JK Kitchen (已結業)

又一個星期四既晚上，係銅鑼灣做完gym，每每最頭痛就係要諗食乜。不經不覺間行到黎登龍街，見到永光中心既餐廳琳琅滿目，價錢有貴有平，同朋友揀左一輪後就決定試下呢度。《JK Kitchen》齋睇名以為係西餐，實際上佢係一間越式餐廳黎架。雖然裝修比較簡單，但卻俾到人一種家既感覺，而且牆上仲貼滿一幅幅合照，很有安全感越式炸春卷 - 份量唔小哦，足足六條，平時出面食開得四條架咋🤭春卷即叫即炸，火喉岩岩好，唔會過燶，而且吃唔出有多餘既油份，夾埋生菜再點D沾醬，Nice👍🏼老闆娘炒米粉 - 米粉炒得乾身冇油，加上豬頸肉、芽菜、燈籠椒，真的有一種在家吃媽媽煮飯的味道耶越式三色冰 - 飲完真係透心涼，唔會太甜，Cendol+涼粉+綠豆蓉，完美比例。

番工番到攰攰地，要同同事去食餐好既鼓勵自己。噤岩今次比我地撞正去到一間幾好既樓上小店可以叉下電傾下計~餐廳入面環境幾舒服，而店員安排左我地2個人坐卡位，等我地2個人可以坐得舒服d~呢度環景舒服之外，d野食都唔錯。精選JK炸拼盤春卷: 春卷炸到香脆，餡料既味道岩岩好。牛油雞翼: 雞翼炸得好香口，好脆，仲好重牛油味！魚餅: 魚餅比較上就無咩特別~ 點酸甜汁真係點都好食。蔗蝦:佢個蝦膠食落係彈牙架，好食！薯仔絲蝦:呢個超好食，薯仔絲炸到脆卜卜，好似食緊薯條噤，好正！推介串燒雞肉呢度既串燒同外面既有少少分別，佢無沙嗲醬跟埋架。問過職員，佢地話因為奄肉果時已經加左味，所以個雞唔洗點醬已經好香。老闆娘炒米其實食落同普通豬頸肉炒米粉差不多，但佢炒得好乾身好惹味，令人會不知不覺食完一啖又一啖呢~馬拉盞炒芥蘭呢碟芥蘭好香好惹味，都幾岩d鐘意食濃味野既朋友仔。蓮子薏米冰一黎到見到杯飲品已經覺得好吸睛，好似有杯雪糕噤開心~飲落d冰係椰汁雪成，所以每飲一啖都好解暑，正！熱金桔檸檬同事唔飲得凍野，所以佢簡左呢杯飲..呢杯野上檯時，我地聞到有陣類似感冒熱飲既味...而同事試完，都話呢杯野麻麻地。撇除同事杯野飲之外

又到左年頭出左BONUS既時候，公司入傾得埋幾NICE既同事搵到好路數要離開了，對左幾年日日番工都有講有笑，對方要撤退，以後番工實行有排悶，始終職場之地碞傾既真係唔多。散水飯循例要食番轉，大家屬於係朋友唔單係同事，唔係公司晏晝飯食完一餐就算，而係就番對方係佢屋企鵝頸橋附近揀餐廳食完可以番歸湊B女。佢揀左間屋企附近既樓上食店，話之前假日幫襯過，食物味道同環境都唔錯又傾到計。所以禮拜日晏晝帶左我黎銅記呢邊食晏。好少過黎香港島呢邊，所以感覺幾新鮮，由同事帶路，經過樓下一條食街，而呢幢樓全都係食肆，望見好多樓層既鋪牌都係食日本野。一出電梯，見到個裝修好別緻，粉藍色既窗框做點綴，帶點悠閒風。店內裝潢更見用心，枱櫈都用左好仔鐘意既TIFFANY BLUE粉藍配搭白色，海洋風格中滲透閒逸風情；兩邊窗框都好用左好日系既木材雕飾，令整間店格調彷似日本六本木區既CAFÉ咁。間店明明係長方形，裝修黎講本應好考功能點令間鋪唔狹窄(枱與枱之間保留左一定距離，唔仔細聽，係聽唔到隔離枱談話內容)，但觀乎整間空間感十足且開揚，睇得出係設計上花左心思，係女生喜歡既格調。點左一個飯、一個湯河&小食拼盤+凍飲。餐飲點呢杯仙

睇“六弄咖啡館“前，去食個簡單嘅午餐先！銅鑼灣登龍街有好多食肆，我地今次揀咗"JK Kitchen"來一試！中午時分，我倆上到永光中心17樓，門一開，就見到呢間簡潔嘅餐廳，細細間，以白色為主嘅樓上cafe，感覺好舒適！打開menu一看，見到套餐加20蚊有小食送，唔使額外點，唔錯喎！1.松露肉丸手作麵$65：揀咗手作寬條麵，麵質爽口彈牙！松露味濃郁，嗰忌廉汁非常creamy！肉丸貌相一般，但味道唔錯。Yummy yummy , 我倆好快ko晒！2.越式炸春卷4件$20x2：熱辣辣嘅春卷，點上酸辣醬汁後，用生菜捲上而食，特別惹味呢！3.老闆娘炒米$65：簡簡單單嘅炒米，配料有肉絲、蛋、火腿、洋蔥等。米粉炒得乾爽，味道亦唔錯吖！4.餐飲$5x2: 齊齊加5蚊轉珍珠奶茶，杯奶茶唔會過甜，珍珠粒粒有咬口。侍應生好殷勤，主動收碟之餘，見客人杯飲品飲晒，會自動送上清水一杯，服務良好！埋單$180, 唔使加一，好味又抵食！

朋友約我去登龍街，我仲一心諗住係去食拉麵，點知係帶我去食越南野。抱住試試無妨既心態，就跟佢去搵食。MENU很美，所以拍下來，而餐廳佈置統一，小清新、簡約美越式米紙卷，成日見但又未試過既菜式。到底米紙係點既樣架呢?!其實就好似再薄啲透啲既腸粉，包住所有材料，有蝦仁，米粉，蘿蔔絲同香草。就咁食會略嫌口味較淡，配上店家特定醬汁就會好好多。醬汁味道又甜為主，朋友話食到有辣味，不過可能就太微，我就食唔出。老闆娘炒米，睇個名，估佢應該係招牌菜。上碟賣相好似無咩特別，但望真啲可見米粉絲絲分明，軟硬適中，食落有咬口，並唔係淋哂。豬頸肉絲都係恰到好處，彈牙唔會過un。雖然係一碟普通小炒，但就食得出師傅既手勢

和同事在銅鑼灣辦完事打算一起吃點東西再離開，選了這家新開的JK kitchen試試看。 餐廳座落在拉麵店芸芸的燈籠街上的一座食廈裡，下午茶時間人比較少。餐廳主打台灣和越南菜，裝潢清新，顏色選用的是淺色系感覺蠻少女。牆壁上還貼了越南景色的牆紙，還有一些開幕時明星剪綵的照片（都很眼熟，我不記得名字哈哈哈）。我們點了兩個主食。第一個是炸雞排肉燥飯(HKD 68). 肉燥飯和炸雞排是分開上的，感覺份量十足。肉燥汁比較稠很多峴的那種，和平常吃的有點不一樣。如果大家和我一樣喜歡吃軟一點和味道清淡的應該會喜歡這家餐廳的食物。肉燥飯煮得比較軟身，滷蛋和總體味道都ok. 而炸雞排皮炸得非常脆，但皮和肉上來的時候都分開了。味道偏淡，好像胡椒鹽沒有撒，因為在台灣吃的味道都比較重，可能味道淡一點比較健康？（笑）另一道菜是老闆娘炒米(HKD 58)，哈哈是這家店的老闆年研製出來的嗎？這道菜感覺比較港式，裡面有炒蛋，洋蔥，豬肉等配料。炒米本身比較乾身，但餐廳有配泰式甜辣醬，撈起來會比較好吃而且不辣。