海記合桃坊甜品 (已結業)

今晚我們去咗太子砵蘭街嘅「海記合桃坊甜品」食晚後甜品！我們叫咗腐竹鷄蛋糖水嘅腐竹煲到爛晒，味道好清甜！沙沙合桃糊係新鮮即磨，濃稠度啱啱好，質感極之幼滑，味道唔會過甜，「沙沙」嘅意思係炒香咗嘅合桃，整碎成粒粒舖面，令到口感同層次感更加提升，真係創意十足，不愧係鎮店招牌甜品！紫霞仙子嘅「紫」係香甜煙韌嘅芋頭雪糕糯米糍同紫米，加上兩粒生果肉同煙韌彈牙嘅小丸子，再淋上香滑嘅椰汁，感覺都幾特別！