Odelice! (蘭杜街)

朋友今晚加班，於是我就在灣仔漫無目的亂逛，喜料被我發現了一間法國餐廳，感覺不錯！就提議朋友今晚就吃這間小巷裏的法國菜。Tuna Carpaccio： Tuna的外層沾有芝麻油，聞起來味道很香！賣相亦很吸引。卷起Tuna食用能食到Tuna的鮮味和淺淺檸檬汁的味道，開胃之餘也清新。龍蝦燴飯：半隻波士頓龍蝦連同燴飯一拼上碟夠搶眼！龍蝦蝦肉彈牙新鮮。燴飯亦能吸收高湯的味道很鮮味，飯粒煙韌帶點彈牙。燴飯加了小許芝士做烹調，「畢」起飯上黎有少少拉絲。美國安格斯羅西尼菲力牛排：這道牛排上面有快塊鵝肝，鵝肝煎得恰到好處，配上牛扒感覺不會太油膩。餐廳建議我們牛排點五成熟，牛扒軟霖容易切開，食落去冇筋，牛味頗重。Homemade Tiramisu：餐廳的Tiramisu是自製的，其他地方食唔到。Tiramisu味道很香很滑，而且不會過甜，配上紅莓醬更是開胃！很值得推介，而且配飾的草莓更切成玫瑰花的樣子，很可愛。由於等到我朋友收工已經8點了，餐廳很多款主食都賣曬！看來下次要早點來到，再來品嘗一次法國菜的風味。另外餐廳的咖啡好像都不錯，如果喜歡喝咖啡的人都可以試下，我自己本生不喝咖啡，所以就無試。

之前黎過odelice食lunch覺得味道不錯，咁岩呢間野係正我男友公司附近，所以今晚接男友收工就順便黎試下佢既晚餐。雖然係法國餐廳，但就行平民風，裝修簡單舒適，價錢不太貴。吞拿魚尼斯沙律$138前菜揀左香煎吞拿魚，吞拿魚新鮮，加上檸檬汁同埋橄欖食，食落好fresh，不過我覺得吞拿魚邊可以再煎多小小。美國安格斯羅西尼菲力牛排 $265見到塊牛扒我哇左一聲，足足有我拳頭咁厚啊！而且上面仲有塊鵝肝。鵝肝煎得啱啱好唔會太油膩。牛排叫左三成熟，切開係好完美既三成熟！而且食落好霖，完全冇筋，加埋牛排汁甜甜地，我同男友都每食一口都讚不絕口！265蚊可以有咁高質素既牛排真係好抵！法國黑青口 $175上次食lunch見隔離檯食好似好正咁，所以今次就叫左。好大一盤青口！個份量係我地食到後尾先發覺，數一數原來入面足足有成7 80隻！雖然黑青口細細粒，但煮得好嫩，食落有淡淡既酒味～隔離薯條配既沙律醬都不錯，食落酸酸地，所以整體唔會太油膩。香煎香蕉配榛子醬  crepe $55食法國菜又點可以唔食crepe！nutella同香蕉本身就係絕配，所以味道一定係好味！肉桂蘋果，焦糖，雪糕  crepe $68勁多焦

今日放工前又要交文件到太古廣場三座，擇日不如撞日就同那邊工作的同事食晚飯。同事提議我到Odelice!，說那裏的法國菜好食。店內環境氣氛好好，店員服務親切有禮，可以讓人靜靜地傾計，亦都可以令人處於好放鬆的狀態去享受這頓豐富的晚餐。香煎法國鴨肝意粉煎香了的法國鴨肝外脆內軟入口即溶，加上入味的雜菌及清新的火箭菜，配上美味的白酒忌廉汁，味道好有層次，意粉軟硬適中，每條均能掛上白酒忌廉汁。燒黑毛豬肉配紅酒燒汁燒黑毛豬烹調的時間掌握得剛剛好，黑毛豬燒得外脆內軟兼且入口爽脆。而拌碟的薯蓉及雜菜亦非常治味。美國安格斯羅西尼菲力牛排有格紋兼且超厚身的菲力牛排，未食都加分。牛扒一切開，好粉嫩。牛排味道濃郁而且入口juicy，加上廚師烹調時已加上的鹽及黑胡椒，再配上特別調製的磨菇醬及牛肉醬汁，更能帶出牛排的鮮味。而香煎法國鴨肝外脆內軟入口即溶，美味。香煎香蕉，蕉糖，雪糕班戟法國菜當然唔少得食甜品，Crêpe更是法國甜品的代表。質感鬆軟煙韌的法國班戟，厚薄適中，配上微微煎香的香蕉及冰凍的呍呢拿雪糕，推介。檸檬冰茶(大)，鮮榨蘋果汁冰茶(中)甘香的冰茶配上豐富的鮮榨蘋果汁，冰冰的不太甜，好清新。

早前在尖沙咀經過odelice分店十分感興趣，決定與男友一試灣仔店的水準。一向是酒鬼的我實在有衝動開酒，惜男友不喝酒，只好作罷。我的蘋果甜酒，酒身玫瑰金色，一見到就心花怒放，味道香甜帶香濃蘋果味，女士必愛。凍朱古力味道濃郁帶甘，可可味香濃，朱古力愛好者必試。牛油果醬三文魚塔丁香脆多士抹上牛油果醬，配上煙三文魚，作為小食，清爽開胃，相當不錯。波特菇雜菌意粉配火箭菜及黑松露醬每條意粉都沾上黑松露醬，雜菇分量頗多，配上火箭菜健康惹味。美國安格斯羅西尼菲力牛排配上鵝肝，牛排要了五成熟，口感軟嫩，配上鵝肝脂香，愛不釋手。香煎香蕉焦糖雪糕班戟是男友最愛，班戟香甜軟綿，配上大量焦糖醬，甜香而不膩。

勞碌工作後，到法國餐廳享受法國的浪漫情懷，呢度好relaxing，價錢相宜，老闆同我地推介有咩好食，我地一於全單接收！浪漫又點少得美酒呢！兩杯都甜甜地易入口！第一次試生薑呑拿魚，好特別，呑拿魚好肥美，片片都咁厚啖啖肉，再配檸檬汁好醒胃，令我好期待主菜黑毛豬外面煎得好香脆，裡面肉質爽嫩，仲有淡淡的酒香牛扒叫左五成熟，切開呈嫩粉紅色，肉質軟熟，冇渣冇筋，不錯！係法國，周街都有crepe食，相信所有女孩子都會對呢份甜品讚不絕口！熱辣辣嘅pancake，遇上雲呢嗱雪糕，仲有甜甜的焦糖香蕉，冰火交融嘅感覺（絕無誇張）超正，不過就要食快啲，雪糕好快融

見到呢間餐廳係開飯熱店，而又有我想食既黑椒吞拿魚，所以就黎試下。飲第一啖，飲到菠蘿同青瓜味，第二啖先飲到蘋果。成杯野感覺幾清新。滿心期待佢既黑椒吞拿魚，不過一般。個汁酸酸地係幾開胃，但吞拿魚口感麻麻，好嚡！$138一碟，唔抵。安格斯牛扒幾腍，但冇牛味。鵝肝口感奇怪。呢間餐廳既甜品相對幾抵，$80內就食到，所以叫左兩款。個窩夫脆脆地，配埋新鮮藍莓同紅桑子醬同雪糕，唔錯。班戟賣相唔錯。香蕉用焦糖煎過，班戟幾煙韌，幾好食。不過略嫌焦糖醬太多，太甜。

心血來潮想食點特別野行下行下搵到一間法國菜係一個唔起眼既角落見到菜式都好似幾特別就坐低左慢慢點一入到去 就好有外國小館既感覺有著自己獨有的特色同風格菜式都有唔少選擇而且睇落都好唔錯店長有特地為我地推介佢地既signature同受歡迎既菜式同埋安排好每一道菜式上臺既時間同次序最後都揀好哂我地今晚既餐單首先去到我地前既係生薑檸檬吞拿魚賣相十分唔錯 口感亦都十分之好咬落唔會覺得太熟 同時吞拿魚既味道都保存得好好用左少少黑椒調味 所以食落唔會覺得單調外面亦有輕輕煎過 所以口感會有層面感有檸檬汁配埋就更能帶出魚既鮮味飲品分別係比利時朱古力 同芒果熱情果沙冰朱古力都算濃 所以即使慢慢飲有少少冰溶左都唔會好淡芒果熱情果沙冰就比較清新飲落都幾開胃而且水果味都幾重跟著既係法式香煎蜜汁鴨腿肉汁唔會因為煎焗過而流失 仲係超juicy肉質軟身但唔會一拎起或者散開哂完全將味道鎖左係鴨腿裡面冇肥膩既感覺呢個一定要襯熱食再黎到美國安格斯羅西尼菲力牛排登場 配上香草野菌果個厚度令到個賣相加分唔少火喉控制都岩岩好 唔會太熟而影響口感佢既肉味都算濃 調味方面可以再加強一點再帶多少少菲力牛扒既香出黎就更正最後可以上甜品有迷

上星期六同友人喺灣仔附近行完街, 打算搵間餐廳食晚飯, 行行下見到呢間小店, 細細間, 佈置簡單, 適合靜靜地傾下計食下嘢, 於是就一齊拍板揀左呢間餐廳試下, 可能6點半左右時間尚早, 只有兩枱食客, 我哋睇完餐牌先發現係食法國菜, 最後我哋揀左一個前菜小食, 兩個主菜, 一個甜品 😋😋前菜小食係"生薑檸檬吞拿魚"本身自己唔太好食生嘢, 但友人鍾意食魚生, 所以就點左, 但出乎意外地我覺得唔錯,可能個汁酸酸哋, 唔覺有魚腥味, 平時少食魚生都啱食~ 第一道主菜係"雜錦海鮮意式扁面"因為有幾款面食, 我哋就問店員邊款好味, 佢就推介左呢款, 佢話自己勁鍾意食, 我食完都勁鍾意😍😍 我本身偏愛辣嘢同扁面, 所以已經冇得輸, 加上呢個面既煙靭度同埋濃而不酸既蕃茄汁, 真心覺得好味, 10個推介~第二道主菜係"美國安格斯羅西尼菲力牛排"我比較鍾意食淋身juicy既牛排, 叫左5成熟, 但呢度既5成熟感覺似出面既7成熟, 牛排偏硬同乾左少少, 配埋鵝肝一齊食好啲, 因為鵝肝軟身同多油, 可以中和返, 墊底個薯蓉有薯仔粒, 食完都幾飽肚下~ 每餐都不能少既甜品係"Banana Caramel Ic