海記合桃坊甜品 (已結業)

食完晚飯食返個甜品就係最好不過，起初仲驚好多人，好彩都唔使點等位，平時門口好大堆人架！睇海記個menu..佢既糖水以中式為主，最出名既就係合桃糊，但我一向對合桃糊呢類既糖水唔感興趣，所以就叫左個大良燉鮮奶，識食嘅梗係食熱架啦，口感好好，唔會太稀，又唔會太結，食落去好滑好香奶味紫霞仙子呢款糖水以紫米露為主，配左生果，糯米丸子同埋香芋味嘅雪糕糯米糍，紫米露好煙韌，甜度岩岩好！丸子就硬左少少！雪米糍個皮雪左好耐，雪到硬哂👎🏻但係佢個椰汁值得一讚，食落去椰子味好香，仲有粒粒椰絲，口感似食緊雪糕👍🏻👍🏻想食燉奶既時候一定會返黎食

聽朋友講 呢間糖水鋪幾好食於是襯得閒就黎試下下午黎食 好彩無乜人而且 價格都幾抵我地叫左兩碗紫霞仙子 30$芋圓香芋雪樂冰豆腐花25$紫霞仙子裡面有黑糯米 芋圓 仲有雪米糍我叫呢個 係因為我諗到周星馳既西遊記呢個糖水 我好鐘意 我覺得有雪米糍好特別而且 好有美觀！而芋圓香芋雪樂冰豆腐花 非常足料真係有香芋 而且芋圓大大粒好抵食值得讚既係 食物好快就黎到！

今晚我們去咗太子砵蘭街嘅「海記合桃坊甜品」食晚後甜品！我們叫咗腐竹鷄蛋糖水嘅腐竹煲到爛晒，味道好清甜！沙沙合桃糊係新鮮即磨，濃稠度啱啱好，質感極之幼滑，味道唔會過甜，「沙沙」嘅意思係炒香咗嘅合桃，整碎成粒粒舖面，令到口感同層次感更加提升，真係創意十足，不愧係鎮店招牌甜品！紫霞仙子嘅「紫」係香甜煙韌嘅芋頭雪糕糯米糍同紫米，加上兩粒生果肉同煙韌彈牙嘅小丸子，再淋上香滑嘅椰汁，感覺都幾特別！

好耐之前經過太子,都經過海記合桃坊甜品, 但一直都未試過,今日去太子行街終於都試左喇~可能係晏就所以都冇咩人食~2個人分別點左芒果腸粉同紫霞仙子~點左5分鐘都冇就已經有得食, 真係好快手~<紫霞仙子>個名改得好好聽, 依個甜品其實係椰汁紫米露+丸子+生果+香芋雪米糍~依個配搭,原來係好好味, 紫米露唔係太甜有咬口, 丸子入口煙韌, 生果都鮮甜, 食埋雪米糍真係涼浸浸~<芒果腸粉> 之前係其他甜品店都食過, 但覺得落得太多糖水所以好甜~但今次依個芒果腸粉, 做得幾好食, 腸粉皮做得較薄身,芒果肉好大舊同好鮮甜~芒果汁都唔會太多同過甜~依碟芒果腸粉份量十足,食完一條都有小小飽~ 多人share食就最岩喇~