影の鳥 (已結業)

環境5分：門口全部都係老闆Ｄ公仔同靚相，擺設好得意。新潮日式居酒屋樓面好高，燈光暗暗地有情調，吧位可以對住師傅睇住佢煮野食，側邊Ｄ卡位又闊又舒服，畀梗五分。衛生5分：枱櫈餐具好乾淨，衛生可以畀五分。服務5分：雖然係自助餐，但係服務員都會不停加茶，畀佢滿分。味道5分：1)     主食美人鍋個白色湯底好鮮甜同濃味，入面Ｄ雞肉全部都係白肉，好軟滑，Ｄ紹菜，豆腐，雜菌都好好食。2)     主食鴨肉水菜鍋係清湯底，Ｄ鴨胸有咬口，其餘Ｄ雜菜料同美人鍋一樣。3)     溫泉蛋沙律Ｄ沙律菜好爽脆，個沙律醬好嘢味，隻溫泉蛋超級滑溜冇得輸。4)     唐揚雞軟骨粒好香脆，又唔油，最啱送酒。5)     唐揚炸雞外脆肉嫩。6)     味噌湯正正常常。7)     刺身有四款，三文魚同油甘魚好鮮潤，帶子幼嫩，最正係又爽又大隻嘅赤蝦。8)     天婦羅又脆又夠乾身，海蝦最爽甜彈牙。9)     雞皮串好香脆。10)  黑豚腩串最juicy。11)  牛舌串好爽好嘢味。12)  大蔥雞肉串好香口。13)  雞軟骨串脆卜卜。14)  豚肉蘋果串係用豚肉包住舊蘋果肉，好爽好特別。15)  秋葵串好香。16

終於一嚐依間明星串燒店，鋪頭雖然唔算大，但位置都相當闊落，坐得舒服。店內有唔少偶像打卡位，相信鏡粉們一定好開心。坐低之後每人會有一杯蛋花湯做前菜，暖一下胃。桃太郎番茄沙律（$88）從相片睇好似成個番茄無乜特別，但整個番茄其實呈透明，通透嘅微紅番茄第一次見，食第一啖更有驚喜！番茄又多汁又甜！水份飽滿到以為食緊其他水果，加上微酸沙律汁，十分開胃，係全晚最令我有印象嘅一碟。串燒水準不過不失👍🏻當中不得不提牛舌！雖然厚身但唔韌，好食！燒蕃薯同南瓜都甜👍🏻如果怕串燒唔夠飽，不妨試下美人鍋（$368）。以嫩雞為主嘅濃厚美人鍋，暖笠笠又好味。小食試左唐揚池魚仔、南蠻炸雞、牛油果軟殼蟹卷、燒味醂魚乾。每一樣都好食，但南蠻炸雞嘅炸粉可以再改進一下😉最後以燒飯團（$58）收尾，醬油燒飯團一直都係最愛😍埋單後，每人送一個擴香石，櫻花🌸形狀太可愛啦🫶🏻記得嚟朝聖之前要訂位，咁就更順暢入座☺️