Studio Caffeine (廟街)

營業中

休息中

由於我係一個 All day breakfast控,所以見到邊間有All day breakfast食我都會立即衝入去試下,今次我無意中發現佐敦一間好隱蔽嘅小店,可以全日都食到All day breakfast, 所以我第一時間走咗去食,今日我已經好早去到,但都居然full曬,我喺外面等咗十分鐘,終於有人出嚟入到去,意想不到嘅係餐廳入面都幾多外國人係入面食早餐,我坐咗一陣間好快睇曬成個餐牌就出去買嘢食,我叫咗一個素食嘅All day breakfast,朋友叫咗個正常嘅All day breakfast,我哋再加咗一杯玫瑰latte同埋蜜桃冰茶我嘅All day breakfast好多都係沙律菜,唔係好多個All day breakfast都有咁多沙律菜架, 最啱我呢d食得清淡唔敢食太多keep緊fit既人食,最重要呢度有羽衣甘蘭真係好正我同朋友一齊share All day breakfast食,我食左佢小小腸仔,今日食左一個豐富嘅早餐,食得好飽啊,同埋我嘅冰茶超級好飲 ,好有蜜桃味又唔算甜,玫瑰latte都唔錯呀!

Happy Friday 聖地2018/06/29lunch時候，我和同事習慣星期五食好啲，於是第n次走入此店，通常我地諗唔到食咩就會黎食all day breakfast。餐牌中有四款all day breakfast全部價格係約$88-108之間，其中一款係素食，不過就成盤沙拉菜為主，如果都想食番兩塊肉食美式嘅（$98）係唔錯，特別係佢有大啡菇。此店嘅茄汁豆如果是係熱辣辣的上碟係非常好食，以往我好討厭罐頭式嘅茄汁豆，意外嘅係依到用餐時佢地嘅茄汁豆好好食。大啡菇有滿滿嘅肉汁，煙肉同煙三文魚都有少少咸，但兩條不同色和含嘅脆皮腸都好好食。特別一讚係佢球黑松露薯蓉好好味，黑松露味香濃。麵包脆但有啲唔夠熱，溶唔到牛油，但都好好食。焗過嘅蕃茄特別好食，為左個蕃茄值得比個like依餐。炒蛋方面，達到澳牛嘅水準都值得一讚。飲品方面，點左法式焦糖鮮奶咖啡，有啲甜，但拉花好靚。跟餐連$38飲品，所以補$2就有飲品。但今日因為店多人嘅原固，我地等野食等左好耐，食飯時間1hr超過左15mins先番到公司，明明番公司嘅路程唔多過5mins。坐位方面，坐坐下冷氣滴水，正中碟中央，幸好及早食咗舊菇，如果唔係就加