養心殿台式養生鍋 (已結業)

養心殿，建成於明朝嘉靖十六年以前，曾作明神宗的寢宮。清朝初年，曾作為宮中造辦處的作坊，專製作宮廷用品。養心殿可見是中國古代皇朝的重要建築，亦象徵是皇朝權力的核心之一。幾友好友日前與我慶祝生日，說是來一次高級的火鍋，並不是一般的火鍋放題。當晚來到店前，看到這個店名，相信是很有中國特式的食店。進入店內，果然是很有中國味道，從間隔或吊燈，都是濃厚的中國色彩。就連調味品上的器皿、枱上的茶杯、茶壺、碗筷，都是帶著濃厚的中國色彩。在這種環境下吃火鍋，有點帝皇式的享受。店員為我們送上熱茶，火鍋食料的餐牌等，說先要選上火鍋湯底，因要較多時間準備，我們先選擇了美人鍋，再仔細看看有什麼火鍋食料。在我們選擇好火鍋食料之時，店員已經送上大大的湯鍋。美人鍋，這個鍋本身已經很有特色，所謂紅銅色，花紋雅致，很有中國色彩。打開看看，中央一隻份量頗大的烏雞，以及多種藥材，大家見到也很意外，想不到是一整隻烏雞送上。店員建議我們先品嚐這個美人鍋的湯底，稍後會給我們添上上湯作火鍋。談了一小段，湯底也煮熱，打開了鍋蓋，那陣清香的烏雞湯，已經在空氣中洋溢。濃厚而清甜的烏雞湯底，雞味濃濃，烏雞獨有的清香，再配上多種藥材，可是藥材味

這間以養生為題的台式火鍋店，鍋底全部都以養生湯料為主，令到打邊爐都可以變成一件健康的事。我們先點了一個鴛鴦鍋底，美人鍋及養生鍋，鴛鴦鍋不用另外加錢，只計最貴的鍋底價錢。美人鍋是有原隻烏雞及紅棗等材料熬製而成，有淡淡雞湯香味，雞肉嫩滑；而養生鍋則以人參及雞為主，人參味道突出，帶點甘甜。鹽酥雞炸粉漿很薄，外面炸得香脆，雞肉粒不鞋口，十分惹味。雪花肥牛牛肉色澤新鮮，油脂分佈均衡，帶點雪白紋，肉味濃郁且嫩腍，入口溶化的感覺。雲吞&蟹子墨魚滑外皮比較厚，但裏面包著原隻蝦肉，蝦肉新鮮爽口，雲吞結實不鬆散；墨滑爽口彈牙，質感結實，不會太腍，亦沒有溝粉。稻庭烏龍麵烏冬較扁身，比較爽滑且不糊口，加上浸過烏雞湯，吸收了湯的鮮甜味。最後還送上芋圓糖水，芋圓比較硬，味道較一般。

好友同我慶祝生日，我想打邊爐，於是揀了養心殿。佐敦這間的入口其實不算起眼，地下至二樓是另一個入口，搵左好一陣子才找到😅準時去到，有很多枱是吉的，但仍舊安排門口位置，幸好經過一問，店家都肯幫我將工夫櫈換有靠背的⋯好友推介了美人鍋湯，還叫了以下食物：美人鍋要先試飲1-2碗才開始放食物，湯底味道非常濃郁，甜美，烏鷄也不鞋口，桃膠很多，實際上其實係一個老火靚湯😋手切牛肉比想像中少，但滿滿牛肉味，要試。黑松露蝦丸充滿了濃濃的黑松露味道，鍾意食黑松露的你一定要叫。即炸響鈴熱辣辣，索埋湯汁更好味。其他料都不錯👍🏻環境太嘈，不適合傾偈。

春夏秋冬都要打邊爐😅，有時真的會燥熱但呢間台式養生火鍋就吾會拉，仲可以飲碗湯滋潤下先再打邊爐添火鍋湯底以養生為主，有大量藥膳，初秋不太凉，而我地就㨂返美人鍋，平和滋潤，一大只烏鳮還有桃膠，紅枣，淮山，黨參⋯⋯湯非常清甜配料選擇吾算太多，但樣樣都以新鮮為主！手切牛肉，看得到的新鮮，我們都是好牛之人，所以點了大碟，份量很足，而且都厚呢，牛肉油脂均勻，食落口更是松軟海蝦上桌後還在跳😂😂真係非常新鮮，很大只，還爆膏添，街市都成二百蚊斤呢碟午餐肉超多，而且厚切，炸過後再擺入煱就少左份油膩，就咁直接吃，脆卜卜，仲正，老公至愛😍其他蔬菜類也很新鮮，豆腐也特別的滑，魚旦弾牙有魚味仲有象啤飲呀，$28支大大支，就算叫一支都跟冰桶，抵贊😎 冬天再來試下滋補湯底先！

平時打邊爐都會感覺好熱氣，但今日朋友拉我黎食養生鍋，聽落好似好補咁叫咗個美人鍋，係成隻烏雞上👀，烏雞肉質比起普通雞嫩滑。鍋裏有大量桃膠，雖然本身啲膠無味，但口感好爽滑，知佢高纖維，食咗好多，湯底仲有南棗，杞子，淮山☺️喝一口個湯底，都覺得啖啖精華見到周邊好多人叫即炸脆響鈴，我都唔執輸。叫咗份羊肉片同芝士牛肉丸，芝士丸就食得多，牛丸裏面流啲芝士出黎就第一次食，味道都幾甲😃鹵水鴨啖啖都係肉，個汁調配得唔錯，甜甜地，不會太鹹，幾惹味，覺得好岩配個白飯😂喱間係我出街打邊爐黎講，最好味同最健康。如果好似我咁兩個人黎食，叫個鍋同兩份菜其實已經好飽了🙃

上次朋友試左一次養生鍋，就念念不忘，要再去過。好啦，今次同你去第二間先。位於佐敦嘅養心殿台式養生鍋，裝潢同其他分店一樣，雅緻特別，放置屏風散發濃濃嘅古典氣息。環境比較昏暗，幾好情調，最重要係企理乾淨☺自助醬料區，醬料擺放整潔，隨便自由斟。點左個美人鍋，係由烏雞加上唔同藥材，有桃膠，紅棗，烏雞，黨參等，滋陰養顏，味道清甜，朋友飲左幾碗。雜錦蔬菜盤，無菜不歡嘅豬立即叫左個蔬菜拼盤放落去，吸收下湯嘅精華先。拼盤有金菇、粟米、雜菇、娃娃菜、生菜等，種類豐富，健康爽口又清甜！打邊爐當然要點肥牛，要左極上雪花肥牛，牛肉既顏色唔錯，而且都幾大片，濃濃嘅牛肉味，由於我地想最後先食牛，所以豬飽飽都留左個位置俾靚靚肥牛。什丸拼盤，有蝦丸，芝士牛肉丸，墨魚丸， 黑松露蝦丸，梅菜豬肉丸， 鵝肝墨魚丸， 款款都各有特色，相當彈牙，手打丸果然係好食好多，其中蝦丸味道比想像之中突出，再加上黑松露，兩者非常配。另外值得試嘅係梅菜豬肉丸，好juicy,味道岩岩好，唔會鹹。芝士牛肉丸，愛好芝士嘅豬對呢個非常期望，可惜芝士味唔係好出，同牛肉丸唔係好夾。餃子拼盤，皮薄餡靚，有自家製水餃，鮮蝦雲吞，麻辣牛肉餃，韭菜餃， 水蓮餃

閨蜜生日當然要相聚, 下著雨的天氣打邊爐最好不過; 閏蜜極力推介之前試過的養心殿, 今晚就選了在佐敦的分店裝修是中式的設計, 座位之間用通花屏風相隔, 令客人有少少私人空間之餘也讓地方看來更寬敞調味料等放在近大門位置讓客人自選, 很有趣的不像其他火鍋店有很多不同款式, 這裡只有簡單的五款, 而且全是味道很單一, 或清淡的醬料, 應該是想讓客人可以細味到食材及湯底的真鮮味, 不要被調味料喧賓奪主閏蜜極力推介美人鍋湯底 ($188) , 因為材料是有美顏滋陰最好的桃膠, 烏雞, 還有明目的杞子南棗等等, 全女班的晚上當然是美顏至上的選擇; 先嚐嚐未加火鍋材料的湯底, 清淡的湯底帶著雞的香味, 有點像媽媽煲的補湯, 吃一啖烏雞, 雞肉非常嫩滑, 只吃這個已經很好味道了閏蜜們這晚只叫了一碟極上雪花肥牛 ($188), 其餘都是蔬菜海鮮類, 單看價錢還覺得這牛會不會有點貴, 不過呢, 吃下去就知真的好吃, 輕輕在湯上燙幾秒剛好, 吃在口牛味鮮但咬口軟綿, 薄薄一片的也齒頰留香, 不太吃牛的我也忍不住吃多幾片海鮮類叫了鮮味的日本牡蠣, 黑松露蝦丸及蟹籽墨魚滑, 另外就是幾款不同的蔬菜盤, 菜味鮮且

養心…養生…聽到個名已感到好滋陰養顏，已經急不及待要來食啦! 台式火鍋我都係第一次食，每一個煱底都好吸引，不同的食材都有著不同的功效而且環境好寬敞，枱與枱之間的距離十分寬鬆，木製的枱櫈襯托著間隔的屏風，更具特色，加上柔和的燈光，讓人更感輕鬆舒暢，寧神養心feel油然而生美人鍋底無走雞內有桃膠~含豐富膠原蛋白，滋陰補虛，原隻烏雞加上十足藥材一起肴制湯底，養顏值至高極上雪花肥牛~簿簿一片，在這個滿有藥材既美人鍋內烚下烚下，濃濃既牛肉味加埋啲湯既味道，唔需要點任何醬料，都好味，最重要係唔肥膩黑松露蝦丸(半份) ~ 蝦丸實肉彈牙，陣陣清香既黑松露味道，勁好食自家製極品水餃(半份) ~ 餡料足配有原隻蝦，爽口彈牙翠絲水蓮~台灣空運過來，呢款菜我就第一次食，食後感，一個字👉爽鮮甜三鮮蔬(秋葵，玉米，山藥)免費贈送沙冰

前牌老婆同朋友去旺角威，食完這家台式火鍋店勁讚，今次終於到我試下喇！由於佢話旺角超級多人，所以近近地轉去佐敦食。食店的裝修好有格調，中式屏風做分隔，好有私人空間感，仲唔會太嘈吵，又幾好喎！有老婆陪我開餐，點都要叫個《美人鍋》比佢滋補下，湯底有紅棗、龍眼、桃膠等...藥材，加埋隻烏雞真係好甜，忍唔住飲返兩碗。講到火鍋配料：手工丸：好好食，選擇拼盤真係無錯，我最欣賞蝦丸同墨魚丸，好鮮甜又彈牙。海鮮拼盤：火鍋又點少得我最愛的海鮮，隻蝦被竹籤串住還在跳，勁新鮮，仲有帶子又大粒又甜，鮑魚有口感，正！霜降肉眼肥牛：好少食粒粒肥牛，又唔錯喎，好軟無筋，有入口即溶的感覺。食店仲送了每人一杯沙冰凍飲，柚子味酸酸甜甜又唔錯喎！