海記合桃坊甜品 (已結業)

今晚我們喺旺角西洋菜南街食完一餐失望嘅晚飯之後，我們就諗著要食返啲好食嘅甜品嚟安慰吓自己，所以我們就去咗「海記合桃坊甜品」食甜品！我們叫咗腐竹鷄蛋糖水嘅腐竹係煮到溶晒爛晒，就可以知道係用緊優質嘅腐竹，而唔係用劣質嘅，而且有好香濃嘅腐竹香味，糖水嘅甜度係啱啱好，唔會有甜到膩嘅感覺！沙沙合桃糊係呢度嘅招牌糖水，差唔多每檯人客都有叫嚟食，合桃糊極之幼滑濃郁，濃稠度亦恰到好處，再夾埋舖滿表面嘅沙沙，即粒粒合桃碎一齊食，令到層次感更加豐富，真係超正呀！紫薯雪樂冰芋圓西米露嘅雪糕係紫薯味，味道好芳香濃郁，質感好軟綿綿，而且有入口即溶嘅感覺，而芋圓就有幾種味道，分別係：芋頭、地瓜同紫薯，而且質感超煙韌彈牙，真係好正呀！