Pici

營業中

休息中

呢間餐廳每日供應新鮮手製意大利麵，獨特之處係店員係餐廳即席搓麵糰、造麵條，即製即煮，原汁原味。餐單專門到不得了，淨係主食獨賣意粉同意式小食，薄餅、牛扒一律欠奉，完美呈現意大利道地風味！💗袐製肉丸($90)肉丸用咗豬肉同牛肉混合製成🐮🐷大大粒好夠份量，口感鬆軟非常juicy，而且肉味濃厚。配上酸酸甜甜既蕃茄蓉，味道天然好新鮮好開胃。外面灑上巴馬臣芝士，大滿足！🧀💗巴馬火腿($90)Parma ham份量多到喜出望外🍖客人落單後先即刻切，食落偏柔軟帶油潤感，薄薄一片都幾咸香。不過悲傷小姐比較鐘意較風乾同甘香嘅感覺，如果有得配蜜瓜食就好啦🍈💗結他麵($150)以魷魚墨汁、魷魚、蝦和同茄醬做餡料，加上海鮮濃湯同辣椒，食落酸甜帶微辣。茄汁一d都唔馬虎，食得出係用新鮮蕃茄🍅意粉係搓麵時已經加入墨汁，有所以唔會食到成棚牙黑哂，而且食落唔腥帶食落有點咸香味。有兩隻虎蝦放係面，都幾大隻，帶炭燒香，所有海鮮食落都爽口彈牙🦐加上非常有質感嘅意粉，煮得夠乾身唔會水汪汪。💗細扁麵($180)用上意大利00麵粉同意大利雞蛋去做成嘅方形切面幼麵。以白松露醬、 芝士同鮮刨黑松露片製作。成個口腔充滿松露味，麵條順滑彈牙

大熱Pici喺沙田開咗無耐之後 就嚟試咗佢嘅晚餐印象中好一般 三個意粉好似一樣味咁 而且仲鹹得好緊要 性價比都幾低下所以就無再嚟呢到喇不過友人大讚呢到嘅午餐抵食又好食 見今日閒日難得可以去沙田食晏 就俾多次機會佢啦我哋去到大概1點9左右 可以即時入座裝飾係幾靚嘅 不過唔知點解去親呢間餐廳都好嘈😂有set亦都有a la carte 最後我哋嗌咗A同B各一個一齊食✨餐前麵包叫咗野食之後 店員就上麵包同落醋同油但比例上啲油真係多咗啲😂麵包外層鬆脆 內裡就幾鬆軟嘅之後我哋refill咗一次 啱啱焗起成個包都好鬆脆✨田園沙律菜好新鮮 啲菜係用醋撈過成件事加埋好fresh✨Parma ham雖然都係大路野 不過個味幾好 唔會太鹹但又有風乾火腿嘅鹹香味配埋沙律一齊食一流👍🏽✨豬肉碎Fettuccine麵上嘅芝士好吸引🤤因為全手製嘅關係 佢哋啲麵嘅質感同坊間食開係好唔多 厚啲但硬身啲嘅好視乎你鍾意食咩口感嘅pasta喇成個味我會形容係肉醬意粉 不過啲豬肉就高質啲嘅✨結他麵友人話佢之前食個醬係黑色嘅 但今日就唔同咗嘈幼麵嘅口感就無闊麵咁好 但都比較硬身味道辣辣地都幾惹味嘅 啲配料都唔少 口感一貫地偏硬身

平日午飯時間, 沙田新城市好多餐廳都好多人, 唔知係咪佢開係下層盡頭位置, 比起其他餐廳少人, 容易搵位 ! 10個以上要搵大枱都無問題 !Lunch set 同 Dinner set 食物差唔多, 但 lunch set 抵食好多 !!Lunch set 有前菜, 意大利麵同甜品揀麵包係較乾同硬身, 配橄欖油同意大利醋, 食完可以無限refill 😛A餐 (2 courses) $98 只有A餐有得揀前菜 Parma Ham😍😍 強烈推介 !! 勁大盤 !! 大概有 8 大塊 !! 味道偏咸, 最好係同朋友 share 田園沙律一齊食B餐 (3 courses) $128揀左田園沙律 + 結他麵 結他麵有d辣, 食唔到辣ge朋友要注意 硬度岩岩好, 好好食, 意粉係主角, 配菜份量較少甜品方面, 個人推介 Tiramisu , 係傳統意大利做法, 蛋糕濕濕地, 浸左 d 咖啡同酒, 一食就諗起係意大利歐遊時食ge tiramisu !  😙😙😙所有午餐都會配冰茶一杯, 味道唔錯 !服務方面, 目測有一半係外藉侍應 ~ 加水,收碟呢 d 基本服務完全冇問題係落單至上意粉時間較耐, 大概

唔講食物環境，都要講店員服務先，店員相當熱情，會耐心推介受歡迎食物同食物嘅賣點，不過就以英文溝通為主，如果怕外語嘅朋友要留意啦。因為工作忙嘅關係，基本上已經係下午茶嘅時候先黎食 LUNCH，不過呢到都無咩特別下午茶時段，應該全日都係一個餐牌。環境同食物味道都好接近歐洲味道，所有嘅麵都係店內自製，我覺得口感相對堅實，係好食嘅。千層麵嘅芝士味都好重，連埋焗出黎嘅香氣，值得一試。店鋪另一個特點就係唔收加一，如有需要可以另外比小費，但我無試過直接比現金小費，所以感覺都奇怪，最後都無比，但其實都係好值得比嘅