古今二 (觀塘工業中心)

營業中

休息中

今日收工同同事去咗觀塘嘅「古今二」食飯，之前去過其他分店，知道餐廳有好多特色卷物，今次決定再試一試。我哋嗌咗龍卷風沙律、三文魚牛油果卷、蜘蛛、野菜天婦羅同埼玉網燒牛舌。沙律入面有蔬菜、海藻、蟹柳、蟹籽同脆片，份量好大碗，啱晒幾個人分享一齊食，蟹柳有少少辣味，撈埋沙律菜一齊食好開胃；三文魚牛油果卷食落去普普通通；蜘蛛係其中一款特色卷物，入面有炸軟殼蟹、青瓜、牛油果同蟹柳，賣相幾特別，幾款材料捲埋一齊食充滿口感；野菜天婦羅有茄子、金菇、冬菇同一口番薯，味道清淡但食到食材嘅鮮味，經天婦羅炸過之後，入面嘅食材仍然保持到水份；牛舌係偏厚身，唔會燒到好乾身，咬落去係滿滿嘅肉汁同油分，配埋個重麻油同醋味嘅汁，食落去非常香口。仲有其他地方嘅分店，下次有機會再試吓去其他特色卷物！📍觀塘觀塘道436-446號觀塘工業中心4期1樓B室位置就腳：🍊🍊🍊🍊🍊餐廳環境：🍊🍊🍊🍊🍊食物味道：🍊🍊🍊🍊整體CP值：🍊🍊🍊🍊🍊

星期五晚上，由於無預先book枱，所以8點左右去到等walk-in位都要等到接近9點先有位！所以如果可以，記得預早打去book枱！網燒牛舌 $78好有驚喜嘅一碟燒牛舌！雖然$78只有4片係略嫌有少少貴，但呢份牛舌勝在比想像中大片！而且切得有少少厚度，口感彈牙夠juicy！日本溫室南瓜沙律 $69碟雖細，但份量十足！日本南瓜連皮食一樣好味！沙律仲撈埋預先處理過嘅生洋蔥，令本來唔喜歡洋蔥，怕洋蔥生味嘅我都夠膽放入口！加上用咗蛋黃醬，成個沙律一望就知會好好味！超級龍卷風 $88餐廳最出名就係卷物！呢款有鰻魚，海老同芝士！呢個配搭一完穩陣！可惜係壽司飯略嫌過濕，令卷物無錦上添花嘅感覺！蜘蛛 $96呢款有炸軟殼蟹，青瓜，牛油果同蟹柳！同樣係穩陣又好味嘅配搭！不過就係飯太濕，令整個卷物太黏身！昭和豆腐煎 $58見好多枱有叫，我哋都跟住試叫一份！好喜歡豆腐外層嘅脆皮！雖然加醬汁後會無咁脆，個脆皮本身係帶少少黏身，脆皮炸漿係嗰種蚵仔煎嘅口感！加上豆腐本身又好滑，所以呢份煎豆腐都好特別！整體而言，最出色係燒牛舌！個人認為係必食！而卷物都同樣出色，款式夠多，但唔算好抵食，每款都接近$100！(滿分為🤤x5

身邊好多朋友都推介呢間觀塘嘅居酒屋，好食之餘分量又多，好適合約班朋友嚟聚會😋網燒牛舌 $58入口Juicy而且油脂味香，質感好容易就可以咬開。更配有醋嘅醬汁，令到牛舌更出色自家玉子燒$48俾佢賣相吸引，望落就好似一塊Pizza咁😛入口充滿蛋香，微甜既玉子燒配上類似大阪燒醬料，充滿日本風情🥰忘不了您 $88一款包含炸牛肉、芝士同埋芒果嘅卷物，佢喺飯上面平均混合咗黑白芝麻，一入口感受到芒果嘅鮮滑口感，在配搭埋上面嘅芥末醬，感覺清新又刺激，而最入面嘅就係炸牛肉，識落香口而且脆脆地嘅質感增加口感。值得一讚嘅係佢嘅份量幾多，同埋芥末醬同芒果意外地夾，食落去幾有驚喜🤩辣妹$95一款包含辣味吞拿魚、炸蝦同埋芝士嘅卷物，壽司上面有滿滿嘅吞拿魚蓉，加入左脆脆同埋蟹籽增加口感，真係幾正日式炒烏冬$78超足料嘅炒烏冬，入面加入咗好多配料！除咗三色椒、椰菜、芽菜增加嚼勁，仲有惹味腩肉粒令烏冬更香口！另外份量真係好多，食落好滿足，加上面頭灑上滿滿既木魚碎，睇落日式感up😛龍卷風沙律$72又係一道比到我驚喜嘅菜，一道沙律但係面頭嘅蟹柳絲同埋蟹籽比菜更多😳會唔會太犯規🥰 當我以為就咁就完嘅時候，一夾落去又有另一個驚

𝙞 𝙡𝙞𝙠𝙚 𝙩𝙤 𝙧𝙤𝙡𝙡 𝙞𝙩 𝙧𝙤𝙡𝙡 𝙞𝙩💃🏼 𝙬𝙝𝙤 𝙚𝙡𝙨𝙚 𝙡𝙤𝙫𝙚 𝙨𝙪𝙨𝙝𝙞 𝙧𝙤𝙡𝙡𝙨?🙌🏽 𝙞𝙛 𝙮𝙤𝙪 𝙝𝙖𝙫𝙚𝙣'𝙩 𝙗𝙚𝙚𝙣 𝙩𝙤 @kokon1010 𝙮𝙚𝙩 𝙮𝙤𝙪'𝙧𝙚 𝙢𝙞𝙨𝙨𝙞𝙣𝙜 𝙤𝙪𝙩 𝙖 𝙡𝙤𝙩! 𝙣𝙤𝙩 𝙤𝙣𝙡𝙮 𝙙𝙤 𝙩𝙝𝙚𝙞𝙧 𝙨𝙪𝙨𝙝𝙞 𝙧𝙤𝙡𝙡𝙨 𝙩𝙖𝙨𝙩𝙚 𝙞𝙣𝙘𝙧𝙚𝙙𝙞𝙗𝙡𝙚, 𝙗𝙪𝙩 𝙖𝙡𝙨𝙤 𝙩𝙝𝙚 𝙨𝙠𝙚𝙬𝙚𝙧𝙨😋.成日都突然癮起想食鬼佬壽司roll，古今都食咗幾年水準都一直keep到，觀塘分店都算近地鐵站，壽司薄餅其實就係將壽司飯整做餅底再炸，上面嘅三文魚粒再加埋沙律醬同薯片碎真係冇得輸，黎到又撕點可以唔食壽司卷，黑龍卷將牛油果同鰻魚卷住芝士同炸蟹柳夠晒豐富！另外龍捲風沙律估唔到70幾蚊係大大兜，仲有海量中華沙律同埋蟹柳絲勁滿足🤤 另外網燒牛舌驚喜地好食，燒得岩岩好仲有肉汁同油脂味好出，個醬有啲沙薑味同牛舌幾夾！整體來講抵食又好食～

工業區搵食，很多時會有驚喜，今日就俾我搵到性價比很高的日式小店料理。首先來的是日本溫室南瓜沙律，分量超多，日本南瓜蒸熟一半壓爛一半切粒，增添口感，伴上沙律醬，軟綿香滑，再配上杏仁片、小蕃茄和蟹子，增添鮮味。金龍卷拼富士山，金龍卷用了豐富，壽司飯包裹醬芝士和炸蝦，卷物鋪上三文魚，味道濃郁。富士山下是卷物砌成，上面鋪上青瓜、牛油果、蟹柳、帶子，材料豐富，而且堆成一座小山，賣相特別。三文魚頭湯鍋，湯底鮮甜，有豆腐、甘筍、黃芽白，最喜歡的就是他的三文魚頭不經油炸，所以湯底不油膩，喝起來清爽味濃，個人很喜歡。原條茄子燒，一上枱香氣撲鼻，櫻花蝦醬汁超鮮甜嘢味，茄子也燒得腍滑，值得讚👍🏻網燒牛舌，牛舌油脂豐富，網燒後，油脂和脆彈的口感令人齒頰留香。

古今二 (官塘工業中心)觀塘觀塘道436-446號官塘工業中心4期1樓B室冇幾耐之前係ig見到呢一間卷物非常精美，決定拉埋附近返工嘅朋友仔一齊嚟試吓先，見到呢間餐廳係觀塘都好hit，去到見到真係好多客，好彩我我地有book位！Menu見到選擇好多，亦有10幾款自創卷物俾我哋揀，由於我哋好肚餓，所以好快就揀好咗，另外亦都點左幾款小食龍捲風沙律🥗（$68）一入到黎見到隔離枱都嗌左一份龍捲風沙律，好靚好啱打卡所以我哋都叫咗一份，入邊有蟹柳，中華沙律，脆片，蟹籽同生菜，再撈埋千島醬食真係超開胃辣妹🌶（$95）我哋第一款點嘅卷物就係辣妹，面頭有一大匙辣味吞拿魚蓉，入邊有吉列蝦同埋cream cheese，吞拿魚蓉好新鮮，面頭鋪滿脆片碎，加埋入邊軟滑嘅芝士，令到口感昇華三文魚壽司薄餅🍕($88)面頭鋪滿大量沙律三文魚碎，非常肥美，薄餅就係炸好咗嘅飯餅，喺面頭再加左蟹子同埋日式照燒汁，脆卜卜好香口，同朋友都不停爭住食網燒牛舌🥩($58)牛舌每塊都好大片同埋厚肉，另外會配咗酸酸哋嘅汁俾我哋沾，牛舌用咗鹽燒，好多汁juicy！我哋認為唔洗沾汁已經好夠味豚肉蘆筍🍢($29)除咗牛舌，燒物我哋仲叫左串豚肉蘆

👧🏻Wodafoodie in Kwun Tong古今實在有太多特色卷物同創意料理，每次黎都食到新野，今次再訪繼續驚喜不斷🥰✨🍕壽司薄餅 （蟹柳） 🦀 $88完全無諗過壽司都可以整成pizza😍壽司飯壓成餅底，炸成香脆金黃，上面加上蟹柳沙律，仲有少少薯片碎，成件「pizza 」食到軟滑既蟹柳同脆口既壽司同薯片，口感豐富，估唔到呢個創意料理都幾好食😆✨🍣超級龍卷風 （芝士/青瓜/炸蝦/鰻魚/脆片）$88超大件卷物，入面包左四種餡料超飽滿，上面仲有海量薯片碎，炸蝦同芝士味道最出，因為上面淋左燒汁所以唔點豉油都已經好夠味😋✨🍛三文魚炒飯 $78比想像中份量大，飯量好足，三文魚碎好多，最重要係唔重油膩感，食得好放心，好飽肚☺️✨🐮網燒牛舌👅 $58再次encore牛舌，入口焦香，齒頰留香🥰💯✨🍆櫻花蝦茄子燒 （原條）$48新菜式，茄子外皮燒得好香但不焦，茄肉嫩滑多汁，醬汁好惹味！連櫻花蝦一齊食更有另一番滋味😋✨冰鎮秋葵 $38健康的秋葵，冰涼爽口又多汁。📍 古今二 (官塘工業中心) (觀塘)觀塘觀塘道436-446號官塘工業中心4期1樓B室

星期二晚上放工順便吃過晚飯才回家， 突然想食日本菜🥢， 就到古今二位於觀塘工業中心。 估唔到現在平日都坐滿客人😲， 我喜歡這裏的卷物🌯， 每次來到必食🤩。 兩個人點了龍捲風沙律$68、 網燒牛舌$58、 椒鹽雞腎$38、 波士頓卷$55、 蜘蛛$88、富士山$88。✏️龍捲風沙律🥗～ 有蟹柳、蟹子、中華沙律、沙律菜和脆片， 配上甜甜酸酸的沙律醬， 清新又醒胃。✏️網燒牛舌👅～香噴噴的網燒， 牛舌口感彈牙，味道香濃。✏️椒鹽雞腎🧆～ 香口惹味的雞腎，爽脆好味。✏️富士山🌯～ 卷物裏面有牛油果和鰻魚，配蟹柳和脆片， 多層口感，幾特別。✏️蜘蛛🌯～ 軟殼蟹卷， 香脆好味的軟殼蟹， 賣相都幾靚。✏️波士頓卷🌯～ 材料有蟹柳和生菜，入口清新。每次到古今二必吃卷物， 款式多又好味， 值得一試。😋

👧🏻Wodafoodie in Kwun Tong朋友鍾意食壽司 所以特登帶佢黎食呢間新派日本餐廳 主打特色創意卷物🍣 估唔到慶祝生日除左食蛋糕、甜品，仲可以食壽司！🤩🥳😍店員知道我想幫朋友慶祝生日，所以上卷物個陣幫我寫左Happy Birthday💕擺盤好靚😍 好驚喜呀好有心思呀！😚🥰😍✨紅龍卷 (吞拿魚芝士炸蝦) 🦐 $105主打卷物果然賣相好靚！😍表面用紅色既吞拿魚去營造龍既效果，似模似樣😆吞拿魚都幾厚，炸蝦依然有天婦羅香脆既口感，加埋軟滑既吞拿魚口感好豐富😋✨黑龍卷 (芝士鰻魚炸蟹柳牛油果) 🦀 $95相比紅龍卷，黑龍因為有鰻魚加芝士呢個無敵組合，個味勁夾勁好食🥰🥰！炸蟹柳原來口感都勁似炸蝦，一樣咁脆卜卜😋 卷物全部都一口大小，細細件，原來都好飽肚！✨古今日式餃子🥟 $40餃子煎得金黃香脆，內裡肉饀多汁😙✨網燒牛舌🐮 $48識食一定食燒牛舌，牛舌大塊又夠厚，爽脆又好食！😋✨龍卷風沙律🥗 $68超大盤沙律唔怪得改呢個名😱🤣有生菜、蟹柳、蟹籽、中華沙律、蕃茄仔，都幾新鮮，撈埋沙律醬超正🙊😋超滿意呢到既卷物，真係又靚又好食呀～😍📍 古今二 (官塘工業中心) (觀塘)觀塘觀塘道436-

月前和太太在荃灣試過主打特式卷物的古今二後，覺很不錯想再光顧。這次換成太太接我收工，來到觀塘她們的第一間舖，沒想到人比想像中的多，等了30分鐘才能入座位置：設於官塘工業中心四期一樓。大廈正好在觀塘港鐵站D4出口，交通便利。進入大廈後只需用右手邊的樓梯上一層樓，再轉彎便可到達，絕對不是「隱世」環境：餐廳裝修簡約，用上灰色牆身配木製枱櫈，整體感覺有點暗，而且周圍食客坐得很近，比較嘈吵，但亦因此很多客人都能盡情談天，食完也不願離開服務：由於店內顧客有點多而人手略為不足，比較難找到侍應幫忙，但侍應亦不時主動加茶，而上菜亦算快，服務中規中矩食物：跟荃灣店一樣，餐廳同樣注重食物外觀及擺碟，喜歡把幾款食物整齊排列在同一碟上煙三文魚沙律（$75）由於上次試過龍卷風沙律，對她們的沙律很有興趣這次選了煙三文魚沙律，同樣很大盤，內有大量的沙律菜、幾大片的煙三文魚、三文魚籽、蟹子及車厘茄，混入千島醬，沙律本身清甜加上香濃的煙三文魚，味道豐富滿足古今日式餃子（$40）日式餃子皮薄饀足，煎得香又不算油膩，醬汁不會鹹，味道剛好蜘蛛（$85）其實是軟殼蟹紫菜卷，配上青瓜、蟹柳及牛油果。軟殼蟹炸的香脆，加上青瓜、鮮甜的

如果唔係之前黎過，真係唔知呢度居然有一間隱身觀塘工廈既日式餐廳，主打特色創意卷物！入面同外面反差極大，入面裝修非常日式，入到去感覺別有洞天。不過除左創意卷物，呢度都有供應刺身，壽司，沙律，小食，燒物，天婦羅，飯等。創意卷物就必點架啦。另外叫左一份沙律，兩款燒物同一個鍋，試下新野先。麵豉湯一坐低就每人有一碗麵豉湯，湯夠濃夠咸，入面有腐皮仔，昆布同蔥花。龍卷風沙律 $68龍卷風沙律成座山咁，主要係新鮮生菜塊，加入脆脆海藻，蟹柳絲，蟹籽，甜蛋碎，撈埋沙律醬同佢地既招牌鰻魚汁，仲有唔少脆片碎增強口感。味道幾濃，主要係蟹柳同海藻味，仲有少少辣。金龍卷 & 蜘蛛叫左兩款創意卷物，同一碟一齊上，擺盆精緻。蜘蛛 $85蜘蛛原來係紫菜卷包住炸軟殼蟹，蟹柳，牛油果同青瓜絲。一客五件，三件身兩件蜘蛛尾，賣相唔錯，特別係條尾。炸軟殼蟹仲好香脆，加埋青瓜同牛油果食可減膩。金龍卷 $88金龍卷一客八件，分開兩條短金龍放係碟既兩邊，原來係卷包住炸蝦加d cream cheese，上面舖上一塊厚厚地既三文魚刺身，再加少少沙律醬。炸蝦皮好脆，我好鍾意cream cheese既清新味同creamy質感，加埋新鮮肥美既三文

週六帶媽媽去食日本野，就腳去番本區工廠大廈食最好不過。該店早有聽聞卷物出名，今次一試果真係堅。日式麻醬豆腐沙律 $75大大碗份量十足，新鮮生菜和嫩滑豆腐，配上美味的麻醬當然好食。青龍卷 $98有入口即溶的牛油果蓋面，飯裡有鰻魚和蟹柳，配搭得宜味道清甜，簡單好味。蜘蛛 $85特別的名字熟悉的餡料，青瓜、牛油果、蟹柳、炸軟殼蟹皆見，口感爽脆味道清甜不油膩。黑豚荔枝卷串燒 $38薄薄的豚肉捲住荔枝燒，清甜美味，唔錯。網燒牛舌 $48薄薄的牛舌有六大塊，口感爽彈肉質鬆軟，味道甘香，蘸埋醬汁酸酸地好好食，值得推介。三文魚頭湯鍋 $88見到咁大鍋真大鑊，一鍋夠晒兩人份量，十分足料，鍋裡有手掌咁大的三文魚頭，湯底奶白色味道鮮甜，甜味來自大量紅蘿蔔和娃娃菜，要ＫＯ整鍋不易。

今次又去到觀塘工廈搵食。觀塘工廈真係有好多好野食。龍卷風沙律。沙律菜好新鮮爽口。有好多蟹柳絲。下面仲收埋左中華沙律。味道出奇地夾。仲加左蟹籽同薯卡碎增加口感。鹽燒活鰻。網燒牛舌。活鰻好厚肉。食落好爽口彈牙。皮燒得好脆口。睇得出燒功一流。牛舌係薄燒。質感綿軟。辣妹。炸蝦芝士卷上面仲放左辣味吞拿魚。個炸蝦超脆口。連條尾個殼都食得。材料配搭上互相補足味道和諧。蟹膏帶子炒飯。炒飯香口食到微微蟹膏香味。仲見到好多帶子粒。估唔到日式店都可以炒到咁有鑊氣。

朋友星期日要OT，我去到他工作的的地方到等。等呀等，終於等到他，我倆已經非常肚餓，所以打算就在附近找間餐廳食飯。朋友說，既然如此，那就不如去同棟大廈的餐廳吧。原來，在官塘工業中心4期1樓中，有一間日本餐廳—古今二，非常方便。朋友收六點，去到古今二已經見到有不少食客。幸好，我們仍算早，其他食客都是要預早訂座，如果再遲多少少就要在門外等等了。古今二有着不同日式食品，看着餐牌其實都花多眼亂。我們最後決定點些壽司、燒物和一份熱食。↭ 1. 活赤貝刺身相比急凍赤貝肉，活赤貝外表呈橙紅色光澤，比起一般的赤貝肉，這裡的活赤貝刺身食落肉質更爽厚、味道更鮮甜。加上，活赤貝的底下有一片檸檬，在赤貝的海鮮味當中，添加點檸檬味以中和一下，更易入口。↭ 2. 紅龍卷紅龍卷這個霸氣名字，其實是芝士、炸蝦和吞拿魚的卷物。紅龍卷的擺設具有心思，頭尾的卷物都能看得出是蝦頭和蝦尾，就像一條「龍」一樣。卷物中的炸蝦，頂層鋪着吞拿魚，食落的感覺就是先食到吞拿魚的滑香味，再咬第二口時就食到中間的炸蝦，層次分明。另外，卷物的大小做得恰到好處，可以一口放進口內，不會分開兩次咬而令到卷物散碎。↭ 3. 火炙左口魚裙邊壽司難得古今二有