JK Kitchen (已結業)

朋友約我去登龍街，我仲一心諗住係去食拉麵，點知係帶我去食越南野。抱住試試無妨既心態，就跟佢去搵食。MENU很美，所以拍下來，而餐廳佈置統一，小清新、簡約美越式米紙卷，成日見但又未試過既菜式。到底米紙係點既樣架呢?!其實就好似再薄啲透啲既腸粉，包住所有材料，有蝦仁，米粉，蘿蔔絲同香草。就咁食會略嫌口味較淡，配上店家特定醬汁就會好好多。醬汁味道又甜為主，朋友話食到有辣味，不過可能就太微，我就食唔出。老闆娘炒米，睇個名，估佢應該係招牌菜。上碟賣相好似無咩特別，但望真啲可見米粉絲絲分明，軟硬適中，食落有咬口，並唔係淋哂。豬頸肉絲都係恰到好處，彈牙唔會過un。雖然係一碟普通小炒，但就食得出師傅既手勢