A.T.A.S

營業中

休息中

今晚收工過來試吓啲間近期爆紅嘅A.T.A.S. ，主打地道新加坡菜。 A.T.A.S. 係指 A taste above Shiok，Shiok係Singlish（新加坡式英語），年青人用語，意思即係「爽」，全句意思即係「味道超正」！門口在地下，經過一條鐵造嘅樓梯就會上到2樓嘅餐廳範圍，裝修簡潔走文青風格，地方都算寬敞。餐廳係以self-serve 形式經營，即係自己買票，自己取餐，食完餐盤自己放去回收區，店主就係刻意營造星加坡大排檔嘅風格，別具特色！突然勾起以前出job去星加坡嘅回憶😌講番食物，既然走星加坡大排檔風味，當然唔會有啲fancy嘅食物，主要都係地道風味為主，當中不可不試嘅包括「美祿恐龍」、「咖央多士」，都係傳統新加坡地道美食，而餐廳係做得非常出色👍🏻👍🏻🍽️咖椰爆醬 Kaya Overload $68 👍🏻👍🏻👍🏻👍🏻👍🏻啲個係超級邪惡版嘅咖央多士，配以咖椰、雙層牛油同煉奶，表面再撒上厚厚美祿粉，一啖咬落去有多重滋味，唔算太甜，餡料份量適中，牛油咖央同煉奶都好平衡，可以話係餐廳嘅signature，必食冇走雞😎🥤美祿爆炸Milo Explosion $58 👍🏻👍🏻👍🏻👍

除咗叻沙同海南雞飯，其實新加坡菜仲有五花八門嘅菜式，今次就去咗銅鑼灣一間人氣餐廳A.T.A.S。餐廳採取自助形式，先揾座位然後去櫃檯點餐並付款，完成後店員會比客人pager，當餐點準備好就會透過pager通知客人取餐，餐具、調味料等都可以去旁邊櫃檯自取，好有新加坡bazaar風味！炸魚片米粉（$98）粗米粉吸收咗濃厚魚湯，非常軟身，加上炸到香脆嘅炸魚片帶有淡淡酒香同胡椒味，配料仲有白菜、蕃茄、紫菜，健康又好食。肉脞面（$88）我哋另外叫咗一款較為濃味嘅新加坡麵食，配料非常豐富，有豬肉碎、豬肝、魚蛋、滷冬菇、炸雲吞、生菜等，麵底就揀咗老鼠粉，因為調味料落咗少少醋同辣椒，入口酸酸辣辣，好開胃！辣椒蟹肉醬配炸饅頭（$98）呢個好有驚喜！炸饅頭外脆內軟，蘸埋香辣蟹肉醬，呢款地道嘅菜式令我一下子好似身處新加坡！斑蘭薏米水（$28）每次食新加坡菜必點薏米水，呢款比較清淡，粒粒薏米好有咬口！酸梅青檸水（$30）原粒酸梅加兩粒青檸，清新開胃，非常解膩。

上次排隊買麻糬波波已經留意到有呢間幾特別嘅餐廳，門口嘅白色樓梯幾清新，上到去都幾大，裝修都係行小清新路線，令人有幾温馨嘅感覺😂✨肉脞麵 - 我喺新加坡都冇食過呢款麵，佢好足料，有炸雲吞，豬潤，肉碎，滷水菇，叫左少辣，撈均食幾惹味~✨炸魚片米粉 - 魚片原來係真材實料嘅魚肉，肉質幾滑嫩，一碗都有好多魚片，幾抵食，襯埋個魚白湯，鮮甜味道出晒泥✨咖椰爆漿 - 勁特別勁邪惡，面頭鋪左滿滿嘅美祿粉，裡面夾左兩層牛油，仲有朱古力醬，kaya同花生醬，好滿足~✨Blackpink - 個名夠晒頂癮，之前喺新加坡飲過玫瑰露，而家再飲係回憶嘅味道，仲加左d仙草幾爽口✨Michael Jackson - 黑mix白，豆奶味幾出，叫左少甜，清清地配仙草又幾夾！

A.T.A.S @atas_hk📍銅鑼灣邊寧頓街9-11號登龍閣地下C2號舖.呢間位於銅鑼灣嘅新加坡菜餐廳A.T.A.S主打新加坡粉麵小食，由新加坡人主理，餐廳裝修走簡約風，有啲似文青cafe，以自助形式落單，簡單方便；粉麵選擇多，食得岀新加坡地道正宗嘅味道，性價比高，值得一試👍🏻👍🏻.🐟 炸魚片米粉 $98: 湯底已魚湯熬製，呈奶白色，帶鮮味，炸魚片夠香脆鮮嫩，仲有白菜、番茄同紫菜作配菜，份量足😍.🍜 肉脞面 $88: 可選粗麵/幼麵/ 老鼠粉，配料有肉脞、豬肝、魚蛋、滷冬菇、豬油渣及生菜，再拌入參巴辣椒醬，香濃帶微辣，非常惹味🥰 再跟一碗蔥花湯，可加入拌麵～.🐷 炸五香卷 $48: 外層係炸腐皮，炸至卜卜脆，內餡係豬肉，啖啖肉好香口👍🏻.🤎 美祿爆炸 $58: 美祿奶上有海量嘅朱古力脆波波同美祿粉，極之邪惡😈.❤️ 玫瑰青檸水 $28: 帶淡淡玫瑰香，亦有微微荔枝味，加入青檸，飲落冇咁甜，呢隻粉紅色非常搶眼🤣

落銅鑼灣買野，所以近近嚟咗邊寧頓街呢間「星馬Cafe」（順便想睇吓樓下間人龍Bakery嘅麻薯波波，買到就買，買唔到就算🤪）食「星加坡菜」😋沿着樓梯上嚟，可以自助落單，或者counter買飛，12:00pm開，我哋12:15pm左右上去都已經坐咗一半位置，我搵了個窗口位坐望下街景😁係Counter買左飛，會俾你一個取餐器，食物準備好就可以拎，簡單方便😃買了 🥢🥢肉脞面（老鼠粉）入邊有炸雲吞，魚蛋，冬菇，肉碎，生菜果堆辣椒醬撈埋一齊好好味😋😋小食：炸五白卷好似炸魚肉酥咁，外脆內軟，點甜辣醬好味😍甜品：Kaya Toast 多士嘅表面香脆得黎鬆軟唔硬身,配啖啖牛油🧈😋😋滿足🥰飲品🥤酸梅青檸水 👍🏻👍🏻👍🏻👍🏻酸味味，開胃🥰Black Pink👍🏻👍🏻👍🏻👍🏻👍🏻唔係韓國組合，係一杯玫瑰露仙草🤣又靚又好味😋有手尾，食飽飽將食物盆拎去回收counter 比姐姐清潔😄#可以encore#星馬菜#打卡Cafe#1704📍 A.T.A.S 銅鑼灣邊寧頓街9-11號登龍閣地下C2號舖

今晚收工去食平時少食既星加坡菜。餐廳個名叫A.T.A.S，唔係只做平時常見既星加坡菜菜式如海南雞飯或喇沙，反而有特色既菜式例如釀豆腐菜式同麵粉粿。餐牌簡單，有唔同既麵條，小食，同飲品。首先係收銀落單俾錢之後就去自助區自己攞餐具同醬料，醬料有甜醬，豉油，醋同青辣椒等。食完自己將餐具放返去回收架。肉脞面 $78肉脞面係主餐牌無既新菜式，面係粗麵，頗有嚼勁，本身味道唔重，個人認爲一定要加黑醋食。配料豐富，有兩隻炸雲吞，豬肝四五塊，白魚蛋3粒，唔少豬肉碎，滷冬菇，生菜片4塊左右，蔥花，同參巴醬辣椒醬。炸雲吞大大隻，皮脆而入面有好多豬肉碎。豬肝整得好熟。白魚蛋雖然細細粒，不過夠彈牙。滷冬菇好入味。參巴醬辣椒醬好惹味。呢個面仲跟左一碗蔥花湯，味道清淡。呢碗面都幾大碗，唔算貴。辣椒板麵 $88板麵好滑，食落好似河粉，個汁味道調得好好，好味又唔會太重口味，每條板麵都好夠味。配料有豬肉丸，炸江魚仔，滷冬菇，蛋，切碎菜心，炸蒜，蔥，同參巴醬辣椒醬。豬肉丸其實係肉碎。炸江魚仔好脆，為碗麵帶黎超好既香脆口感。麵撈埋參巴醬辣椒醬一齊食更加惹味。如果隻蛋可以生少少有蛋汁流出黎仲正！個人鍾意呢款辣椒板麵多d，因爲味

🌸銅鑼灣美食🌸A.T.A.S🍽很久沒有旅行，很懷念以往能夠到星馬泰旅行一嚐當地美食，因此今天到了銅鑼灣一間主打正宗新加坡菜的餐廳-「A.T.A.S」享用是日晚餐❗餐廳鋪面寬敞，座位舒適，裝修簡約，以木系素材為主調❗而店員們亦殷勤有禮。我們一行2人共點了以下餐點：1️⃣🌟肉脞面 $78肉脞面是一款上湯拌麵，有多款配菜，包括新加坡魚蛋、炸雲吞、爽脆生菜及特制辣椒醬等，把彈牙的油麵、上湯及配菜拌勻食用味道十分滋味。美味指數：⭕⭕⭕⭕賣相指數：⭕⭕⭕⭕️抵食指數：⭕⭕⭕⭕2️⃣🌟辣椒板麵 $88同樣是拌麵，麵條為板麵，有多款配料，包括豬肉九、炸江魚仔、滷冬菇、蛋、菜心、炸蒜、蔥及參巴醬辣椒醬，把配搭及彈牙板麵拌勻來吃十分滋味，辣度適中❗️美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️3️⃣🌟美祿爆炸 $58美祿爆炸味道香濃，甜度適中，還有朱古力餅乾及脆粒點綴。❗️美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️4️⃣🌟青檸茶 $28青檸茶充滿香濃茶味，又有新鮮青檸，味道清新醒胃❗️美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️🌟為是次餐廳用膳的推薦菜色❗總括而言，此餐廳食物質素不錯，環境舒適，