紐約客 (已結業)

一班朋友5大1細...諗住試新野，大家都想搵間好啲嘅餐廳坐......我地班荃灣朋友推介左呢間西餐廳，盡管訂位試試啦！在OPENRICE搜尋推介食物有…美國招牌啤酒烤雞&豬手，我地就決定預早訂訂一試。是星期六我地早一星期訂了晚上7:30，但當晚都係要在外等到7:50先有位入坐。須然要等，但都不算等得太耐，尚可接受。之前睇過OPENRICE食評見好多人推介美國招牌啤酒烤雞&豬手，我地都好想試，由於OPENRICE上的食評寫係即叫即焗，話啤酒烤雞整差不多二十分鐘。我地決定好食物大約8:12分就立即落單，但等了半小時才有飲品&沙律比我地食。其實遲入坐的枱都有主菜食物了。我地等了45分鐘(8:55pm)發現其他枱都有啤酒烤雞，而且係廚房一出就出左3隻啤酒烤雞添，就是我地還未有。我地開始懷疑漏單了，就問問收銀的老闆，他堅持有落單無漏單，而且還說廚房排緊單出食物再等等啦。我地等到9:10pm(1個鐘啦)都未有主菜食物，大家心情都開始有點煩躁，連小朋友都無野食坐唔定了，我地堅決叫仕應再CHECK單有無漏單，他們還說沒漏單請再等。今次我地話10分鐘再無主菜食物就立即結脹走，因為怕小朋友都餓壞了。仕應聽

今晚黎到荃灣搵食平時好少出黎呢頭，朋友介紹呢間New York Diner環境好chill，所以黎試下。一入到去已經好American，裝修好美國風，好多塗鴉藝術，好自由風的感覺。 睇一睇Menu先。題外話：個碟幾簡約之前睇過食評見好多人推介啤酒雞，梗係要試試佢由於係即叫即焗，所以等左差不多二十分鐘。一上枱，見到原隻雞上。開頭以為會好鞋口，點知又唔會喎！雞肉出奇地嫩滑，油香滴落下面的薯條同蔬果，食唔停。皮脆肉嫩，推介！主菜加左$25配湯同野飲，今日係薯仔湯。之後再食個BLT Burger，即係美國牛肉漢堡配薯條。本身好中意食牛，所以食burger一定揀牛堡。用藤籃上枱，份量十足，薯條份量亦好多。Burger的包面好脆身，牛肉幾juicy唔會太散，半溶芝士加晒分。但塊生菜離奇地大塊牛肉好厚身，蕃茄同生菜令成個burger無咁膩。店員亦推介鵝肝安格斯牛漢堡，但實在太飽所以無試到。之後再食左個豬肋骨小食拼盤，有半份(6條) Ribs加豬肉腸，辣肉腸，同一大堆薯角。Ribs唔會太乾，但略嫌燒得唔夠皮脆。呢間餐廳份量真係好多。兩個人食兩個主菜加頭盤，飽到行唔郁。仲有兩杯特飲，藍色個杯係海洋梳打

上次食咗呢到嘅龍蝦漢堡，覺得都唔錯，見到Instagram有好多人講話有啤酒烤雞，仲要預訂咁大牌和，所以早早訂定位同隻雞但係就算訂咗位都要等等，因為真係超多人呢個繽紛彩虹有六杯唔同顏色嘅飲品，一上枱真係艷光四射，隔離枱嘅客人都忍唔住望一望，其實主要都係用糖醬溝出唔同嘅顏色，而且係無酒精，味道頗甜。飲嘅次序係由藍顏色開始，藍色係藍莓味；粉紅色係玫瑰味；奶白色係薄荷味；紅色係士多啤梨味；黃色係芒果味；最後係青瓜味。接住係卡邦尼帶子海鮮焗飯，上面有芝士同白汁，而海鮮包括有蝦、魷魚同主角嘅帶子，味道質感整體都算唔錯，但係就唔係啲咩好特別嘅野因為即叫即焗，所以想見主角就係要等耐啲嫁喇，都差唔多等咗半個鐘，終於....美國啤酒烤雞終於上枱喇!!!除咗牛肉同羊肉之外，我最鍾意食雞肉，再加上我係酒鬼，呢個烤雞就啱曬我，外皮焗成金黃色，真係令人唾涎玉滴。望到隻雞都可能有啲呆濟，唔洗驚，向職員求救就得嫁啦，佢地會將隻烤雞分屍。雞脾部份嘅肉係最正，非常嫩滑且有肉汁，連埋微脆嘅雞皮一齊食，淡淡嘅啤酒香，超級推介～烤雞仲跟埋炸薯角同薄餅，不過唔建議食烤雞下面嘅薯角，雖然吸收咗啲啤酒味，但係已經淋曬

今天是九龍人與屯門人的聚會，我們選擇了中間點的荃灣作為約會地點。一到餐廳門外已經見到很有SPIDER-MAN漫畫風格的紐約街頭設計。公眾假期晚上8點，原本以為會好多人要等好耐，但原來荃灣這邊家庭客多所以比較早食晚飯，所以運氣很好我們等了10分鐘已經可以入座！由於當日天氣實在太熱，我們各自點了一杯凍飲朋友的這杯Lady Lireaty Selizer（Rose & GreenTea)無論賣相及味道都很不錯玫瑰的花香加上綠茶茶香，絕對是夏天的清新之選！另外我點選的Fiesta Fizz (Mango & Lime)果味十足！飲到一半仲可以啜得到果肉～鮮甜芒果肉加清新微酸的青檸，整體味道平衡很不錯！主菜方面我們點了餐牌上推介的焗大蝦龍蝦汁麵老實說一上枱的時候有點失望，賣相與想像有點出入幸好味道及食材挽回不少分數！龍蝦汁味道帶鮮味，亦不會太咸！配料方面，除了上面擺放的一隻肉質爽口的大蝦外裡面還有不少細細隻的蝦～麵質有點煮得過了火喉⋯如果保留多一點口感，相信意粉會更好！最後壓軸登場的美國招牌啤酒烤雞無論賣相份量都十分驚人！啤酒雞原隻春雞肉量驚人！而且雞髀位置肉質鮮嫩肉汁爆棚！肉質方面以春雞來說

Woo.....全隻春雞坐定定喺個啤酒樽上面，好架勢 春雞size比我相像中大，又唔會奀芝芝無肉。雞肉好juicy 食到輕輕的啤酒香味，但唔會有苦澀味。伴碟配有薯角/薯條，仲有炒得好香口的雜菜，整體係幾好味！鵝肝的油香配搭起牛肉真係無得輸 鵝肝烤至表面燶燶地，睇安格斯牛肉的色水就知火喉剛好 而且burger仲係夾住沙律菜，感覺邪惡得嚟又fresh啲健康啲，可以選擇跟薯角/薯條/墨西哥脆片。魷魚圈都炸得幾酥脆，脆漿亦唔算厚。薯角就一般普通水準。尼杯自由女神係玫瑰綠茶梳打，飲落感覺澀咗少少，不過顏色賣相都唔差。