HeSheEat (白布街) (已結業)

Item: HeSheEat (白布街)
Rating: 5
Author: miss豬

1549 食評

味道

環境

服務

衛生

抵食

40649

旺角

$51-100

西式咖啡店

1144

205

miss豬

等級4

163

約左朋友出黎訴下苦傾心事，HeSheEat係我第三次黎，喜歡佢食物種類多，有主食又有甜品，可以直落，服務好又唔會貴，朋友第一次黎都好喜歡。餐廳有兩層，環境都幾舒服同寬敞。內裏裝潢有心思，氣氛環境都幾好。呢個炸蘑菇釀雞肉小食好特別，由於我地都幾鍾意食蘑菇，所以好喜歡。原隻蘑菇被一層脆卜卜嘅吉列脆皮包住，中間釀左雞肉，咬落好juicy，一d都唔乾。雞肉嘅味道唔太濃，但配上黑松露沙律醬，非常match,而且食到黑松露嘅味道。呢個炸雞翼脆身而不油，肉多厚身，就咁食都已經覺得味道好，有少少孜然嘅香，好惹味。雞翼炸到外脆內嫩，配埋呢個韓式嘅酸辣醬汁就更加好味，甜甜嘅柚子香仲帶有柚子肉，後勁是辣味，完全變成韓式感覺。海鮮意大利飯看似普普通通，但做法正宗，意大利米有嚼勁，番茄汁醬令飯粒更加濕潤，而且分量適宜，酸酸地，好開胃。海鮮用料方面好豐富，有帶子，大蝦,，魷魚，青口...等，全部材料都非常新鮮。燒豬肋排，肉質煮至離骨，輕輕一切已經可以，肉質相當鮮嫩而且非常腍。味道方面，搭配嘅特製醬汁好香好好味，甜甜的，輕微辣，單吃唔會過鹹，好夠味。一塊有大概8至9件骨，有薯條配菜，2個人share岩岩好。特別一

約左朋友出黎訴下苦傾心事，HeSheEat係我第三次黎，喜歡佢食物種類多，有主食又有甜品，可以直落，服務好又唔會貴，朋友第一次黎都好喜歡。
餐廳有兩層，環境都幾舒服同寬敞。內裏裝潢有心思，氣氛環境都幾好。

呢個炸蘑菇釀雞肉小食好特別，由於我地都幾鍾意食蘑菇，所以好喜歡。原隻蘑菇被一層脆卜卜嘅吉列脆皮包住，中間釀左雞肉，咬落好juicy，一d都唔乾。雞肉嘅味道唔太濃，但配上黑松露沙律醬，非常match,而且食到黑松露嘅味道。

呢個炸雞翼脆身而不油，肉多厚身，就咁食都已經覺得味道好，有少少孜然嘅香，好惹味。雞翼炸到外脆內嫩，配埋呢個韓式嘅酸辣醬汁就更加好味，甜甜嘅柚子香仲帶有柚子肉，後勁是辣味，完全變成韓式感覺。

海鮮意大利飯看似普普通通，但做法正宗，意大利米有嚼勁，番茄汁醬令飯粒更加濕潤，而且分量適宜，酸酸地，好開胃。海鮮用料方面好豐富，有帶子，大蝦,，魷魚，青口...等，全部材料都非常新鮮。

燒豬肋排，肉質煮至離骨，輕輕一切已經可以，肉質相當鮮嫩而且非常腍。味道方面，搭配嘅特製醬汁好香好好味，甜甜的，輕微辣，單吃唔會過鹹，好夠味。一塊有大概8至9件骨，有薯條配菜，2個人share岩岩好。特別一讚係配左BBQ醬同茄汁，食得更滋味。

上次黎冇留肚子吃甜品，飽到不得了。今次就醒目喇，係咁招待朋友仔，咁豬就食到甜品喇🤭我地叫左個士多啤梨奶凍同綠茶心太軟。個奶凍好靚呀！下面係櫻花加上士多啤梨味嘅奶凍，奶凍上面有蛋白脆脆同威化餅碎，唔甜，配奶凍好好食，凍凍的又脆脆的。側邊有個vanilla雪糕。香滑雪糕加上一粒一粒嘅草莓果肉，令雪糕口感十足。