鐵花村 (愛群商業中心)

營業中

休息中

雖然已經買咗12月機票去台灣，但係對台式美食嘅熱情，我哋係從來唔會減退！🥰朋友介紹北角有間幾正嘅台式美食，趁今日放假就去品嚐一下！唔係好嘢又點會有人排隊？我哋等咗成20分鐘先至入座…好彩有個靚窗口吧枱位！即刻點餐～老細話唔食粉麵飯，主力叫夜市小食～好！就叫小食啦～大腸麵線🍜：麵線嘅味道一入口即刻有曬回憶！唔會太鹹，但係有豬油嘅香味大，腸滷得好淋好入味，加上芫茜同蒜蓉粒，十分好味！綜合丸湯🥣：湯底係白蘿蔔湯加芹菜，呢兩樣食物嘅配搭係冇得輸，三種丸都係台灣入口，彈牙又惹味，而且唔會死鹹，每款一粒啱啱好！炸花枝丸🍡：每粒都炸到好香脆，上枱熱辣辣，灑上椒鹽，基本上係夜市必食！炸臭豆腐🧆：佢嘅臭豆腐上枱嗰種香味…如果你鍾意食臭豆腐，你一定忍唔住！🤤佢炸得比較香脆，配上一個酸酸地嘅醬汁，最重要係面頭嘅泡菜～👍🏻老闆娘話係用咗台灣入口嘅菜自己醃製，所以好清新，配臭豆腐好夾！台灣香腸蛋餅：又想食台灣腸，又想食蛋餅，一次過滿足曬兩個願望！😋蛋餅加咗九層塔，鍾意九層塔嘅味道一定要試！！蒜泥白肉🥓：上海嘅蒜泥白肉就食得多，台灣嘅蒜泥白肉，蒜蓉味比較清淡～佢用咗薄身豬腩片，個醬汁調配得好好味，酸酸甜甜好開胃！

喺北角出發行山前，我哋先搵啲嘢食，平日好少行入內街。呢日發現原來港運城後面都有啲餐廳，其中一間係食台灣嘢️🇹🇼，叫做「鐵花村」。香港人對台北一定唔陌生，但對於台灣嘅後花園「台東」就未必，而我之前有幸去過，一直對呢個地方念念不忘。小店正好主打台東主題，好特別，亦令我喚起旅行嘅回憶🧳。店舖面積唔大，座位得廿幾個，不過人氣超高👏，客如輪轉。呢度裝修好靚，天花板掛上彩色燈籠，就如鐵花村一樣🏮；而牆身就用咗地圖同明信片作裝飾。台灣菜定價相宜，每款食物都係幾十蚊內有交易👍，但當然貴過喺當地食。食物即叫即整，賣相吸引，份量合理。香煎排骨飯($50)，香煎排骨同飯分開上，🍚米飯用上珍珠米，軟硬同濕度適中；呢款飯可以同時試到滷肉飯嘅滋味。由於另配排骨，所以滷肉粒唔多，但都食得到入口即化嘅半肥瘦效果🐷，伴飯食一流，唔太鹹、亦唔覺膩。其他配菜仲有半隻滷水蛋同兩條白菜。另一主角係香煎排骨🍖，餐廳嘅豬扒設有兩款煮法，分別係酥炸同香煎。酥炸或許比較常見，但香煎更啱口味，因為食落油份較低，感覺輕盈得多，而且豬扒醃得更入味，肉質亦軟淋。台東米苔目($48)，米苔目係台東一大特產🍜，麵底用上銀針粉(老鼠粉)，口感又爽又滑

這家餐廳位於住宅附近，餐廳由幾位台灣人開。裝潢很有台式氛圍，掛滿了台式天燈和台灣地圖，實在很有心思。我們兩個人晚餐點了五樣東西。⭐️台東米苔目$48麵底米苔目在台東吃過一次，當地很受歡迎。看起來就像狗仔粉，結果吃起來質感是一樣的，湯裡面有一顆貢丸、半隻滷蛋、一些木魚、白蘿蔔和肉碎，吃起來味道清淡健康。⭐️綜合麵線$45份量比米苔目少一些，有紅蘿蔔絲、大腸和蚵仔。加些醋和胡椒粉，味道很不錯，一解對台灣的思愁。⭐️綜合丸湯$35貢丸、魚丸、花枝丸各一顆，湯頭不油，有蔥花和芹菜，吃起來香淡。⭐️肉鬆起司蛋餅$35配料很足，夾層有芝士，肉鬆吃起來也不鹹，整條吃完絕不會覺得很膩。⭐️蒜味台灣香腸$35小吃必點，香腸切好有十幾片。這裡貫徹台灣人好客，服務值得一讚，小店不用加一服務費。

鐵花村- 北角台灣情懷小店好似半個台灣人既朋友仔問我食唔食好西🤣🍴 sure, 帶我去please🫶🏻去北角搵食，食台灣野🤓去到餐廳撞到佢哥哥💁🏻‍♀️真係無約都俾美食吸引同一時間去，約都冇咁岩呀😂一入到去 聽到個聲用台灣獨特腔講ge “歡迎光臨”加上成個天花板都係小天燈 ，心情即刻好好🤓✨★芒果奶蓋烏龍茶$30好熱既時候，我又想飲湯🤣於是叫咗杯凍嘢飲🤓一般嘅味道， 但上面加左桂花即刻加左分🫶🏻★綜合丸湯$35食得台灣小食唔可以少左丸丸湯🤪好飲呀，但丸既數量比較少★綜合麵線$45豬大腸同蚵仔🦪既配搭， 兩樣食物都處理得相當好✨無好大既怪味道， 蚵仔個日食仲有少少鮮甜味：）★蒜味台灣香腸$35台灣腸仔不嬲都好好食呢個都唔例外🤤★椒鹽炸甜不辣$36每次食台灣嘢都會點甜不辣，無論係湯嘅形式定炸嘅形式都好好味😋唯一係覺得九層塔唔夠多★肉鬆起司蛋餅$35無乜蛋香味，但味道上係好食既，特別要提下個餅皮厚薄適中依間店服務好好🤓係冷氣唔係好夠，一定會再繼續幫襯。因為今次想試食臭豆腐，但係冇得叫(可能賣晒)所以下次應該會再去食