夾著香甜兼足料的紫薯蓉, 紫薯味比想像中還要突出!窩夫質感外脆內軟, 有蛋香味, 甜度適中。

今日係旺角做完野已經三點幾，又唔小心直接SKIP 左Lunch😩於是即刻搵旺角friend子食野！！點知friend子岩岩同屋企人飲完茶，所以話一係食甜品做正餐（甜品是另一個胃的定律又再次出現💁🏻）於是佢就帶左我去黑布街食一間叫joyful house ，話係連米芝連都推薦🤔🤔間野唔算話好近地鐵，但又唔係好遠既，10分鐘路程到～一睇menu，選擇困難症又發作了😑天呀！款款都好想試，但胃就得兩個😩最後兩個女人好不知羞恥咁叫左三款糖水🙈應該成間鋪得我地會咁大食🙈呢個藍梅食落去好fresh! 入面有新鮮藍梅、藍梅yogurt、乳酪雪糕、藍梅果醬、忌廉、啫喱！睇落去層層分明，而且藍梅醬唔會有一種藥水味！👍🏼可惜，成個芭菲得條百力滋有啲口感，其他都係流質食材，如果可以加啲有咬口食材會好啲🤔超高質紫薯窩夫！！加上楓糖漿，令烤得脆脆既窩夫都可以裹上甜蜜的香味！最值得一提的是其紫薯蓉，一啲都沒死甜的感覺！識食一定係係將啲紫薯蓉抹落切成一口size 窩夫，再加少少雪糕上去！！😋😋最後試既呢個係米芝林推薦！烤菠蘿雪芭！🍍菠蘿上面加左啲糖烤成焦糖，而且菠蘿烤過後更甜，再配上清新口味既菠蘿雪芭，真係正到嘩嘩聲

跟朋友在旺角吃晚飯後想食甜品，朋友推介了我這間「米芝蓮」甜品店，說價錢不太貴之餘，味道也不錯~!去到時店裡坐滿人，門口剛好沒人等位，大約等了15分鐘就可入去。甜品都是西式的，由於我是第一次食，有好幾款都想試，所以兩個人點了三款甜品一齊食~! 這芒果綿綿冰份量不算很大，一至兩個人食OK ，綿綿冰很濃味，配上脆片食味道很特別。如果可再多一點新鮮芒果就會很完美~!很少地方可食到紫薯窩夫，所以就點了~! 紫薯窩夫上枱時還是熱的，食起來外脆內軟。可同時點蜜糖、雪糕或紫薯蓉食，令味道更豐富。個人偏好點蜜糖食!雪糕和紫薯蓉再分開食~!最後，還點了朱古力心太軟伴雪糕，因本人實在太喜歡心太軟~!!上枱時還很熱，破開後朱古力醬即時流出來，食起來很濃朱古力味，且不會太甜。整體而言，這裡的甜品質量都很不錯，沒想到以平時吃甜品的價錢就可以試到「米芝蓮」甜品~!

係旺角食飽飽後,朋友提議去黑布街食甜品,因為佢之前去過一間食拿破崙佢話好食到不得了,而呢間甜品店仲要以「米芝蓮推介」的名號作招徠。到達後,見到店舖裡推廣著買二送一、買四送二優惠,但每人必須點一個正價甜品。另外雖則係閒日但都設有限時機制。我個人就不太喜歡限制多多既食肆,但少數服從多數我,唯有跟入。其實menu裡選擇不是太多,我地一行5人諗左好多先選到7樣甜品。甜品賣相一流,如果相機食先,絕對值得一試。至於味道方面, 其實可能朋友之前食過,相比下佢覺得之前光顧好吃d。因為拿破崙係有微熱而香脆,而今次我地食既拿破崙就不太香脆。所以當一間店舖出左名要應付大量既客人時就再做唔到品質既保証。不過總括而言,這也是值得一試。

係旺角特別係黑布街個帶, 甜品店多的是, 而且有好多都試過, 要突圍而出, 必需要有特色, 經過Joyful 見到d甜品相都幾吸引, 膽粗粗就去試下啦~~入內環境都唔錯, 下午客人不是太多, 可隨便揀個位置坐, 簡簡單單木枱木凳配白色文化石牆, 而另有一角落牆身掛滿了歐洲既照片, 感覺份外休閒同寫意~~呢度甜品種類都不少, 而且都係新派又有創意既甜品, 花多眼亂, 揀左成10分鐘先決定到食邊樣~~比利時朱古力慕絲伴雪糕   HK$56 上層係朱古力既雪糕, 下層係朱古力慕絲, 還有棉花糖, 杏仁同朱古力醬伴碟, 賣相堅得!! 慕絲同雪糕都好滑, 而且朱古力味仲好濃, 朱古力控必試呀~~紫薯窩夫     HK$62紫薯甜品有一定程度令人著迷, 而呢個紫薯窩夫一碟有三件, 還配以雲呢拿雪糕同花形既紫薯蓉, 切開窩夫散發出陣陣紫薯香, 外脆內軟, 伴埋甜甜既蜜糖食, 簡直正呀~~ 而且仲好飽!!燒菠蘿雪芭    HK$52呢個甜品賣相非常吸引, 上層係一塊焦糖燒菠蘿, 下層就係冰凍既菠蘿味雪芭, 焦糖燒菠蘿食落甜甜地帶少少酸, 但下層既菠蘿味雪芭, 我個人就覺得佢酸得濟, 仲要溶得勁快, 所