醉桃園

營業中

休息中

啱啱喺日本返嚟，好掛住香港打邊爐，第二晚即刻同屋企去食！先揀湯底，特濃莞荽控皮蛋鍋，莞荽控真係必試，一開鍋見到成碗綠色嘅湯底，好誇張！莞荽同皮蛋煮到好入味，侍應姐姐亦會係開始之前斟碗湯畀大家試下原味。等食之前先叫個牛油果鮮蝦春卷，牛油果令到春卷更滑，感覺都健康啲。打邊爐當要有肉，我哋揀咗紐西蘭羊肉片同美國黑豚肉，兩者都肉色鮮嫩，油脂分佈均勻，食落味道濃郁。手打墨魚丸，咬落煙煙韌韌，非常出色。花雕牛肉丸，入面有花雕酒，一啖咬落去就會爆出嚟，絕對係一個令人驚喜嘅組合。黑松露鮮蝦餃，每一口都有香濃黑松露嘅味道，真係令人回味無窮。水餃皮薄滑，鮮蝦餡又足料，絕對值得一試。另外叫咗油麥菜、唐生菜、靈芝菇、山水滑豆腐，味道清新又健康。最後叫咗金箔燕窩蛋白燉奶做甜品，大大塊金箔，感覺好奢華，燉奶亦好滑好滋潤。餐廳氣氛好好，適合一家大細嚟食。環境佈置得好中式，啲餐具全部好精緻，仲提供大量調味料選擇。

兩位姪女大人喜歡打邊爐但又不能吃辣，就帶他們到主打藥膳湯底的醉桃園，這裏的裝飾除了十分光鮮，還很有中國特色又不同的水墨畫和古代屏風。【藥膳花雕醉雞鍋】一個十分大又奢華的火鍋盤盛滿了醉雞湯，湯滾過後就放半隻醉雞落去用最小火力焗熟，雞件嫩滑得來又鎖着肇慶酒的香醇味道，而湯底真是鮮甜又暖胃。【厚切白豬午餐肉】小朋友最愛的火鍋材料，午餐肉數量極多。【美國黑豚肉】薄切的黑豚肉有濃濃的豬肉香味，打邊爐必叫配料。【順德魚腐】魚腐校爽滑彈牙，而且魚肉味道都幾濃郁，中間的空位又朔滿了湯汁。【真打烏冬】名字古怪但是幼細的麵條吃落去彈牙又掛湯，只要淥3分鐘就已經把雞湯的味道索滿。【田園雜菜盤】意想不到的份量十分之大，應該有兩至三斤新鮮蔬菜。蕃茄和西洋菜是比較少見的蔬菜拼盤材料，但是西洋菜越煲越淋很好吃！