Munch Now (已結業)

今日星期六去咗荃灣千色店行街， 朋友話附近有間西餐廳都唔錯，食物好多選擇 ，所以就過嚟試下! 星期六都有 lunch setLunch set 包餐湯飲品，餐湯係羅宋湯，入面好多料有紅蘿蔔、 蕃茄 、洋蔥， 濃濃嘅蕃茄味，正........我叫咗個軟殼蟹番茄醬意粉，軟殼蟹炸得好香脆，不過略嫌少咗啲，如果軟殼蟹的份量多啲，一定畀滿分😉朋友叫咗個朧脷柳忌廉蘑菇汁， 配沙律。我試咗少少朧脷柳，煎得好甘香，肉質又唔會散，忌廉蘑菇汁好creamy，唔錯 !不過沙律都係一般貨色。結尾，梗係要飲杯凍檸茶啦! 呢度食物唔錯，仲有lunch set，下次去開荃灣， 試埋個dinner先

前日(6-5-2017 Sat)晏晝,同老公食o野,終於記得再o黎呢間,今次老公要$49.00o既西班牙豬腩肉湯拉麵,但侍應話呢個冇晒,其它日式湯麵都有,咁佢就改要日本黑豚肉湯拉麵,加$5.00轉地獄湯底.我要$69.00o既黑椒咸豬手配意粉,加$8.00要凍檸水少甜.好快, 少甜 凍檸水到o黎,果然做到少甜,冇甩拖.之後我o既餐湯到o黎,係冇得揀o既羅宋湯,同舊年第一次o黎食一樣咁多料,亦同樣咁好味.(o個個食評:https://www.openrice.com/zh/hongkong/review/%E4%B8%8D%E6%AC%BA%E5%9F%B8-e2597839 )味道: 5分5分鐘後,老公o既地獄湯底日本黑豚肉湯拉麵到o黎,由於辣,所以我唔敢食,但老公將一片黑豚肉用水沖走辣湯俾我食,話好好食.咁我食啦,好彈牙,重以為係豬頸肉,又係好味.味道: 5分幾分鐘後,我o既黑椒咸豬手配意粉到o黎,黑椒唔算太辣,豬手亦唔算鹹,但好似煮唔夠,唔係入口即化,重有啲咬口.意粉冇煮過腍,o岩o岩好.味道: 4分環境:今次坐o既位對正風口,好凍,所以o係未叫o野食前調位.服務:落完單上菜時,隨

尋日(4-6-2016 Sat)晏晝同老公食個晏至買o野,我o地邊行邊諗,我知道呢o度開o左間食店,於是行o黎試吓.我o地o黎到等一陣話兩位,佢o地俾近門口o既位,冇辨法,已經冇乜位,我o地睇完menu,決定要:1. $69.00o既香草忌廉大蝦天使麵呢個原來有湯,係羅宋湯,顏色好紅,撈起睇,材料豐富,除o左常見o既雜菜外,重有牛肉 ,老公先飲一啖,即讚好飲.我都飲,酸甜度好o岩我o地,而且夠味,件牛肉又鮮嫩,好味. 味道: 5分等o左6分鐘,香草忌廉大蝦天使麵到o黎,大蝦有三隻,味道鮮甜,天使麵爽,蘑菇靚,味道濃,香草味亦濃,成個麵都熱騰騰,而且份量都唔少. 味道: 5分2. $49.00o既美國肩脊肥牛湯拉麵再等5分鐘,老公o既美國肩脊肥牛湯拉麵到o黎,menu上寫明所有拉麵湯底有配菜:海苔,金菇同溫泉蛋,呢個端甘o黎都嗅到香味,食落,拉麵冇蛋香,牛肉都算幾靚,不過始終都係天使麵好食啲.味道: 4分環境:唔差,只係住近門口位會熱啲.抵食係2.7分其他:全日免收加一服務費.