影片
更多
2020-05-26
684 瀏覽
今日第一次食印尼菜，心情既興奮又緊張，因為我完全唔知正宗印尼菜係食咩🤣，為免中伏，我地揀左Openrice上最熱搜No.1既印尼餐廳 - 銅鑼灣班蘭葉印尼美食。牆上掛滿一系列餐廳食物相片，從中發現餐廳用以樹木製既盤代替碟，餐桌餐椅亦以木系為主，加上天花板上既仿真班蘭葉🌿，散發熱帶小島風情。食物款式超級多，飯類及主食分別超過20款，最出乎意料嘅係花膠湯粉皮系列，不過我同女友決定先食啲印尼經典菜式。- 印尼四大天王飯四大天王指魚雞牛菜，雞既味道十足海南雞，沙甸魚酸酸甜甜，牛肉不過不失，惹味但肉質偏硬，菜加左醬汁幾清甜。以上四款都唔算辣，最辣竟然係椰漿飯，原來椰醬飯加左辣椒碎，辣到個心熱烘烘😳。- 雜菜燒半雞飯 名副其實半隻香燒雞，外皮有少少焦香，唔期待雞肉十分嫩滑，但至少幾多汁，蘸汁會更惹味。- 羊肉沙嗲三串羊肉香氣十足無膻味，沙嗲醬係靈魂所在，花生味特濃帶微辣。- 鴛鴦芒果汁藥水味好重，而且好「水」，唯一可取之處係夠大杯，可以解辣🤔。- 青檸梳打解渴一流，入面仲有綠色粉條，口感幾豐富。整體而言，串燒好正，沙嗲醬好啱香港人口味。至於飯類份量好多，飲品一般般。最深刻一定係椰漿飯，反差實在太大
牆上掛滿一系列餐廳食物相片，從中發現餐廳用以樹木製既盤代替碟，餐桌餐椅亦以木系為主，加上天花板上既仿真班蘭葉🌿，散發熱帶小島風情。
食物款式超級多，飯類及主食分別超過20款，最出乎意料嘅係花膠湯粉皮系列，不過我同女友決定先食啲印尼經典菜式。
- 印尼四大天王飯
四大天王指魚雞牛菜，雞既味道十足海南雞，沙甸魚酸酸甜甜，牛肉不過不失，惹味但肉質偏硬，菜加左醬汁幾清甜。以上四款都唔算辣，最辣竟然係椰漿飯，原來椰醬飯加左辣椒碎，辣到個心熱烘烘😳。
印尼四大天王椰漿飯
$93
34 瀏覽
0 讚好
0 留言
- 雜菜燒半雞飯
名副其實半隻香燒雞，外皮有少少焦香，唔期待雞肉十分嫩滑，但至少幾多汁，蘸汁會更惹味。
雜菜燒半雞飯
$88
35 瀏覽
0 讚好
0 留言
- 羊肉沙嗲三串
羊肉香氣十足無膻味，沙嗲醬係靈魂所在，花生味特濃帶微辣。
羊肉沙嗲三串
$58
57 瀏覽
0 讚好
0 留言
- 鴛鴦芒果汁
藥水味好重，而且好「水」，唯一可取之處係夠大杯，可以解辣🤔。
鴛鴦芒果汁
$28
36 瀏覽
0 讚好
0 留言
- 青檸梳打
解渴一流，入面仲有綠色粉條，口感幾豐富。
青檸梳打
$28
19 瀏覽
0 讚好
0 留言
整體而言，串燒好正，沙嗲醬好啱香港人口味。至於飯類份量好多，飲品一般般。最深刻一定係椰漿飯，反差實在太大。
張貼
