Warren (已結業)

今日適逢交通比較唔方便，於是同屋企人去左可以步行距離的大坑食晚飯，入左去這間主打精緻法國菜的餐廳。因為嫲嫲比較細食的緣故，所以我地只係散叫左兩份前菜同小食，個人比較欣賞特別的前菜。我最欣賞的係羽衣甘藍牛油果黎麥沙律配士多啤梨青檸汁，食落好清新，牛油果本身味道唔重，所以主要係靠汁醬天然的水果味。另外的前菜蟹肉芒果沙律相對較普通，味道都係你expect的，不過蟹肉好新鮮。至於主食的重點係醬汁度，當然牛扒同羊扒本身煎得岩岩好，唔會太熟。羊架的迷迭香燒汁可以吊到肉味之餘，羊架係一啲騷味都冇。而牛扒的黑松露燒汁亦唔會掩蓋本身的肉味，松露味不濃烈。

大坑位於天后與銅鑼灣交界，地點比較隱蔽，所以人流比較少。在這裏，草根找到一間氛圍十分浪漫的法國餐廳🍴🌌。Warren, 👋🏻Comment allez-vous?.🍴Warren Set For Two ($988).🥗Starter📍 Baked Scallop with Black Truffle Cheese Sauce 芝士黑松露菌焗帶子帶子柔軟，上面配上芝士和黑松露菌，為淡味的帶子帶來衝擊，令整體味道更有層次。.📍羽衣甘藍牛油果黎麥沙律配士多啤梨青檸汁Avocado Kale Quinoa Salad with Homemade Strawberry and Lime Dressing 沙律材料非常健康，有羽衣甘藍🥬、牛油果🥑、黎麥和沙律🥗，適合健康的都市人，不錯喔。.🥣Soup📍Crab Meat Pumpkin Soup蟹肉南瓜湯南瓜湯Creamy，味道甜而濃厚🎃，不錯。.🥩Main Course 📍Roasted N.Z. Lamb Rack with Polenta Cake and Rosemary Gravy 燒紐西蘭羊架配玉米餅加迷迭香燒汁🐏羊架肉厚骨薄，質素高

大坑係我讀書年代成日流連既地方，而家真係好少去大坑了⋯今晚揸車入黎，預先已訂好位，好在訂左位，店子不大，好快已坐滿座。我倆點左二人餐。Starter可以揀兩款，我地要左羽衣甘藍牛油果黎麥沙律配士多啤梨青檸汁 & 香煎鴨肝配無花果蘋果醬。羽衣甘藍沙律好Fresh感覺好清新，即刻更覺肚餓！而鴨肝煎得剛剛好，好香好有味道。我倆都揀左蟹肉南瓜湯，加上蟹肉亦不少，rich得黎勁creamy, 好味！主菜我揀選左香煎石斑魚，伴菜有薄薯仔片，旁邊有特製醬汁，不錯啊～另一半就揀左燒羊架，好香而且唔so, 好正！

大坑出名多高質西餐，朋友生日，她喜歡幽靜的環境方便傾偈，見Warren評價不錯就在這裡跟她慶生。＊＊＊＊＊＊＊＊＊＊＊＊＊＊雖然Warren賣的是多國菜，但店內廚房上下流線形的外牆配上彩色馬塞克，剛從西班牙旅行回來的我一看就知道是仿效西班牙著名建築師高第的作品，在西班牙高第的建築全部已經列為觀光景點，想不到在大坑卻能在這裡邊回味高第對美的哲學，邊享受美食。二人套餐($988)包括前菜、湯和主菜，菜式都吸引所以就不再看單點餐牌。牛油果番茄芝士魚薄脆薄脆雖然一看就知道是D字頭現成貨，但有加熱過都算交足功課。牛油果份量幾多，口感香滑，半融芝士香味突出，味道對版。羽衣甘藍牛油果黎麥沙律配士多啤梨青檸汁三款超級食物有齊，夠晒健康，不過因為加了士多啤梨青檸汁，所以入口不會只有青草味，而且黎麥食落幾有咬口，幾清新的一道前菜。蟹肉南瓜湯南瓜湯超香甜，入口順滑，裡面都有不少蟹肉，滿分～！！海膽龍蝦湯(跟餐加$30)龍蝦湯不會過鹹，味道濃郁，不過熱食海膽少了鮮甜味，整體味道不及南瓜湯突出。香煎美國頂級西冷伴焗芝士忌廉薯仔配黑松露燒汁西冷牛味幾濃，不過略嫌有點過熟，幸好配上黑松露燒汁味道仍然不錯。焗薯是我的