麵道 (已結業)

最近係石門換完身分證 食返碗拉麵當晚餐先😛😛 拉麵店位於石門站附近 一出就見到店舖面積唔算大 座位尚算寬敞最近推出 期間限定嘅拉麵 🍜每日限量20碗 🤩🤩 真係要即刻叫先 🍜-+$25 就有 滿腹套餐 包飲品&小食 😛我哋就叫咗兩個sets -🦪極上牡蠣雞清湯拉麵 $108配料十足🤩 有3大隻日本廣島蠔、肉碎、京蔥絲、筍片廣東蠔隻隻都好飽滿 食落好鮮甜肥美而湯底係用咗蠔仔🦪及 雞熬煮而成湯底味道好鮮甜滋味😋😋 加上粗麵口感彈牙👍🏻👍🏻-🦐伊勢海老豚骨湯拉麵 $87大大塊嘅豚肉叉燒 肥瘦均勻 食落肥而不膩🤤 海老豚骨湯 色澤鮮艷 帶有油光🤤🤤 味道上濃郁嘅豬骨及有蝦香味🤗下次都係揀返粗麵 掛汁力會更強😬-🥟羽根燒餃子賣相好吸引 煎到金煎色嘅焦底 食到卜卜脆 餃子內餡豐富多汁😋😋 -🍗天婦羅無骨雞翼炸無骨雞翼真係第一次食食落啖啖肉 外脆內軟多汁 😋😋-🍵飲品 🥂👉🏻枝裝綠茶👉🏻靜岡綠茶可樂

上次嚟石門京瑞廣場呢個美食集中地嘅時候 已經好想食呢間拉麵店😺 拉麵店喺石門站C出口一出就見到 拉麵店嘅座位得大約20個 所以有機會要等位先有得入座🤔極上牡蠣雞清湯拉麵呢個係店家期間限定嘅拉麵 拉麵每日限量20碗 真係好矜貴㗎 手快有手慢冇㗎😙 拉麵有三大隻日本廣島蠔鋪喺上面 粒粒都好飽滿 食落口非常鮮甜🦪 除咗蠔之外 拉麵仲有少少肉碎 柚子碎 京蔥絲同溏心蛋 湯底方面就比較重海鮮嘅鮮味 飲落口幾甘甜👻醬油特盛叉燒味玉豚骨湯拉麵睇餐牌嘅介紹 湯底係用咗大量豚骨熬足12個鐘頭製成嘅 唔怪得咁好味啦😻 呢個湯底係非常classic嘅豚骨拉麵 雖然冇牡蠣雞清湯咁驚喜 但係呢個熟悉嘅味道更啱我口味💛 溏心蛋仲要有少少流心㗎 另外好彩加多咗特盛叉燒 如果唔係一定唔夠喉🙊 叉燒肥瘦適中 同埋外層燒得好香 如果再厚身少少就更加好唐揚炸雞(3件)外脆內軟 入面啲汁仲有好多🐥 外層唔會好厚粉羽根燒餃子(3件)賣相幾特別 三隻餃子都係放埋一齊 個底煎得非常之脆🐷 配埋餃子汁真係好好食 入面嘅餡有椰菜同埋豚肉支裝烏龍茶其實有好多茶類可以選擇 不過我就比較鍾意飲烏龍茶 所以揀咗佢🍵日本生啤(小）返工返到咁攰梗

有朋友搬咗去石門站附近，所以今日就去咗佢屋企，順便簡單食個拉麵，佢就帶咗我嚟呢間石門站C出口一出就見到嘅麵道。店舖唔算好大，感覺好似去咗日本嘅小型拉麵店，好有親切感。餐牌製作都好精美。呢排鍾意食黑松露，所以就二話不說揀咗呢個黑松露蜆貝醬油湯。湯底睇落清清地，但一飲就有好濃烈嘅黑松露香味，叉燒有兩款，分別係以雞肉同豚肉製成，同時仲會附上蜆肉、玉子同火箭菜，我覺得拉麵跟火箭菜呢個配搭幾特別。朋友就揀咗博多雞白湯，濃郁嘅湯底之中帶點辣味，叉燒係用雞肉製成，麵質亦唔錯。我朋友最鍾意食蔥，仲特登加$8追加咗青蔥。拉麵仲可以加$25追加滿腹套餐，咁就有齊小食同飲品。我哋就揀咗唐揚炸雞，雖然外表比較深色，但其實裏面嘅肉質仍然保持鮮嫩，佢嘅調味亦做得唔錯。另外就揀咗羽根餃子，煎得夠香脆，個人認為唔使點汁都咁好食。仲想食啲蔬菜類，所以就試吓呢個柚子味付蓮藕片，蓮藕片非常爽口，帶有柚子味嘅蓮藕我都係第一次食，味道都幾得意。加$25嘅套餐揀選支裝麥茶都唔需要加錢，我覺得幾抵飲。