影片
港鐵荃灣站 B1 出口, 步行約5分鐘
繼續閱讀
營業時間
星期一至日
11:00 - 22:30
以上資料只供參考, 請與餐廳確認詳情
平時都好少經過呢個位，今次喺附近就試下～幾肚餓嘅關係所以兩個人叫咗三個Set香煎美國牛小排$179揀咗五成熟配黑椒汁份量真係幾多，雖然冇咩牛味但係唔會話好硬，都算係ok 香煎紐西蘭羊扒$162 賣相大大碟，羊架有三件， 唔太蘇！ 上面兩個lunch set都跟意粉同湯 意粉係另外用碗上的，湯就冇得揀嘅 嗰日係忌廉湯，正常水準 另外我哋仲叫咗一個tea set炸物拼盤$52拼盤有雞球，手指魚，洋蔥同薯條感覺有啲厚粉連埋加一$432蚊都算抵食
繼續閱讀
因為想食牛扒所以入咗呢一間餐廳星期六下晝四點嚟🥴佢有下午茶 但係下午茶真係小食所以嗌左午餐 埋單連加一約$120牛扒算做得唔錯👍🏻配菜都10分有心機但係意粉分開上 感覺上比較古怪 好似一個小朋友食意粉咁🙄🙄🙄可惜呢個價錢來講衛生做得麻麻坐低咗聞到張枱有一陣味估計係清潔枱嗰塊布唔乾淨😞😞成陣up味算啦費事做西客之後再聞下佢俾人客飲水嘅杯又係一陣味搞到我唔敢嗌嘢飲😂😂😂😂（其實可能碗碟都有味 但食物嘅味道可以蓋住）牛扒我要七成熟 算做得林冇血水出如果衛生做好d就好坐係kitchen附近清潔女工拎住個污糟盤行黎行去⋯仲拎到比我坐低左既人頭高感覺污糟水會好易飛落個頭/野食度
繼續閱讀
同男朋友行完山搭車去荃灣望到呢間餐廳，睇落坐得幾舒服就入左去食晚餐啦，叫左個2人餐幾抵食$279加1，有2個主菜，一個前菜仲有餐飲同湯餐包跟。1.黑松露忌廉湯 好飲但係唔算特別2.煙三文魚沙律菜好新鮮好食既3.牛柳最驚喜 雖然佢好細舊但肉味好濃同埋叫3成佢俾到5成我 不過價錢平 我認為性價比算高👍🏾4.海鮮pasta食落有d辣 不過係好食既香辣 個人覺得呢個價錢食到以上既晚餐性價比屬高正常食量2個人岩岩好，不過如果大食可能就唔夠食啦🤪
繼續閱讀
以前成日幫襯呢間餐廳，但今日之後唔會再幫襯我7:39pm 落單，幫襯5個外賣自取餐，俾錢嗰時侍應姐姐已經同我講明要等25-30分鐘，我都話OK冇問題。我企出門外等廢事阻住人哋做生意。等嘅期間，我喺門外都見到侍應望到我都行咗入廚房幾次，我估係幫我追餐。等咗未夠半個鐘，侍應姐姐走出嚟話未咁快得，叫我入去坐陣，咁我見餐廳都係半滿，所以就入去坐住等。等夠45分鐘，我再追侍應姐姐，侍應姐姐就話再幫我追廚房。我見侍應姐姐行咗去廚房啲邊又冇出嚟同我講返，我就行去廚房嗰邊望下，見到侍應姐姐面有難色，然後佢行返過嚟同我交代。佢表示佢喺我哋等嘅45分鐘入面，不停入去廚房追+求廚房出餐，但廚房最後表示「唔會出俾你哋。」冇其他原因交代過。我就係到白白等咗45分鐘超過，想搵老細出嚟交代清楚件事，原來廚師就係細股東，怪唔之得可以咁大官威。總結就係呢間餐廳老細（之一）極度不負責任，如果係因為忙而做唔切，係咪應該由一開始就cut我單話做唔到？而唔係要客人等咗45分鐘超過之後，原來由頭到尾冇整過我啲餐，然後原因都冇一句話「唔會出」就算？PS. 成件事唔關侍應姐姐嘅事。
繼續閱讀
今日又係荃灣呢頭做野，見番呢間餐廳，之前食過佢兩次都係下午茶。今日就試試佢既晚餐，單點左塊西冷牛扒，5成熟。雖然肉質有d韌但外皮帶點香烤既味道都幾好，反而佢既配菜茄子，又真係幾好味。整體真係不過不失。
繼續閱讀