Joyful Dessert House

營業中

休息中

原來呢間喺米芝蓮級甜品~~ 於是揀左呢個2款招牌甜品試試~芒果拿破崙🥭千層酥超級酥脆 每層有吉士醬 配埋個芒果雪糕 🥭🍦 食落層次口感好豐富芒果酸酸甜甜 真係一啖接一啖🤤🤤推介 值得一試 👍🏻 好滿足啊!!🥰綠茶心太軟🍵食落有驚喜! 連平時唔喜歡食綠茶嘅我都覺得好味!! 亦做到流心效果，好高質嘅綠茶心太軟啊!配埋個雪糕🍦+紅豆 一熱一凍 有唔同嘅口感~ 好正😋整體呢2款甜品賣相唔錯  價錢適中  好高質

今日同朋友突然想食甜品，於是在旺角尋覓一下。見到呢間店有「米芝蓮街頭小食推介」，於是一於入去試試。原本想叫左一個芭菲、一個窩夫，但諗諗下無理由唔食米芝蓮推介既甜品，於是最後叫左一個藍莓芭菲和一個米芝蓮綠茶心太軟 。藍莓芭菲 🍨（$64）雪糕係雲呢拿，中間幾層係藍莓味既YOGA 和CREAM，第一啖食落去覺得有點酸，可能本身我唔太中意食乳酪。但食落都OK，如果有多D配料，相信會有更豐富既口感。綠茶心太軟 🍵（$64）呢個真心有驚喜，一送到上枱既時候已經聞到好香既綠茶味和焗蛋糕既香味。香噴噴，熱辣辣，切開入面有很流心的效果，焗得真係唔錯！如果只係食心太軟，食多幾啖，會有點膩既感覺，但配埋紅豆同雪糕就岩岩好，唔錯唔錯😋😋😋😋。整體來說，食物真係有驚喜。但服務方面就真係要再改善下。在整個過程期間基本上唔多人，但竟然安排搭枱。每食完一碟甜品，即刻收碟。想再望望有咩食，拿左格離枱既MENU 睇下，又要即刻執返好。仲有拿緊錢準備比$，都未數夠$就已經問你收$。完全唔明點解要咁急😠

評分：🐷🐷🐷🐷🐽（5🐷滿分；🐽半分）出名到冇人有既joyful已經食左超級多次，每個甜品都係50-60蚊，又平又高質既米芝蓮真係碩果僅存！必食❗️綠茶🍵💛太軟 - 外脆內流心，焗得恰到好處，又唔會過甜，超級正👍🏻旁邊既雪糕唔係普通雪糕，而係黏黏韌軔，好似麻薯口感，好上癮🤣另外仲有紫薯心太軟💜都係佢地既signature，紫薯控就岩晒啦～第一次試佢地既冰，絕對唔係藥水味！好綿好滑！配料都好多！有興趣既朋友可以一試啊🤣🤣

食飽轉去第三場食糖水,呢個時間呢兩條街啲甜品店間間都要排隊，就諗住食呢間未食過。可能知道咗佢哋連續三年有米之蓮，對佢哋好有期望，就叫左佢哋招牌三寶。菠蘿拿破崙，菠蘿鮮嫩無渣，甜度清甜。配上雪糕同埋菠蘿塊，拿破崙鬆厚但無味，超輕身cream cheese，比起忌廉好。菠蘿雪山下面菠蘿冰好棉，有啲果肉唔太甜。上面片菠蘿有啲焦糖都唔甜又唔夠脆，成個甜品真係冇一個方向性，帶唔出味。綠茶心太軟個綠茶流心就好好食，好濃郁但又唔會苦澀有冰微甜度中和左。紅豆蓉唔甜夠大粒，綠茶雪糕反而好普通。整體來講米之蓮左但價錢唔算貴，但係冇想像中咁好食,同埋真係啲檯好貼超迫人。廁所勁污糟。

話說𡃁妹又從新加坡返黎見下屋企人同朋友，短留幾日都有熊妹份，熊妹點都擠點時間黎見喇。不過𡃁妹太多飯局，同熊妹只夾到宵夜時段出黎，所以就去食個甜品喇。🍭今次一行就夾埋木子同學同𡃁妹最好朋友茄子同學一齊聚聚喇。𡃁妹去左新加坡發展，熊妹都算變成地頭熊喇，揀左呢間《Joyful Dessert House》食典型西式甜點🍮。都幾多款揀，窩夫，拿破崙，雪芭，心太軟，芭菲，梳夫厘，應有盡有。事不宜遲，各自點自己所愛喇。🍰🎂🍮🍩🥧🍦🍪首當頭炮的係熊妹的紫薯香芋芭菲，$64。熊妹鐘意食雪糕🍦，又鐘意食卜卜脆，芭菲岩哂喇。紫薯味🍠好重，有兩舊芋頭味雪糕，仲有4層cream，層層層次分明，好靚。不過熊妹唔係幾鐘食cream，略嫌cream太多。然後到木子同學的伯爵奶茶奶凍🍮，$52連一球雲尼拿雪糕。熊妹試左一啖，好伯爵茶味喎，不過木子同學嫌奶凍質感實左啲，熊妹就覺得幾好喇。再來的係茄子同學的綠菜心太軟，$64。做得係幾唔錯，綠菜漿湧出黎，連綠茶蛋糕仲有綠茶雪糕食，好綠茶味呀，🍵正正正。最後壓軸的係主角𡃁妹的燒菠蘿雪芭🍧，$56。係新加坡唔係好多呢啲熱帶生果食咩？仲食唔夠咩？其實就真係無咩特別，一碗菠蘿🍍雪

在旺角吃完午餐, 我和朋友在黑布街逛逛, 看看有什麼好吃的甜品。 我朋友經過這間甜品店, 看到它的綠茶心太軟非常吸引, 便說要進去吃一個甜品。 這裏的環境也不錯, 店內有兩位服務員。我們點了一個綠茶心太軟來分享, 另外我亦點了一杯熱柑桔檸檬蜜來喝，取下暖。綠茶心太軟來到的時候, 我聞到陣陣蛋糕的香味, 切下去, 心太軟是流心的, 它的流心度也很高。心太軟的綠茶味很夠甜, 質感不會太乾身, 綠茶漿的綠茶味也挺突出。旁邊亦有一球綠茶雪糕, 不過雪糕的味道不夠心太軟的突出。 我那杯柑桔檸蜜的柑桔味很重, 酸酸甜甜的, 很開胃。

食飽飯，對女士黎講，梗要食個甜品，咁先叫滿足。本來唸住一行4人叫3個甜品夠啦 點知，一menu，過左8點，煩忙時間，要每一個人叫一樣嘢，咁無計 幾想走呀!4個甜品中，呢個真係唔錯，個紫薯窩夫加上紫薯，唔太甜，少許脆，個紫薯雪糕都幾好味，不過texture一般。呢個疏乎里因為酒，剚知有點苦，但佢係唔好味嘅苦囉。個雪糕係最cheap嘅一桶買返黎嘅雲尼拿雪糕。綠茶心太軟係有流心，不過我都做到。個味好普通，咁配紅豆當然絕配啦，係個綠茶雪有綠茶味。 芒果拿破崙，芒果有點酸，拿破崙係幾脆口，但又係雪糕出事。整體黎講，平均一個要五六十蚊嘅甜品，用上最cheap嘅雪糕，令到成個甜品失晒色。

其實都第三次黎joyful食，第一次食朱古力窩夫，外脆內軟不錯。第二次食bailey梳乎厘，我鍾意甜啲既，所以覺得唔夠甜，我覺得酒味幾重。今次黎食米芝蓮肥仔推介既兩款甜品，所以叫左綠茶心太軟同菠蘿雪葩。綠茶心太軟好食，伴碟有藍莓，不過好酸；紅豆就好甜；重有一球雪糕。心太軟蛋糕好食 焗得剛剛好，外脆內軟，好合我心意，入面既軟心好有抹茶味，不過略為甜 會愈食愈漏。我覺得兩個人食一個都得 但店員話繁忙時間一定帳每人一個甜品 所以先叫埋下面既菠蘿雪葩呢個都係好㩒食，上面㩒食因為好漏，菠蘿雪葩㩒食因為太凍 一上碟都幾靚，上面係焦糖燒菠蘿，好食，係新鮮菠蘿 下面係一大碟既雪葩，太多太凍 不過都ok既，唔係必食總結：綠茶心太軟可一戰，fb like同share post可獲贈雪糕，不過麻麻地好食，唔夠味，可以話係差

旺角飯後甜點，隨機入左呢間甜品屋😊好食，香濃既抹茶味，個人最怕啲甜到死既甜品，呢個岩岩好，吾會太甜，外層蛋糕亦好soft😍紫薯窩夫配雪糕。窩夫同樣甜度適中，但外層硬左小小，入面又吾算好鬆軟。冇道錯呢個雪芭係拎左米豬蓮既，而我好鐘意菠蘿味既甜品，正正係雪糕或雪芭呢類。但講真係失望喎，個米豬蓮係點拎架⋯？上面舊燒菠蘿好酸，仲有啲咬吾開，雪芭係極淡菠蘿味，而且佢甘樣擺法係令人食到好麻煩的，總括而言，有得再簡我吾會嗌黎食，bye!*其實仲食左個芭菲，但吾好食囉，好酸，五個人食到一半已經放棄，而且個杯又好高，好難「不」出黎。*總括而言，我覺得呢間甜品屋不過不失，我覺得未去到拎米豬蓮既級數，但勝在佢既甜品吾會甜到過哂火，好適中，岩我口味。如果係要黎食既話，我suggest大家食綠茶心太軟，其他既你地再諗諗啦，但當然仲有好多甜品我冇試既，哈哈😂😜

與友人火鍋過後，自然要找一點甜品，填補一下所謂「第二個胃」。記得上次在旺角吃飯後也來過這裡——JOYFUL，今晚也是選了這裡，作為我們飯後甜品的聚腳點。餐牌與上次來的時候一樣，不過店家也推出了幾道供應期有限的甜點。當中最吸引我的，是這道獲米芝蓮嘉許的甜點——綠茶心太軟。這剛剛出爐的綠茶心太軟甜品充滿朱古力和綠茶的香氣，絕對惹人垂涎，使人精神一振。心太軟焗出來感覺很燙，切下去抹茶醬緩緩流出的時候特別興奮，可見糕餅廚師精準掌握溫度及烘焙的時間。流心的朱古力和綠茶放入口立刻暖入心，朱古力平衡了綠茶的甘澀，令成品清甜帶回甘味，是相當不錯的一道飯後甜品。另外，友人點了的朱古力香蕉拿破崙甜品也都不錯。拿破崙的酥脆度是整個甜品的關鍵。一試之下，果然沒令人失望。那三層酥皮十分鬆脆，夾層中的吉士打醬亦甜度適中，非常幼滑。在眾多甜品的食材中，朱古力和香蕉永遠都是一對好拍檔。夾於酥皮及吉士打內的香蕉剛熟，再淋上少量的朱古力醬，豐富了整個拿破崙的口感及味道。吃完一頓豐富的晚餐後再吃著我的至愛拿破崙，為一天忙碌的生活劃上了一個JOYFUL的句號！下次要再來試試這裡有名的燒菠蘿雪芭！

晚上在旺角球場踢完球, 2個朋友一齊回家的路上, 突然從玻璃門看到一隻米芝蓮放在一家甜品的收銀台上, 在大家的心目中, 米芝蓮所在的食店都是美味的; 於是我們懷著好奇而仰慕之心, 踏進了這家米芝蓮甜品店。打開門, 人山人海, 全場滿座, 等了約1分鐘, 剛好有一台客吃完離開, 到我們了。店長人很和善, 十分主動拿餐單及水給我們。打開餐單便看到我最喜愛的綠茶心太軟, 再掀便是梳乎厘版頁, 圖片精緻吸引, 我就挑選了綠茶心太軟及薑汁梳乎厘, 以安撫踢完球空寂的肚子。綠茶心太軟有咩咁好味? 輕輕挖一小角, 暖暖的綠茶緩緩流出, 再挖大一些, 有如洪水缺堤般沖出, 深綠色的綠茶, 味道清淡紛芳,綠茶味入口相當重, 甜中帶潔, 不會感覺一些膩; 淡淡的外皮混以綠茶, 茲味無窮。再來一份薑汁梳乎厘, 這裏的梳乎厘不太甜, 淡淡的梳乎厘之中, 隱約吃到粒粒薑皮, 薑味濃郁, 久久不散。我們每人都嘗試了心太軟和梳乎厘, 你一口我一口, 友誼萬歲!!

這個甜品店獲得米芝蓮的嘉許，於是特意去嘗試這個鬧市中的奇蹟！但見在場的甜品好像也保持質素，至少賣相都十分吸引。本人十分喜歡吃綠茶的食物因此綠茶心太軟是必食的，另一人則是朱古力拿破崙蛋糕。綠茶中太軟的甜味剛好，適合配上其他熱茶。而朱古力拿破崙不會太甜，是我喜歡的甜度，大概是因為朱古力中間夾著脆脆的夾心！值得一試

今晚攪攪新意思，甜品當晩餐。 見到米芝蓮點名這間小店，一於做少少research看看其openrice食評。綜合眾多意見，似乎大路的是拿破侖酥餅同心太軟。Hubby 的香蕉朱古力拿破侖酥餅：酥餅一層層的疊在一起，中間一層層朱古力忌廉，面層有朱古力醬，一叉下去，個餅酥到全都散哂。酥餅很脆，忌廉明顯不太細密，是大眾貨式，是滑滑的，有忌廉朱古力味，不是dark chocolate 那麼濃郁，但算是不錯。 等了15分鐘，我的綠茶心太軟終於來了！綠茶旦糕脆脆的，一叉下去，熱熱甜甜濃郁的綠茶醬緩緩流出，這個綠茶流心是我食過最出色的，不會太稀，不會像漿糊的，有濃濃綠茶香甜又唔甘；而紅豆也煮到綿綿起沙，十分香軟香甜；可惜綠茶雪糕是經濟貨式，冰狀完全無綠茶味，是唯一敗筆之處。 驚喜的是，他們隨甜品送飲品！真是超值和貼心！芒果汁：由於鮮打無加糖，有D稀，有點酸。 木瓜奶：非常奶滑，足料木瓜味，淡淡天然甜味，讚！ 若非早前食過caprice 同Amber 的甜品，那些presentation 的精確，各項材料的特色和比例，忌廉的幼滑程度同質感層次感等雖然有很大的出入，但

近排旺角黑布街開左好多西式甜品店，每間都各有特色，琴日就去左一間叫JOYFUL DESSERT HOUSE，店舖面積頗細，只有十多張枱，如果坐滿客都幾逼，不過琴日去就只有一枱客，可能係六點幾，並吾係甜品時間。甜品選擇頗多，有waffle、soufflé、心太軟、芝士蛋糕、軟綿綿冰、bread pudding、apple crumble…..我地兩個人叫左三客甜品，綠茶心太軟、apple crumble & 燒菠蘿雪芭首先講左燒菠蘿雪芭 (HK$48)一個字”FRESH”，夏天食真係冇得頂，涷冰冰軟綿綿菠蘿雪芭，甜得來好清新，好解渴，再加上頂頭一片燒新鮮菠蘿，菠蘿經過烘燒後，味道更香更甜。強力推介！！！綠茶心太軟 (HK$58)賣相好靚，好有格調！一個綠茶心太軟＋一個綠茶雪糕，中間再放一堆紅豆，一冷一熱。綠茶心太軟有濃濃綠茶味，吾算太甜，而綠茶雪糕的綠茶味就比較清淡，三樣互相配合得宜，好味！Apple Crumble (HK$48)我最喜愛食Apple Crumble，雖然貌似普通，但要整得好味，實在不易。今次呢個Apple Crumble冇令我失望，賣相同綠茶心太軟一樣，好靚！除左Ap

最近如果想在旺角食甜品，大部份時間都會走到黑布街附近覓食。這次我和寶寶便選擇了還未試過的Joyful Dessert House。晚飯後差不多十點，店內幾乎滿座。店內座位有點迫夾。Menu內的選擇和價錢基本上與附近同類型的甜品店差不多。寶寶點了藍莓拿破崙，而我則選擇了綠茶心太軟。甜品的賣相都很吸引。藍莓拿破崙Custard做得很乾淨，而且很帶有香甜的蛋黃味。不過質地有點厚身和實，所以並不能好好黏在拿破崙脆餅上。而拿破崙脆餅則有點太乾。綠茶心太軟賣相亦同樣吸引，除了人太軟外還有一球綠茶雪糕和煮過的甜紅豆。用叉打開綠茶心太軟，內裏的綠茶醬便徐徐流出來。心太軟做得很漂亮，味道香濃。裡面的醬實在太多了，不過由於味道偏濃而且不太甜，所以食落不至於太油膩。由於心太軟內的綠茶味實在太香濃了，相對來說綠茶雪糕就變得比較淡。另外寶寶還點了一杯菠蘿賓治，清新的菠蘿加上7-up的甜味，很適合在夏天飲用， 解渴非常。Joyful Dessert House還有送雪糕球的優惠，不過這次我們都已經吃得很飽了，用不上這個優惠。