Bold Italic (已結業)

最近，觀塘不停開好多西餐廳，而且仲要係工廈入面。雖然感覺有啲怪怪，不過都走去試下。今日，去試下呢間餐廳，裝修都比較有格調，呢間餐廳老闆都幾著重裝修佈置！好，講返野食！我地叫左個主菜，另加左$35 要埋沙律、湯、麵包同飲品。個粟米湯最正，因為係好creamy個隻，不過麵包就凍冰冰，如果熱上會好啲！主菜叫左芝士雞扒，個芝士汁都幾好食，雞都幾滑，唔錯！朋友就叫左個羊架配薯蓉，味道OK，不過又係有野食唔熱既問題，薯蓉凍既！最後見隔離枱點甜品好似好正禁，就忍唔住叫左個Brownie share! 哈哈，最好食係呢個！其實，服務都唔錯既，小店黎講都叫合格以上架啦！

今個星期想靜靜地食個晚飯，就搵到觀塘依間餐廳。去到門口見到塊黑板既設計都有心思再貼住張menu感覺特別，侍應好主動行過嚟問我幾多位再安排比我坐，有禮貌之餘，仲好細心比支水我地。今日同男朋友就試左個羊架同凍肉腸香辣茄汁意粉，我地怕太飽所以只係加左一個combo set渣，不過上菜既時候賣相都好靚！先講沙律，問過老闆原來沙律汁係佢地廚師調配既，酸酸地真係好好味，而且菜好新鮮，到個粟米湯好creamy好足料，唔似出面既湯得個咸字，到個香草包都幾特別，雖然陣味未必個個接受到，但係上面溶左既芝士好正，到個主菜，羊架係香煎既所以好香口好大件，食到我地想再嗌羊架，可惜無咁大個肚。個凍肉腸意粉都唔差，好濃既茄汁味，色香味都齊哂，不過可能唔配凍肉腸配其他可能仲吸引！最後我地叫左一個窩夫一件檸檬芝士蛋糕，雖然窩夫有cream有士多啤利，但我同男朋友都係鐘意件蛋糕多啲，因為唔太甜又好味。杯梳打都好正好靚☺️👍總括嚟講，依間餐廳都算係工廠區既一點靜，唔錯！

曾經在官塘返工，那時已很喜歡上工廈尋寶。發現最近工廈美食愈來愈旺，便重遊官塘~大廈很近地鐵，不消10分鐘便到。餐廳新開的~令人期待餐廳裝修很美~主餐牌~中位價錢，加$38有salad+湯+麵包+甜品餐湯味道不錯，忌廉味剛剛好，不會太濃SALAD很新鮮香草麵包很好吃~有點濕潤，不會太乾。可以不用沾湯，直接吃~而且香草味濃，真想多吃一塊呢~羊架燒得剛剛好~很軟熟但意大利飯軟硬適中，味道不錯。意粉没什麼特別，還是喜歡羊架多一點。主菜過後便是甜品時間~跟餐的waffle很。好。吃！外脆內軟~蛋香十足~跟TST專吃Waffle的CAFE可媲美~ 只得2小件真不夠喉!在加$20的士多啤梨蛋白...期待總是失望的... 賣相尚不說....口感不夠滑，是一大敗筆...早知慳番$20，乖乖吃waffle了....