爆汗串串 (已結業)

香港人工作壓力大，所以偶爾吃一次辣有助舒緩壓力。說起川菜，一般人都只想起麻辣火鍋，所以今天特地與嗜辣之人試試這家串串。串串的食材和味道都與麻辣火鍋很相似。不過食材被串起後，一口一串，非常方便。加上不用自己烹調，廚師能將每款食材煮得恰到好處，在炎熱的夏季，串串是火鍋最好的替代品！看見鮮豔的黃色招牌便知道可以準備紙巾抹汗了一次性圍裙(⭐️⭐️⭐️⭐️⭐️)餐廳非常細心準備了圍裙，非常有效避免醬汁弄污衣服，店員亦會主動提醒穿淺色衣服的顧客使用，非常貼心！放題菜單選擇豐富，黃金時段還包括任食小食。爆汗前做足準備！鐘水餃(⭐️⭐️⭐️⭐️💢)下單5分鐘第一個小吃便已經送到，熱辣辣皮薄多汁的水餃配上麻辣醬汁。5小隻剛好成為開胃小吃棒棒雞(⭐️⭐️⭐️💢💢)緊隨其後便是另一個前菜。棒棒雞有點像麻醬手撕雞，味道不錯，但相對其他食物普通一點。成都串串(⭐️⭐️⭐️⭐️⭐️)店員會在下單後細心詢問能接受的辣度，以符合客人口味。份量十足的串串甫一上桌便散發出陣陣香氣。特別推介萵筍、蓮藕、鴨舌和腐皮。他們吸收了麻辣湯底的味道後，絕對令你一串接一串。當中比較特別的就是成都小香腸。味道有點像臘腸，但小小一條，配麻辣一流。缸缸火鍋粉(⭐️⭐️⭐️⭐️💢)吃

以前係澳洲既時候，第一次知道有串串香呢樣野食，果時係澳洲試過覺得好得意，一串串細細串咁食，香港果時仲未有，但香港呢個美食之都當然好快都有串串香打入市場，第一次係香港食就揀左呢間不少好評既「爆汗串串」，估唔到成都既串串都有放題食，有菜有肉，超過35款選擇，仲有冰粉、麻辣/蕃茄牛肉麵、棒棒雞等等都係任食，今晚要刺激下腸胃！環境店舖細細間，座位不多，位與位之間較逼，屬小店形式經營，不過衛生無問題，好企理乾淨，店員招呼亦不錯。提供圍裙麻辣串串放題 $128起 (需加一)如果食19:30-21:30果場黃金時段就包埋小食任食，否則加$30飲品任飲，加$20任食5款小食。任食成都串串、冰粉唔指明就默認中辣，湯底係用來自成都既香料，例如紅花椒、草果、印度椒等十二種配料，仲加入豬骨、雞骨熬製五小時，再加成都秘製辣椒油，呈深紅色。選擇頗多，必食回本既有牛肉、牛根丸、雞柳、雞腎、五花肉、魷魚、煙肉金茹等等，牛肉頗腍，似打邊爐果種嫰牛肉，五花肉大大塊，牛根丸、花枝丸都好好咬口。而菜類我就會揀索汁既西蘭花、豆卜、娃娃菜等，對食得辣既我嚟講中辣都唔算好辣，但有麻味，可以頂下辣癮。冰粉好滑溜，加左米酒同埋有類似梅

之前返大陸試過串串香就一試難忘，而家竟然比我發現香港都有得食串串香，即刻同朋友去試試。去到果日好好彩，最後果2個位都比我地坐左，我聽到之後入黎既顧客要等到9點半先有位。第一時間就揀左蓮藕、黑木耳、白蘿蔔呢d必點既串串，容易索到d辣汁。蓮藕同黑木耳咬落夠爽脆，白蘿蔔夠淋又無渣。串串辣就好夠辣，但如果有麻既感覺會更好。除左串串之外，仲有其他小食同湯麵，所以唔驚淨係得串串食會唔飽。蒜泥青瓜 - 微辣，蒜味比較重。招牌牛肉麵 - 怕樣樣都食辣會頂唔順，所以揀左豬骨湯中和下。味道好有返大路食d小拉麵既感覺，牛肉都算多算大舊。缸缸火鍋粉 - 好辣，基本上每食幾啖就要飲水，但飲完依然係覺得好辣，可能呢d先係正宗既火鍋粉。由於太辣既關係，忍唔住要叫返碗成都老冰粉解下辣。食落係有種透心涼既感覺，同埋真係好解到辣。另外店家好貼心咁準備埋圍裙比大家。

爆汗串串位於旺角廣華街，地點好方便，店內環境明亮乾淨，令人食得安心放心。餐牌選擇雖然不多，但樣樣都精闢到家，有成都出名的串串香、多款粉麵類（有辣有唔辣）和爆汗小菜等等。食辣之前非叫罐可樂不可。口水雞集麻辣鮮香爽嫩在一身，美味的小菜。我們叫了成都串串香15串，可以揀5款食材，每款有3串。麻辣湯頭麻麻辣辣好有層次，串串香醮上麻辣湯頭，實在過癮。牛肉味濃、千層肚入味之選、成都小香腸爽脆、牛筋丸彈牙、鴨舌滷得入味，串串香實在是鎮店之選。缸缸火鍋粉小辣，火鍋粉煙韌入味，配上有層次的麻辣湯底，又抵食又好味。蕃茄牛肉麵豬骨湯底，在食辣的地方食唔辣的東西也同樣不錯，湯頭豬骨味濃郁配上酸酸咪咪的蕃茄，好開胃，牛肉爽脆而且醃得入味，不辣之選。