HeSheEat (白布街) (已結業)

今天下班後約了女朋友到旺角吃飯，之前經過HeSheEat多次均未能品嘗。有幸今次見到沒有那麼多人排隊便決定一試！用餐過後便不難理解，為什麼每次經過都那麼多人排隊我們決定單點部份美食再另加一個套餐。後來發現原來此間餐廳的份量也十分足夠。我們用了很長時間才能把所有東西吃完我們單點了一個牛油果蟹肉凱撒沙律，上菜的時候我們也被嚇親沒想到份量那麼大我們吃完這個沙律都已經有三成飽。牛油果蟹肉沙律中蟹肉的份量並不吝嗇，而且牛油果的質素亦十分好再加上少許的芝士用作調味清新得來也帶點咸香另一個主食為黑松露春雞意大利燴飯 ，燴飯一上桌時便能聞到淡淡的黑松露香氣，而且春雞的份量亦不少。雖然看起來很像有點乾，但原來一切下去和咬下去的時候，發現肉嫩多汁！餐廳於這道菜內亦加入少許芝士，令燴飯分起來的時候有少許拉絲的感覺至於我們另外下單的黑豚扒套餐則包含前菜沙律，蘑菇餐湯和冰茶一杯我們亦為了品嚐他的甜品亦另加$38享受綠茶心太軟 餐湯和沙律的份量亦不少，而主角黑豚扒套餐當然是不得不讚！黑豚扒的肉質嫩滑 ，縱使有長薯條增加風味餐廳，亦很細心提供部份蔬菜來平衡主菜。甜品的綠茶心太軟，聽說是他們的招牌菜，所以也決定來一試

今晚又來到旺角，想念「HeSheEat」它的小食和主菜，這裡價錢也比起其他的西餐廳相對便宜，所以便走過來麥花臣附近這家的「HeSheEat」。裝修沒有太大變化，餐廳分為上下層，下層裝修成cafe，上層則是少女風味的格局，而位置都算寬敞，坐起來都算舒適。牛油果蟹肉凱撒沙律這個凱撒沙律好有驚喜，一絲絲的蟹肉蟹肉味道鮮甜，牛油果蓉也很新鮮，感覺很開胃，口感清新不油膩。配上沙律菜和麵包糠，香脆口感配上牛油果蓉，別有一番風味，兩者配合得很好。單骨蜜糖芥末雞翼 蜜糖芥末味香甜惹味，而單骨雞翼食落好方便，咬下去脆身而不油，肉汁非常豐富，肉都好嫩， 整體味道不錯。春雞黑松露意大利飯一上碟就聞到好香、濃郁的松露味，好像不惜工本地加入飯中。 意大利飯軟硬適中，唔會太硬身。而雞肉的份量很多，雞肉份量很多而且外皮香脆內裏嫩滑，咬下去還有肉汁，不會有肥膩感。綠茶心太軟 心太軟溫度控制得剛好，外皮保持鬆脆！切下去裡面的抹茶漿湧出來，配上冰凍清甜的豆腐雪糕形成冰火交融。而抹茶流心有非常濃郁的綠茶味，甘而清幽，讓人念念不忘。高度推薦！抹茶鮮奶 最頂層是超邪惡的cream，奶香味十足，不過因為抹茶帶少甘的關係，所以不算

回帶上年年尾朝聖的一晚今次除了品嚐主食外也嚐了非常有名的鬆餅可能是吃完主食的關係所以覺得有點膩建議大家點一個與朋友分享就好或一人點一款嚐嚐不同的甜點鬆餅送到桌上時仍是暖暖的外皮酥脆蛋味濃若單吃或會感到一點乾但配上附送的🐝糖漿🍓雜莓🍇雜莓醬🍦雪糕鬆餅整體得以昇華暖熱配搭得剛剛好店內還有許多不同款式的創意甜點飲品建議大家可以試試

是日與同事去了he she eat午餐。這間聞名已久的餐廳， 餐廳坐落於旺角黑布街，樓高兩層， 地下面對的是開放式廚房，可以即場看到廚師製作甜品料理， 二樓可以容納很多人， 所以無論人多人少嚟he she eat吃飯也可以容納得到呢。午餐48蚊起就有交易， 以旺角區嚟講十分抵食。 我哋今日就叫了貴少少的午餐set, 包餐湯或沙律的。 是日餐湯是南瓜忌廉湯， 南瓜蓉打得很杰身， 真材實料。 沙律菜也十分新鮮。扒大啡菇牛肝菌黑松露意大利飯78黑松露意大利飯松露味道濃郁， 意大利飯煮得軟硬適中，牛肝菌的味道滲入每一粒意大利飯當中，美味！ 大啡菇厚身， 滿滿的都是汁。-香茅豬扒越式法包68-香茅豬扒炸得美味， 法包有烘過唔會硬掘掘， 配上越式蘿蔔絲與香茜， 越式風味盡在一身。 而且整份主菜不單止只有豬扒法包，還有沙律與及薯條， 滿滿的一大份，抵食。-墨魚汁魷魚扁意粉108墨魚汁扁意粉雖然會吃到整個嘴也是黑黑的 ， 但正因為墨魚汁很濃， 墨魚汁味非常重， 正是真材實料。而且墨魚汁含豐富的鐵質，能抗氧化，配上 軟嫩鮮美的魷魚 ，整碟 扁意粉 也充滿濃香的海鮮魔力呢。-來得he she eat當然還

本身主打食甜品的HeSheEat 轉型後第一次來，現在除了甜品，還有意粉，漢堡，薄餅等西餐提供。夜晚有Dinner Combo, 點一個主菜，只要加多$30-$45 就有餐湯/沙律/小食/甜品，仲可加錢要特式飲品。我們點了dinner comb 的扒虎蝦芝士汁鮮蛋意大利粉，大大隻虎蝦肉質爽口彈牙， 以芝士熬煮出濃濃的醬汁，與菇菌及鮮蛋意大利手工麵 一起拌勻，味道濃郁，鐘意鮮蛋意大利手工麵好有蛋香味，幼身得似天使麵，但記得要襯熱食才好。加了$45 要了蕃茄蟹肉牛油果配墨西哥脆片，蕃茄蟹肉牛油果配搭好健康，好開胃，配上脆片食更好味，脆片份量可以再多一點就更好了。另外散叫了燒豬肋骨，配上沙律及薯條，豬肋骨燒得淋身，切下去肉已跟骨分離，表面黏著微甜的燒烤醬汁。最後更要點多個甜品作結，我點了綠茶心太軟，綠茶味甘而清幽，切下去綠茶醬緩緩流出的時候特別興奮，配上豆腐雪糕，一凍一熱地食，好味。温馨提示，因為甜品即叫即做，所以等候時間會比較長。另外餐廳的服務態度要一讚。

晚飯後與友人到此吃甜品, 已經11點多仍有不少人在此吃甜品和聊天。被安排到樓上就坐, 每人最低消費一個甜品或一杯飲品, 點了四款分著吃。未知是否已夜深, 有不少都賣完了。朱古力窩夫: 窩夫口感不錯, 可惜沒有朱古力味, 配上楓糖比朱古力醬更好吃。雜莓雪葩酸酸的頗清新。雲尼拿士多啤梨奶凍: 這杯奶凍層次相當豐富, 有士多啤梨雪糕及不少士多啤梨, 中間一層脆脆的蛋白脆糖, 再配上最底的滑滑奶凍, 多重口感, 不錯。綠茶心太軟配豆腐雪糕: 心太軟焗得很好, 切下大流心, 内裡的綠茶流心亦沒有粉味, 不錯。豆腐雪糕很香豆味, 真如吃豆腐一般, 很加分。雜莓厚焗鬆餅: 鬆餅如厚pancake一般, 相當實在, 蛋味很濃, 加上糖漿及雪糕同吃感覺更佳。欣賞店家的甜品擺盤漂亮, 加上雲石枱, 打卡一流, 而且味道不錯。未知是否趕收工, 甜品尚未吃完, 店員只輕輕擺手示意未有問是否可收,我們未及回應, 已將餐具放上未吃完的甜品盤上收走。落單時有些甜品沒有, 我們打算另選其他, 說岀第一個字時已遠去, 服務實在有待改善。

今日同男朋友慶祝紀念日，所以揀左有好靚的甜品的HE SHE EAT慶祝。之前係銅鑼灣食過，覺得CP值好高，所以要翻check 😝😝😝牛油果番茄果沙律$95蟹肉醬溝左黑松露，濃厚的黑松露加上鮮甜的蟹肉，咪道配答得宜。再配上牛油果的油香，進一步將鮮味提升。另外餐廳好貼心備上幾片多土，唔鐘意食律的人可以將蟹肉醬同牛油果漿直接塗上多土。帶子青蘋果沙律$95青蘋果既清新加上帶子，係一個值得欣賞的創意之選。墨魚汁魷魚意粉$98墨魚汁夠咸香，魷魚夠新鮮，而且意粉明顯經過特別處理，軟硬適中。春雞黑松露意大利飯$128飯既質地明顯刻意為香港人口味adjust過，唔會好像平時意大利飯咁硬身，黑松露亦都唔不惜工本咁加入飯中，所以有極濃厚的黑松露味！綠茶心太軟$62火(後) 適中，cut開，入面的綠茶漿好像火山爆發咁爆出來，但係外皮竟然仲可以保持鬆脆！高度推薦比綠茶腔！牛油果砂冰$45超多牛油果! 正呀!最岩係食完甜品後，清一清喉嚨。真心推介要健康飲食的人來HESHEEAT,佢個沙律實在令我太難忘。大大份，又好味，又飽肚，用來做主菜都無問題。

呢間甜品店，其實好幾年前中學時代朋友已經帶我黎食，之後一直都冇再去過，今日黎到呢到重捨舊時光。黎到裝潢都冇咩改變，都係同以前一樣。叫個燒美國牛肉胡麻醬沙律。份量都ok。我中意佢個擺法，牛肉咁放好靚夠美感。牛肉肉質好，味道係牛香中帶點油脂，比例剛好，吾會太乾搞到好似肉乾加食草咁。配埋其他雜菜剛好，呢到仲特別，配上切到長方的白蘿蔔，本身煮得好入味，清甜多汁，食沙律都真係開到胃，吾係平凡的沙律！小食超想叫呢個炸蘑菇釀雞肉！至愛！點知…！…. 黑仔是我！最後一份都岩岩賣哂，店員同我講只有無奈接受…. 最後逼住叫炸雞翼韓式辛辣醬。呢個吾係吾好，而係普通左d囉😭同埋成日覺得雞翼好平，自己屋企食幾多都得，吾洗係出面叫又貴又少，食到就住就住。😫個雞翼我放左好耐先食，都好脆，個皮係同雞翼會分離個種，值得一讚，係入面，係超juicy! 好少有，雖然平時有d都會係juicy，但呢個真係最juicy既，d汁係直頭標出黎咁款！不過本身就冇咩味，好淡，即使個醬都好稀，吾係好稠個種韓式辛辣醬，稀d就方便倒上去一齊食，不過一齊食都吾係太重味。之後就叫虎蝦意大利飯同HeSheEat漢堡主菜，其實都多人，估吾到最快上係虎

食完晚飯 又唔係好夜同想食啲甜品 就去左煙廠街附近睇下甜品有咩想食 跟住就簡左HeSheEat 已經有一段時間無黎HeSheEat 裝修係適合女士們閨蜜們一齊吹水 慢慢影下相打下卡😆叫左個綠茶心太軟食 店員好細心咁提一下話心太軟係即整 可能要等15-20分鐘 點知吹一陣水 好快就有得食🤣 本身都驚會有啲滯 但出奇地無個種好”柳”既感覺 綠茶味都濃 但綠茶控可能會覺得綠茶味唔夠濃🙈熱既心太軟 再配上一個凍既雪糕 都係一個幾好既配搭 但如果可以再多啲Toppings 好似紅豆/小丸子...就無敵啦😛其實每次黎到都係食甜品 下次可以黎試下正餐 同埋大家可以留意下最緊做緊既優惠 食正餐加多$50蚊就有得食甜品放題 真心食兩個就已經回哂本 可惜岩岩去完先推出呢個優惠 不過可以再去過

約左朋友出黎訴下苦傾心事，HeSheEat係我第三次黎，喜歡佢食物種類多，有主食又有甜品，可以直落，服務好又唔會貴，朋友第一次黎都好喜歡。餐廳有兩層，環境都幾舒服同寬敞。內裏裝潢有心思，氣氛環境都幾好。呢個炸蘑菇釀雞肉小食好特別，由於我地都幾鍾意食蘑菇，所以好喜歡。原隻蘑菇被一層脆卜卜嘅吉列脆皮包住，中間釀左雞肉，咬落好juicy，一d都唔乾。雞肉嘅味道唔太濃，但配上黑松露沙律醬，非常match,而且食到黑松露嘅味道。呢個炸雞翼脆身而不油， 肉多厚身，就咁食都已經覺得味道好，有少少孜然嘅香，好惹味。雞翼炸到外脆內嫩，配埋呢個韓式嘅酸辣醬汁就更加好味，甜甜嘅柚子香仲帶有柚子肉，後勁是辣味，完全變成韓式感覺。海鮮意大利飯看似普普通通，但做法正宗，意大利米有嚼勁，番茄汁醬令飯粒更加濕潤，而且分量適宜，酸酸地，好開胃。海鮮用料方面好豐富，有帶子，大蝦,，魷魚，青口...等，全部材料都非常新鮮。燒豬肋排，肉質煮至離骨，輕輕一切已經可以，肉質相當鮮嫩而且非常腍。味道方面，搭配嘅特製醬汁好香好好味，甜甜的，輕微辣，單吃唔會過鹹，好夠味。一塊有大概8至9件骨，有薯條配菜，2個人share岩岩好。特別一

筆者介紹：人稱「肥佬B」，自2009年加入openrice，一直以openrice用作bookmark餐廳用途。踏入三十之年，心廣體胖嘅我quota遞減，故每逢可以出街食飯定必事前做足功課，以免浪費quota，希望透過寫食評同大家分享飲食心得和介紹我嘅口袋餐廳。作為新界仔嘅我，更與女友相約「每月港島一餐」，有興趣就即刻follow我啦！對上一次黎，我對HeSheEat已經留下一個好好嘅印象 (有興趣可以睇番我另一篇較早嘅食評) ，今次就趁晚飯前黎試甜品同飲品，結果都一樣無令我失望，水準真係好高！睇落去就知！接過menu後就心大心細食邊樣好，因為夜d又同朋友聚會唔想食咁多，但又想試哂佢d野，人真係好矛盾！最尾左揀右揀先叫到兩杯野飲同一個甜品！先黎個重點推介：綠茶心太軟 配 豆腐雪糕呢個真係好食到痴線！我並唔係一個好嗜甜品嘅人，所以好多時都會選有少少苦澀味綠茶甜品，呢個係苦澀味同甜味取得好好嘅平衡。由於即叫即製，上到檯都係熱辣辣，一切開你會感受到外面脆扑扑，然後入面係軟軟嘅蛋糕同流心，中間流心甜甜地搭配綠茶嘅甘苦，好match！另外旁邊嘅豆腐雪糕唔知係咪自製嘅呢？好味到我想買番屋企！黃豆味

He she eat 最近推出了超值的午市套餐。身為一名吃貨，怎能錯過這機會呢？當然要帶其他朋友一起來吃美食啊～Lunch set 包括餐湯/沙律、主菜、甜品和飲品，$68 沒有加一，比平日單點便宜得多。先來沙津。我走了醋，因為我是那種喜歡乾乾的吃蔬菜的人。（怪胎XD) 生菜很新鮮，車厘茄鮮甜多汁，為這一餐作健康清新的開始。接下來便是既邪惡又美味的主菜— 三文魚刁草檸檬忌廉扁意粉。意粉上灑滿了芝士薄片，又有柔滑的忌廉和粒粒香氣撲鼻的蘑菇。煙三文魚又厚又有嚼勁，教人食指大動。刁草檸檬令這意粉昇華，因為清爽的酸味釣出了三文魚的鹹香。凍檸檬茶比我想像中大杯，檸檬的酸、糖漿的甜和紅茶的甘為我帶來冰涼透心的享受，可以在酷熱的天氣下消暑。最後是果醬奶凍。奶凍的奶味香濃，質感滑嫰，伴著草莓果醬一起吃，真的非常可口。吃完意猶未盡，如果份量大一點就好了。女生甜品胃終究很大，奶凍滿足不了，於是我們點了其他甜品。這個岩鹽焦糖厚焗鬆餅非常厚實，上面有一大塊牛油，旁邊由左至右放著雲尼拿雪糕，糖漿和岩鹽焦糖醬。整體味道不錯，但也沒有驚喜。這個綠茶心太軟深得我心。心太軟有濃醇的綠茶味，切開便有綠茶流心湧出，甘甜中帶

我曾經在銅鑼灣那一間吃過HeSheEat，在銅鑼灣地帶，地點比較方便，前幾日想約朋友食，想不到原來在旺角也有分店，雖然要行遠少少，但旺角會更方便我們😼餐廳有上下兩層，客人以年青人為主，我想最主要一個原因是它的甜品選擇比較多樓梯也有不少裝飾！沙律 - 燒美國牛肉胡麻醬沙律＄95牛肉很嫩滑，仔細看有少少粉紅色，不會燒得過老，雖然麻醬很普通，但必定是我最喜歡的醬料😋沙律菜也很新鮮👍🏾另外要了一份炸雞翼小食，有點兒像KFC的炸雞翼，雖然看到雞翼上放了一些辣粉，但其實吃起來不會很辣墨魚汁魷魚意大利粉＄108這一碟意粉很好食！絕對要推薦👍🏾👍🏾👍🏾意粉彈牙有咬口，有少許切碎了的辣椒，微辣，如果怕辣可以加一些些檸檬汁，意大利粉是本身已放了墨魚汁的黑色意粉，另外醬汁也是用了黑色的墨魚汁，真材實料！旁邊的魷魚也很彈牙食完意粉記得抹咀😂另外一道主菜是海鮮意大利飯，我要讚一下意大利飯是七、八成熟，絕對不會煮到太淋！整碟飯都是滿滿的芝士！海鮮有帶子、大蝦、魷魚、青口我很喜歡這一杯oreomilkshake很邪惡的奶昔！ ！一整杯都充滿了Oreo😍😍😍最後當然也要吃甜品啦！甜品選擇很多～左揀右揀揀左好耐....

HeSheEat可以說是我翻兜次數最多的旺角餐廳之一， 無論主食或是甜品都非常出色，今日又來跟朋友回味一下這裡的美食。每次來到都十分旺場，幸好比較早來到，不用等候就能安排入座。這回安排坐上二樓位置，環境比一樓較為寬敞舒適。沒來一段時間多了不少新菜色， 當然要來試試。這回決定前菜主食甜品每樣叫齊 ! 帶子青蘋果焦糖合桃蜜糖芥末醬沙律 - $95青蘋果清爽，帶子煎得香口，配上蜜糖芥末醬，吃下去酸酸甜甜。個人很喜歡加上的焦糖合桃碎，清新之餘，還帶點濃郁的味道。口感豐富，是道十分開胃的前菜 !芝士龍蝦扁意粉 - $162龍蝦塊鮮甜啖啖肉，扁意粉充分吸收了濃厚的芝士汁，非常惹味。還有烤過的芝士焦塊，脆口濃郁。伴碟的脆玉瓜不僅令顏色更豐富，亦令菜式口感不會太膩。整體不錯，是芝士迷絕對喜歡的菜式。香煎紐西蘭羊排配蘋果紅酒汁 - $178 終於到了期待己久的煎羊排，顏色非常鮮艷豐富。羊排肉質夠嫩滑，不會帶騷味，煎得剛剛好。紅酒汁煮的中東米，帶點酸甜。而且煮得恰到好處，細細粒挺有咬口。加上番石榴粒真的挺特別，味道鮮甜，混起來吃有不錯的點綴效果 ! 這道主食絕對是驚喜之作。橙酒柚子芝士蛋糕泡沫 - $78

主菜甜品超水準😍極高質西餐🍽趁週年優惠把握機會💪🏻星期一晚五點半，我地兩個特意趁HeSheEat推廣週年優惠黎吃晚餐。只要星期一至四夜晚六點前落單，英文名有齊S、H、E 就送指定主菜，唔齊都有指定飲品送。去到唔使等位，我地上二樓坐。基本上所有食物都高水準，但原價實在太貴啦！份量屬合理偏少，所以平時唔會黎，最多淨係吃甜品。趁週年優惠先抵吃，叫左 兩碟主菜、甜品、飲品 除開每人只要 $95！✏️我們的食單✅春雞黑松露義大利飯 $128✅黑松露大蘑菇蘆筍義大利飯 $118（免費）✅綠茶心太軟 $62✅士多啤梨玫瑰茶 $45（免費）✅春雞黑松露義大利飯 $128：好味到不得了！春雞又滑又香，咬入去仲有汁。飯既黑松露夠多，味道香濃，更加入細菇片。水份控制剛剛好，質感滿意。賣相相當不錯。✅黑松露大蘑菇蘆筍義大利飯 $118（免費）：飯入面有細同大蘑菇片、洋蔥，面頭有芝士片同蘆筍。蘆薈煮得恰當，唔會太老，但比較細幼。飯既味道偏濃，水份控制剛好。由於唔多餸，所以如果唔係免費都唔會點呢個飯，但的確高質。✅綠茶心太軟 $62：綠茶味十足，甚至有小小苦，個人非常喜歡。配有餅乾碎將整個甜品昇華，多重口感無得頂。