班蘭葉印尼餐廳

營業中

休息中

疫情下無得去旅行，唯有自己係香港尋覓特色餐廳扮去左個小旅行🧳✈️今次簡左一間位於銅鑼灣既印尼餐廳。門面主要係賣外帶食物。店内既裝修都帶有印尼風情，原來店員係印尼籍，唔洗擔心，佢地都識講廣東話，落單無難度。餐廳的食物種類比較多，選擇困難嘅我都諗咗一段時間先決定到食咩🤣🤣黃薑炸原條魚雜錦飯 $118魚勁大條勁吸引，炸得很香脆，醬汁濃郁，醬汁完全索曬入魚肉，魚肉很滑。真係好好食！真係好好食！！真係好好食！！！破乳鴿雜菜飯 $128乳鴿皮薄脆口，而且很入味，職員很體貼，會附上手套識客人方便進食。羊肉沙嗲三串 $58椰青 $38，係必點😍😍很甜，椰子肉很軟，方便用匙羹進食🤤🤤回味中😋牛油果沙冰 $48，很特別，很清新，很健康嘅感覺🤣🤣

🔸羊肉沙嗲三串 $58🔸燒雞花膠湯粉皮 $88🔸三重芝士炸碎雞撈麵 $78🔸柑桔青瓜冰 $28.原來喺銅鑼灣H&M附近有條小小印尼街，朋友介紹話俾我知有好多特色食店，當然要去尋覓美食啦！今次見依間餐廳鋪位細細但長期爆滿，仲要拎飛排隊，一定冇死啦！沙嗲羊肉串燒調味好惹味，以蜜糖燒烤醬汁搽面烤至小小焦配埋沙嗲醬好香口。三重芝士撈麵係懷念嘅味道，係讀書果陣成日食嘅營多，配以黑椒調味過嘅炸雞，同韓式嘅炸雞好唔同。最推介嘅係花膠湯！店員都叫我哋要飲晒啲湯，因為係落足料煲十幾個鐘頭，啖湯飲落真係好滋補好濃郁！最後飲咗好有趣嘅柑桔青瓜冰，好清新好啱夏天飲呢！

今日第一次食印尼菜，心情既興奮又緊張，因為我完全唔知正宗印尼菜係食咩🤣，為免中伏，我地揀左Openrice上最熱搜No.1既印尼餐廳 - 銅鑼灣班蘭葉印尼美食。牆上掛滿一系列餐廳食物相片，從中發現餐廳用以樹木製既盤代替碟，餐桌餐椅亦以木系為主，加上天花板上既仿真班蘭葉🌿，散發熱帶小島風情。食物款式超級多，飯類及主食分別超過20款，最出乎意料嘅係花膠湯粉皮系列，不過我同女友決定先食啲印尼經典菜式。- 印尼四大天王飯四大天王指魚雞牛菜，雞既味道十足海南雞，沙甸魚酸酸甜甜，牛肉不過不失，惹味但肉質偏硬，菜加左醬汁幾清甜。以上四款都唔算辣，最辣竟然係椰漿飯，原來椰醬飯加左辣椒碎，辣到個心熱烘烘😳。- 雜菜燒半雞飯 名副其實半隻香燒雞，外皮有少少焦香，唔期待雞肉十分嫩滑，但至少幾多汁，蘸汁會更惹味。- 羊肉沙嗲三串羊肉香氣十足無膻味，沙嗲醬係靈魂所在，花生味特濃帶微辣。- 鴛鴦芒果汁藥水味好重，而且好「水」，唯一可取之處係夠大杯，可以解辣🤔。- 青檸梳打解渴一流，入面仲有綠色粉條，口感幾豐富。整體而言，串燒好正，沙嗲醬好啱香港人口味。至於飯類份量好多，飲品一般般。最深刻一定係椰漿飯，反差實在太大

香港四大天王唔洗多講都知，印尼四大天王又有冇人知？😎今次我就見識到喇，原來有班蘭雞、巴東牛肉、蕃茄辣油沙甸魚及加多加多沙律。無論用料同味道都別樹一格。至於班蘭雞尖塔飯，有座山造型嘅班蘭飯好吸引，兩碟嘅雞都好嫩滑。羊肉沙嗲三串好野味，少少辣而羶味唔重。烤柚子雞翼嘅柚子味幾重，好味道。班蘭沙冰嘅班蘭味好出，班蘭愛好者不能錯過。牛油果沙冰都一樣好入味，椰汁冰好香濃。終於見識到印尼菜嘅美味，呢餐食得好飽好滿足！🥰值得一提係顏色主要由綠/黃/啡組成，好有印尼色彩。🧑‍🎨呢間可能系香港最好食嘅印尼餐廳，食物地道，價錢亦親民。👍 ..埋單：印尼四大天王$78班蘭雞尖塔飯$68羊肉沙嗲三串$58烤柚子雞翼$48班蘭沙冰$42牛油果沙冰$48椰汁冰$38