海記合桃坊甜品 (已結業)

今日出旺同朋出嚟食宵夜😟見呢間有主打芋圓，我地就點咗芋圓西米露嚟食，點知食嗰陣就發現嗰芋圓好硬，好似未熟咁🤨咁我就同店員講一講咗大致情況，點知佢就完全唔理我地講咩就話我地間店啲芋圓就係咁，都係同一個煲煮出嚟，完全無要換嘅意思。仲要講完之後就去同廚房議論我地，其實我覺得唔換都無所謂，但態度好唔好啲😓除咗芋圓西米露之外我哋都嗌左其他甜品但係佢呢間嘅甜品都偏甜會食到好厭😣真心唔推薦大家去食，無諗過食個甜品都要受氣😟

今晚我們喺旺角西洋菜南街食完一餐失望嘅晚飯之後，我們就諗著要食返啲好食嘅甜品嚟安慰吓自己，所以我們就去咗「海記合桃坊甜品」食甜品！我們叫咗腐竹鷄蛋糖水嘅腐竹係煮到溶晒爛晒，就可以知道係用緊優質嘅腐竹，而唔係用劣質嘅，而且有好香濃嘅腐竹香味，糖水嘅甜度係啱啱好，唔會有甜到膩嘅感覺！沙沙合桃糊係呢度嘅招牌糖水，差唔多每檯人客都有叫嚟食，合桃糊極之幼滑濃郁，濃稠度亦恰到好處，再夾埋舖滿表面嘅沙沙，即粒粒合桃碎一齊食，令到層次感更加豐富，真係超正呀！紫薯雪樂冰芋圓西米露嘅雪糕係紫薯味，味道好芳香濃郁，質感好軟綿綿，而且有入口即溶嘅感覺，而芋圓就有幾種味道，分別係：芋頭、地瓜同紫薯，而且質感超煙韌彈牙，真係好正呀！

有朋自遠方來 ，不亦樂乎！ 澳門朋友今天來香港玩，帶佢去玩，途經海記，佢話想食甜品等左一陣先有位，仲有好多人排緊外賣，生意好好咁。我地點左一個紫薯雪樂冰芋圓豆腐花同一個紫薯雪樂冰芋圓雪米露。芋圓有紫薯，芋頭，地瓜三種口味，紫薯的味道很濃郁，真糸紫薯壓成的，仲可以食到紫薯的纖維。芋頭同地瓜味道都好出，口感好Q。雪糕🍦的紫薯味也都好濃，入口即溶，好綿密。甜而不膩。豆腐花好滑，朋友講雪米露也都好味，下次會再來試佢既合桃糊。